Liðin hafa lokið upphitun og halda til búningsklefa. Væri til í að sjá fleira fólk í stúkunni er samt ánægður með eina sem er búin að hengja Fylkis fána á svalirnir sínar fyrir aftan eitt markið metnaður!

Þjálfararnir eru mættir út á völl ásamt nokkrum leikmönnum að stilla og setja upp æfingar. Það þarf að ræða þessar lúffur sem að Kjartan Stefánsson þjálfari Fylkis hefur verið að nota í undanförnum leikjum. Þær sjást úr sirkað 2,3 km fjarlægð og virðast vera úr alvöru Íslenskri ull. Hvort hann hafi búið þær til sjálfur eða keypt þær út í búð eða hvort þær séu hreinlega happa veit ég ekki en ég mun komast að því eftir leik fyrir áhugasama!

Veðurspá dagsins er með besta móti! Það er skýjað og skúrir inn á milli og létt gola aðstæður gerast ekki mikið betri en þetta fyrir fótbolta. Ég ætla einnig að hrósa vallarverðinum en línurnar á vellinum eru þráðbeinar! Sjaldgjæf sjón og augljóst að Daði Ólafs hefur ekki lagt þær í dag.

Þetta er eini meistaraflokks leikurinn sem leikinn er á Íslandi í dag og því enginn afsökun til að mæta ekki. Fylkir gæti komist upp í Pepsí deildina að ári með sigri svo ég vil sjá Árbæinga fjölmenna. Afturelding/Fram gæti farið langleiðina með að bjarga sér frá falli me ðsigri svo Mosfellingar og allir þeir fjölmörgu aðdáendur Fram á Íslandi (Valtýr Björn ég er að tala við þig) ég vil sjá ykkur mæta.

Byrjunarliðin eru klár og má sjá þau hér til hliðar!

Hjá Fylki byrja Fyrirliðin og vinnuvélin Berglind Rós á miðjunni ásamt Margréti Björg Ástvaldsdóttir en Þórdís Edda Hjartardóttir er á sínum stað í markinu en hún hefur aðeins fengið á sig 7 mörk í sumar! Marija er ekki í hóp hjá Fylki þar sem hún er í landsliðsverkefni með Serbneska landsliðinu og það er risa skarð að fylla fyrir heimakonur.

Hjá Aftureldingu/Fram byrjar reynsluboltinn og fyrirliðin Valdís Ósk Sigurðardóttir ásamt hinum bráefnilegu Hafrúnu Rakel Halldórsdóttir og Cecilíu Rán Rúnarsdóttir í markinu. Mæli með að þið fylgjist með þeim í framtíðinni!

Leikmenn til að fylgjast með

Fylkir: Margrét Björg Ástvaldsdóttir #20. Margrét er fjölhæfur miðjumaður hún er frábær sóknarlega en gæti bætt sig aðeins varnarlega. Hun les leikinn frábærlega og er með "eagle eye" þegar kemur að lykil sendingum. Velur yfirleitt alltaf rétta kostinn á loka þriðjung.

Afturelding/Fram: Stefanía Valdimarsdóttir #18 svoleiðis raðaði inn mörkunum í 2.deild í fyrra en hefur kannski ekki náð að fylgja því nógu vel eftir í sumar. Hún eer samt ætíð hættuleg og alltaf líklegust til að skora hjá Aftureldingu/Fram. Hún les leikinn vel og er með baneitrað finish upp við markið.

Aðrir leikmenn sem gaman er að fylgjast með

Bryndís Arna Níelsdóttir #27(Fylkir)
Hulda Sigurðardóttir #6(Fylkir)
Berglind Rós Ágústdóttir #21(Fylkir)

Janet Egyr #20 (Afturelding/Fram)
Hafrún Rakel Halldórsdóttir #25(Afturelding/Fram)
Cecilía Rán Rúnarsdóttir (M) 12(Afturelding/Fram)

Fyrir þennan leik sitja liðin á sitthvorum enda töflunar í gjörólíkri stöðu.

Fylkir er í efsta sæti með 39 stig og með sigri í dag tryggja þær sér sæti í Pepsí deildinni að ári!

Afturelding/Fram eru hinsvegar í 8 sæti með 14 stig tveimru stigum frá hömrunum sem eru í fallsæti en Afturelding/Fram á tvo leiki til góða á þær þar á meðan þessi leikur hér og svo á móti KEflavík hinu toppliðinu í deildinni.

Komiði blessuð og sæl og velkomin í beina textalýsingu frá Floridana-Vellinum þar sem við eigast Fylkir og Afturelding/Fram í inkasso ástríðunni og hefst leikurin klukkan 17:45.