Leiknir R.
1
2
Víkingur Ó.
0-1 Gonzalo Zamorano '9
0-2 Kwame Quee '78 , víti
Sævar Atli Magnússon '82 , víti 1-2
24.08.2018  -  18:00
Leiknisvöllur
Inkasso deildin - 1. deild karla
Dómari: Elías Ingi Árnason
Maður leiksins: Gonzalo Zamorano
Byrjunarlið:
Eyjólfur Tómasson
10. Ólafur Hrannar Kristjánsson
10. Sævar Atli Magnússon (f)
10. Daníel Finns Matthíasson ('73)
11. Ryota Nakamura
15. Kristján Páll Jónsson (f)
17. Aron Fuego Daníelsson
19. Ernir Freyr Guðnason
20. Óttar Húni Magnússon
27. Miroslav Pushkarov
29. Vuk Oskar Dimitrijevic

Varamenn:
1. Viktor Freyr Sigurðsson (m)
3. Ósvald Jarl Traustason
7. Ingvar Ásbjörn Ingvarsson ('73)
13. Magnús Andri Ólafsson
13. Ragnar Páll Sigurðsson
18. Sebastian Miastkowski
80. Róbert Vattnes Mbah Nto

Liðsstjórn:
Vigfús Arnar Jósepsson (Þ)
Sigurður Heiðar Höskuldsson (Þ)
Gísli Þór Einarsson
Gísli Friðrik Hauksson
Gunnlaugur Jónasson

Gul spjöld:

Rauð spjöld:
Leik lokið!
Víkingur frá Ólafsvík eru ennþá í bullandi toppbaráttu eftir þennan sigur!

Skýrsla og viðtöl seinna í kvöld.
94. mín
Dauðafæri. Kvame Quee á skot hátt yfir úr upplögðu færi.
92. mín
Leiknismenn að setja pressu á síðustu mínútunm. Fá hornspyrnu sem Ingvar Ásbjörn tekur. Ólsarar hreinsa burt. Boltinn fer aftur inná teiginn, endar hjá Miro sem á skalla að marki en Fran ver hann nokkuð auðveldlega.
90. mín Gult spjald: Emir Dokara (Víkingur Ó.)
Ingvar Ásbjörn með þvílíkan sprett upp miðjuna, farmhjá hverjum Ólsaranum á fætur öðrum áður en hann er tekinn niður við miðjubogann.
85. mín
Það er allt að sjóða uppúr. Núna fellur Ólsari í teig Leiknismanna og Ejub og Jónas Gestur heimta víti.

Þetta var mjög rólegur leikur fyrstu 80 mínúturnar en svo allt í einu æstust leikar.

Fótbolti maður.
83. mín
Ejub var ekki sáttur við vítaspyrnudóminn og öskrar á Fúsa, þjálfara Leiknismanna: "Á hvað var verið að dæma?!?!"

Fúsi yppti öxlum og þar með lauk þeim samræðum.
82. mín Mark úr víti!
Sævar Atli Magnússon (Leiknir R.)
Sævar Atli stígur á punktinn og sendir Fran í vitlaust horn. Öruggt!
81. mín
Leiknismenn fá víti!

Þetta var óvænt. Ég skal viðurkenna að ég hef ekki hugmynd um fyrir hvað frekar en flestir á vellinum.
78. mín Mark úr víti!
Kwame Quee (Víkingur Ó.)
Öruggt. Sendir Eyjólf í vitlaust horn.
76. mín
Vítaspyrna!!

Víkingar fá aukaspyrnu á hættulegum stað á horni vítateigsins. Kwame Quee tekur spyrnuna. Boltinn hafnar á fjærstönginni þar sem Ívar Reynir tekur boltann framhjá Kristjáni sem brýtur á honum.

Réttilega dæmt víti.
73. mín
Inn:Ingvar Ásbjörn Ingvarsson (Leiknir R.) Út:Daníel Finns Matthíasson (Leiknir R.)
Hinn ungi Daníel fer útaf vegna meiðsla.
71. mín
Gonzalo Zamorano með skot rétt framhjá úr nokkuð þröngu færi í teignum. Hann er búinn að vera hættulegur í teignum í dag.
70. mín
Hvorugt liðið að skapa sér mikið þessa stundina.
69. mín
Forvitnilegt.

