Það er mjög stutt í fallsætin fyrir neðan en það er til að mynda aðeins 4 stig sem skilja að neðsta sætið í deildinni og svo 7.sætið og því eru öll stig mikilvæg í baráttunni um áframhaldandi sæti í deildinni.
Það gæti því farið svo að tapliðið hér í dag fari niður í fallsæti með óhagstæðum úrslitum í öðrum leikjum

Haukar sitja í 9.sæti deildarinnar með 14 stig en gengi þeirra upp á síðkastið hefur ekki þótt neitt til að hrópa húrra yfir, þeir eru með 1 stig í síðustu 5 leikjum en þeir sóttu þó virkilega sterkt stig á Ólafsvík í síðustu umferð þegar þeir gerðu jafntefli 2-2 við Víkinga.

Njarðvíkingar eru sæti neðar eða í 10.sæti með stigi minna og gengi þeirra hefur einnig verið börsótt en þeir eru með 1 sigur í síðustu 5 leikjum, þeir voru þó óheppnir að ná ekki að stela stigi á móti toppliði ÍA í síðustu umferð en Skagamenn sóttu þá 3 stig suður með sjó þegar þeir unnu 2-1.

Það má með sanni segja að þetta verði hörku sex stiga leikur milli Hauka og Njarðvíkur þar sem bæði þessi lið eru í hörkubaráttu fyrir tilveru sinni í þessari deild að ári.
Haukar gerðu góða ferð til Njarðvíkur í fyrri leik liðanna í sumar þar sem þeir sóttu stigin 3 með 2-1 sigri á Njarðtaksvellinum og því má búast við að Njarðvíkingar vilja hefna fyrir það.

Komið margblessuð og sæl og verið hjartanlega velkominn í beina textalýsingu frá fallbaráttuslag Hauka og Njarðvíkur í 16.Umferð Inkasso deild Karla.