Liðin ganga til vallar og ég verð að segja ég hálfvorkenni þeim. Veðrið er skelfilegt, rok og rigning og af slæmar aðstæður til knattspyrnuiðkunar. En þessir naglar ætla ekki að láta það á sig fá og vonandi bjóða okkur uppá skemmtilegan leik við erfiðar aðstæður.

Heimakonur eru í bullandi veseni í 9.sæti deildarinnar og þar með í fallsæti. 3 stigum á eftir KR og með talsvert verri markatölu svo brekkan er brött.

Liðið hefur í sumar á köflum leikið fínan fótbolta og kroppað í stig þar sem ekki var búist við því eins og t.d sterkur útisigur á Stjörnunni fyrr í sumar ber vitni um.

En leikirnir við liðin i kringum þær hafa verið þeim erfiðir, jafntefli og tap gegn Selfossi, tap gegn FH og HK/Víking hafa sett liðið í erfiða stöðu.

Grindavík á þó eftir leik gegn FH sem þegar er fallið og innbyrðisleik gegn KR svo staðan er ekki vonlaus en úrslitin þurfa svo sannarlega að falla með þeim í síðustu umferðunum ef ekki á illa að fara.

Ekki úr vegi að fara yfir stöðu liðanna í deildinni nú þegar farið er að síga ansi duglega á seinni helming mótsins og byrjum við þar á gestunum.

Eyjaliðið siglir lygnan sjó um miðja deild og er ekki í fallhættu né er liðið að fara að trufla liðin fyrir ofan sig.
Spilamennskan hefur verið upp og niður í sumar og eflaust hefðu Eyjastúlkur viljað vera með fleiri stig á þessum tímapunkti en meiðsli lykilmanna hafa herjað á liðið í sumar. Eyjaliðið er samt firnasterkt og verkefni Grindavíkur í dag afar erfitt.

Góðan dag kæru lesendur og verið velkominn í beina textalýsingu Fótbolta.net frá leik Grindavíkur og ÍBV í Pepsdeild kvenna sem fram fer í Grindavík nú klukkan 14.