Elli dómari ætlar að gefa Óla Hrannari tiltal fyrir tæklingu sem hann átti stuttu áður. Óli vill bara halda áfram með leikinn og gefur sér ekki alveg nógu mikinn tíma í spjallið að mati Ella, Elli kallar hann til baka og þeir skilja sáttir.
64. mín
Vuk komst uppað endamörkum en sending hans útí teiginn ratar ekki á Aron Fuego.

Eins og áður segir eru heimamenn að vakna.
61. mín
Inn:Sasha Litwin (Víkingur Ó.) Út:Ástbjörn Þórðarson (Víkingur Ó.)
61. mín
Inn:Ívar Reynir Antonsson (Víkingur Ó.) Út:Vignir Snær Stefánsson (Víkingur Ó.)
60. mín
Þá fara Víkingar upp sem endar á skoti frá Nacho Heras en það er beint á Eyjó í markinu.

Leiknismenn sækja hratt sem endar á því að Óli Hrannar sleppur næstum í gegn.

End to end stuff hérna!
60. mín
Leiknismenn eru að sækja í sig veðrið.
59. mín
Vuk og Daníel með skemmtilegt spil fyrir utan teig sem endar á skoti frá Daníel sem Fran missir framhjá.
57. mín
Frábær sókn Leiknismanna. Aron og Vuk spila vel upp hægri kantinn sem endar á skoti frá Vuk utarlega í teignum en boltinn siglir rétt framhjá.
56. mín Gult spjald: Vignir Snær Stefánsson (Víkingur Ó.)
Gult fyrir peysutog eftir að hafa misst Kristján Pál framhjá sér.
51. mín
Leiknismenn taka stutt horn. Aron gefur á Daníel Finns sem á skot rétt framhjá við vítateigshornið.
48. mín
Nacho nálægt því að skora eftir hornspyrnu. Boltinn hafnar hjá honum á markteig en boltinn skoppar af honum beint til Eyjó í markinu.
46. mín
Leikurinn er farinn af stað. Vonandi fáum við aðeins meira action í seinni hálfleik.
45. mín
Hálfleikur
Hálfleikur. Þetta var rólegt síðustu mínúturnar.
34. mín
Leikurinn er nokkuð rólegur núna en gestirnir stjórna þessu sem áður. Þeir eru mun líklegri til að bæta við heldur en heimamenn að jafna.
30. mín
Sorie Barrie með lúmskt skot nokkuð fyrir utan teig. Boltinn fer rétt yfir en Eyjólfur virtist vera með þetta í markinu.
25. mín
Vörn Leiknismanna virkar ekki mjög traust í dag. Víkingar mega ekki nálgast vítateig heimamanna án þess að hætta skapist.

Núna rétt áðan átti Gonzalo Zamorano hættulegan kross þvert fyrir markið en boltinn sigldi framhjá pakkanum.
24. mín
Vuk Oskar með fyrsta skot Leiknismanna að marki en skotið er vel framhjá.
22. mín
Leiknismenn fá hornspyrnu sem endar hjá Víkingum. Þeir sækja hratt fram þar sem Zamorano þýtur upp kantinn, á sendingu á fjær en skot Ingibergs Kort er beint á Eyjólf.
18. mín
Víkingar fá aukaspyrnu á hættulegum stað við vítateigshornið. Ernir Freyr braut á honum. Það stefnir í erfiðan dag hjá Erni ef eitthvað er að marka byrjunina.

Kwame Quee tekur spyrnuna sen heimamenn hreinsa.
14. mín
Nacho á hættuspark sem endar í síðunni á Sævari Atla sem liggur í teig Leiknismanna. Elías flautar aukaspyrnu, sem betur fer fyrir Leiknismenn, því boltinn hafnar hjá Ástbirni sem á geggjað skot sem hafnar í fjær horninu.
12. mín
Víkingar mun meira með boltann og stýra leiknum.
9. mín MARK!
Gonzalo Zamorano (Víkingur Ó.)
Gonzalo fær boltann inní teig heimamanna og leikur auðveldlega framhjá tveimur varnarmönnum Leiknis og leggur hann í fjærhornið.
7. mín
Miðjan hjá Leiknismönnum í dag skipa þeir Sævar Atli, Daníel Finns og Vuk Oskar en þeir eru fæddir á árunum 2000 og 2001. Verður áhugavert að fylgjast með þeim.
3. mín
Leiknismenn fá gott færi!

