Liðin eru að labba út á völl. Þetta er allt að byrja.. Viðureign Selfoss og ÍA hefur líka mikið að segja fyrir þessi lið, bæði á botni og toppi

Byrjunarliðin eru komin. Það er áhugavert að sjá lið Víkings Ó. Fyrirliðinn Emir Dokara slasaðist við vinnu og er ekki með liðinu í dag. Þá er Ingibergur Kort Sigurðsson ekki með vegna meiðsla og Kwame Quee er tæpur í læri og er á bekknum.

Njarðvíkingar eru hinsvegar með óbreytt lið frá seinasta leik

Liðin mættust einnig á Fótbolta.net mótinu fyrir tímabilið en þeim leik lauk með öruggum 3-1 sigri Njarðvíkinga.

Liðin gerðu 1-1 jafntefli þegar þau mættust í Njarðvík fyrr í sumar. Kwame Quee kom Ólafsvík yfir í leiknum áður en Kenneth Hogg jafnaði fyrir Njarðvík.

Gestirnir úr Njarðvík eru svo gott sem öruggir með sæti sitt í deildinni þegar tvær umferðir eru eftir því þeir eru sex stigum á undan Selfossi sem er í 11. sæti.

Ólafsvíkingar eru hisnvegar í 3. sæti deildarinnar og ólíklegt má telja að liðið komist upp í Pepsi deildina. Til að það gerist þurfa Víkingar að vinna báða leikina sem eftir eru, gegn Njarðvík og Fram, og treysta á að ÍA tapi báðum sínum leikjum, gegn Selfossi og Þrótti

Komiði sæl og verið velkomin í beina textalýsingu frá viðureign Víkings Ó. og Njarðvíkur en um er að ræða leik í 21. umferð deildarinnar.