Fimm mínútur í að Ívar Orri og aðstoðarmenn hans þeir Bryngeir Valdimarsson og Egill Guðvarður Guðlaugsson flauti leikinn á.

Á vellinum núna eru heiðursgestir en það er þriðji flokkur kvenna sem urðu á dögunum Íslandsmeistarar. Það er vel klappað fyrir þeim.

Ég verð illa svikinn ef það verður ekki full stúkan á Origovellinum í dag. Það er geggjað veður til knattspyrnuiðkunar og sólin skín. Svona fyrir utan það hve miklu máli leikurinn skiptir liðin.

Indriði Sigurðsson er spámaður umferðarinnar:

Indriði Sigurðsson fyrrum atvinnumaður, leikmaður KR og landsliðsins er spámaður umferðarinnar hjá okkur á Fótbolti.net. Hann spáir þessari niðurstöðu í leiknum í dag.

Valur 2 - 0 ÍBV
Solid sigur hjá Val. Þeir vinna sanngjarnan sigur, eru með mun sterkara lið og eru á heimavelli. Titillinn er í þeirra höndum og þeir munu allavega ekki klúðra því þarna.

Í þjálfarastöðum liðanna eru tveir refir. Óli Jóh sem eins og allir vita er einn ef ekki besti þjálfari landsins í dag og svo Kristján Guðmundsson sem hefur það orðspor að því lengri tíma sem hann hefur til að undirbúa lið sitt fyrir leiki, því meiri likur eru á sigri. 2 vikur frá leik ÍBV og Víkings sem fór 1 - 1. Hvaða klókindi býður KG upp á í dag?

ÍBV sitja í 8 sæti deildarinnar með 23 stig og 2 mörk í mínus.

En spennan í Evrópubaráttunni og fallbaráttunni er ekki síðri en á toppnum. Keflavík er búið að kveðja eins og allir vita en staða annarra liða í sætum 11 og í raun og veru (þó ólíklegt sé) upp í sæti 7 er ekki trygg. Fjölnismenn eru í verstu stöðunni en ÍBV er ekki tölfræðilega öruggir en þeir tryggja sæti sitt í deildinni í dag með sigri.

Það verður samt að teljast ólíklegt að Valsmenn og Stjarnan spili þetta upp í hendurnar á Blikum og því legg ég peninginn (ef ég væri i feninu) á að þetta verði tveggja hesta kapphlaup.

En spennan í Pepsí deildinni er við það að verða óbærileg. Valsmenn sitja á toppi deildarinnar með 40 stig og 20 mörk í plús. Í öðru sæti sitja Stjörnumenn með 39 stig og 21 mark í plús og í því þriðja eru Breiðabliksmenn með 35 stig og 13 mörk í plús.

Valsmenn eru því með þetta í höndum sér. Stjörnumenn hljóta að vonast til þess að Valsmenn spili þetta úr höndunum og Blikar biðja til allra máttarvalda að Valsmenn og Stjarnan klúðri sínu.

Það er við hæfi að óska Stjörnumönnum nær og fjær til hamingju með bikarmeistaratitilinn í karlaboltanum. Vel gert Stjarnan.

Halló halló! Verið hjartanlega og innilega velkomin í beina textalýsingu á leik í 20 umferð Pepsí deildar karla. Leikurinn sem um ræðir er leikur Íslandsmeistara Vals og ÍBV. Hefst leikurinn kl. 17:00 að staðartíma.