Hornspyrna sem hinn ungi Daníel Finnst tekur endar beint á kollinum á Óttari Húna sem skallar hann framhjá af markteig nokkuð óvaldaður.

Byrjar fjörlega.
1. mín
Dauðafæri!!!

Fyrsta færi leiksins komið og það er gestanna. Misskilingur í vörn heimamanna varð til þess að Zamarano fékk boltann einn og óvaldaður á vítateigslínu Leiknismanna en Eyjólfur gerði sig stóran í markinu og varði vel.

Þetta tók ekki langan tíma.
1. mín
Leikurinn er farinn af stað. Gestirnir sækja í átt að Breiðholtslauginni í fyrri hálfleik.

Elías Ingi flatuar í dag.
Fyrir leik
Liðin eru að ganga inná völlinn. Það er ekk þétt setið í stúkunni, það verður að viðurkennast.

Vonandi fáum við skemmtilegan leik.
Fyrir leik
Það viðrar vel í Efra-Breiðholtinu í kvöld. Liðin eru að klára upphitun. Menn í blaðamannastúkunni eru að tala um að þetta verði hörkuleikur í kvöld.

Elvar Geir Magnússon spáir 2-2 í hörkuleik.
Fyrir leik
Það vekur athygli að þjálfari Leiknismanna, Vigfús Arnar Jósepsson, er á meðal varamanna í kvöld.

Með fullri virðingu fyrir Fúsa segir það kannski meira en mörg orð um manneklu heimamanna.
Fyrir leik
Byrjunarliðin eru komin inn.

Eins og fyrr segir eru þeir Bjarki, Árni Elvar og Ernir í banni hjá heimamönnum. Inn í byrjunarliðið fyrir þá koma þeir Ryota Nakamura, Óttar Húni Magnússon og Daníel Finns Matthíasson.

Gestirnir gera eina breytingu á liði sínu frá tapinu í síðustu umferð. Vignir Snær Stefánsson kemur inn fyrir Sasha Romero
Fyrir leik
Leiknismenn gerður góða ferð norður um síðustu helgi þegar þeir skelltu sér á Grenivík og unnu mikilvægan 0-1 útisigur á Magnamönnum. Það var Ólafur Hrannar sem skoraði mark Leiknismanna, hans fyrsta eftir endurkomuna "heim" frá Þrótturum.

Það er ljóst að það verða þónokkrar breytingar á byrjunarliði heimamanna í kvöld, en þrír af leikmönnum liðsins, þeir Bjarki Aðalsteinsson, Árni Elvar Árnason og Ernir Bjarnason, eru í banni.

Víkingar töpuðu síðasta leik sínum gegn Þrótturum, líklega heitasta liði deildarinnar, 4-3 á heimavelli. Ætli Ólsarar að eiga einhver séns á að spila í Pepsí að ári er nokkuð nauðsynlegt fyrir þá að sigra hér í kvöld.
Fyrir leik
Komiði sælir og blessaðir lesendur góðir og veriði öll hjartanlega velkomin í þessa beinu textalýsingu frá leik Leiknismanna úr Breiðholti og Víkinga frá Ólafsvík.

Leikurinn er hluti af 18. umferð og því styttist í annan endann á mótinu.

Það er mikið undir hér í kvöld. Bæði þessi lið eru í hörku baráttu í deildinni, þó á sitthvorum enda töflunnar.
Byrjunarlið:
1. Fran Marmolejo (m)
2. Ignacio Heras Anglada
3. Michael Newberry
5. Emmanuel Eli Keke
6. Ástbjörn Þórðarson ('61)
10. Kwame Quee
10. Sorie Barrie
13. Emir Dokara
19. Gonzalo Zamorano
22. Vignir Snær Stefánsson ('61)
28. Ingibergur Kort Sigurðsson

Varamenn:
12. Kristján Pétur Þórarinsson (m)
7. Ívar Reynir Antonsson ('61)
7. Sasha Litwin ('61)
11. Jesus Alvarez Marin
17. Brynjar Vilhjálmsson
21. Pétur Steinar Jóhannsson
27. Guyon Philips

Liðsstjórn:
Ejub Purisevic (Þ)
Antonio Maria Ferrao Grave
Jónas Gestur Jónasson
Þorsteinn Haukur Harðarson
Hilmar Þór Hauksson

Gul spjöld:
Vignir Snær Stefánsson ('56)
Emir Dokara ('90)

Rauð spjöld: