Seven Nations Army með hinni stórgóðu sveit White Stripes fær hér að hljóma í hátalarakerfinu þegar liðin búa sig undir að ganga til vallar. Hefjum þessa veislu.

Þá erum við komnir í samband við umheiminn og boltinn getur farið að rúlla. Liðin hafa lokið upphitun og haldið til búningsklefa til lokaundirbúnings. Spámaður dagsins er Stefán Hrafn Hagalín og spáir hann 2-1 sigri Skagamanna. Viktor Jóns með bæði seint í leiknum eftir að hafa komið inná sem varamaður.

KR sigraði einnig sinn riðil með talsverðum yfirburðum, 4 sigrar og 1 jafntefli, 15 mörk skoruð og ekki eitt einasta mark fengið á sig í leikjunum 5. Tobias Thomsen sem sneri aftur í vesturbæinn í vetur eftir ár hjá Val var afar heitur fyrir framan markið og lauk riðlakeppninni með 7 mörk.

Í undanúrslitum mætti KR svo FH og hafði þar sigur 3-2 í spennuleik þar sem áðurnefndur Thomsen setti þrennu.

Skaginn sigldi næsta auðveldlega í gegnum sinni riðil í Lengjubikarnum í ár, unnu hann sannfærandi með fullu húsi stiga, 16 mörkum skoruðum og aðeins 2 mörk fengin á sig í 5 leikjum.
Gonzalo Zamorano Leon sem kom frá Ólafsvík í vetur setti 5 mörk og Viktor Jónsson sem kom frá Þrótti gerði 3 en þeir munu væntanlega leiða framlínu Skagans í sumar.

Í undanúrslitum mætti ÍA svo KA og hafði þar 4-0 sigur.

KR undir stjórn Rúnars Kristinssonar hafa sömuleiðis átt uppbyggilegt vor og verið að spila vel. Reykjavíkurmeistaratitill í húsi og eflaust vilja þeir enda undirbúningstímabilið á því að lyfta öðrum bikar.

Skagamenn hafa verið eitt heitasta lið vetrarins og verður spennandi að sjá hvort velgengni þeirra á vormótunum skilar sér inní Pepsi Max deildinna þegar hún hefst eftir tæpar 3 vikur.

ÍA er þar nýliði í deildinni eftir lægð undanfarin ár en Jói Kalli hefur verið að setja saman afar skemmtilegt lið uppi á Skaga sem gæti komið verulega á óvart í sumar.

Liðin sem mætast hér í dag eru fornir fjendur og eiga ansi marga af eftirminnilegustu leikjum í sögu íslenskrar knattspyrnu sín á milli.

Heil og sæl kæru lesendur og verið hjartanlega velkominn í þessa textalýsingu Fótbolta.net frá úrslitaleik Lengjubikarsins 2019.