Liðin eru að ganga inná völlinn og Skagamenn eru að sjálfsögðu í gulu og svörtu á meðan gestirnir í KA eru í rauð/hvít röndóttum treyjum og bláum stuttbuxum.

Þess má geta að fyrsta leik dagsins í Pepsi Max-deildinni er lokið þar sem Breiðablik gerði góða ferð til Grindavíkur og vann 0-2 sigur. Þá er staðan í Vestamanneyjum í leik ÍBV og Fylkis 0-3 þegar þetta er skrifað og uþb tíu mínútur eftir af leiknum.

Það eru tíu mínútur í þetta hjá okkur og bæði lið farin inní klefa í lokapepp fyrir átökin.

Stuðningsmannasveit KA er mætt suður yfir heiðar og byrjaðir að tromma og tralla. Það vantar ekki stuðninginn og stemmninguna og heimamenn verða að hafa sig alla við ef þeir ætla ekki að vera eftirbátar norðanmann í stúkunni í dag!

Það er rétt um hálftími í leik hjá okkur hérna á Akranesi og bæði lið að hita upp. Það er létt fyrir mannskapnum enda lokins komið að fyrsta leik sumarsins eftir langt og strangt undirbúningstímabil

Byrjunarliðin er dottinn inn og þar kemur kannski ekki margt á óvart. Kannski einna helst er það að Haukur Heiðar byrjar á bekknum hjá KA og hjá ÍA byrjar Gonzalo Zamorano á bekknum. Annar er nokkuð eins og við var búist.

Völlurinn mætti vera í betra ástandi. Örlítið gult í honum ennþá og virkar örlítið laus í sér. En þetta á svo sem ekkert að trufla menn. Menn eru vanir.

Umferðin klárast svo í dag með fimm leikjum og þar eru margir áhugaverðir leikir á dagskrá. Klukkan 14 mætast Grindavík og Breiðablik suður með sjó á meðan Fylkismenn fara til Vestmannaeyja og mæta ÍBV

Og núna klukkan 16 þá ásamt þessum leik hjá okkur, ÍA-KA, þá mæastas FH og HK í Kaplakrika.

Umferðin klárst svo í kvöld þegar Stjarnan og KR mætast í virkilega áhugaverðum leik á Samung-vellinum í Garðabæ

Pepsi Max-deildin hófst auðvitað í gær með opnunarleik Vals og Víkings R. á Origo vellinum. Valsmönnum er af flestum spáð þriðja Íslandsmeistaratitlinum í röð á meðan Víkingum er spáð basli í sumar. Víkingar sýndu hins vegar að þeir ætla ekki að gefa neitt í sumar og gerðu 3-3 jafntefli við Valsmenn í stórkostlegum fótboltaleik þar sem heimamenn lentu þrisvar undir.

Dómari leiksins í dag er Vilhjálmur Alvar Þórarinsson og honum til aðstoðar verða þeir Gylfi Már Sigurðsson og Adolf Þ. Andersen. Varadómari er Pétur Guðmundsson. Það er svo Viðar Helgason sem hefur eftirlit með þessum ágætu mönnum.

Hér fyrir neðan má sjá það við hér á .net teljum líkleg byrjunarlið í dag en þau detta inn ca klukkutíma fyrir leik og birtast þá hér til hliðar.

KA menn ætla sér líka stóra hluti í sumar og vilja bæta árángur síðustu tveggja ára en þar hafa þeir endað í 7.sæti og má segja að síðasta sumar hafi verið töluverð vonbrigði miðað við væntingarnar sem voru til liðsins. Miklar breytingar hafa átt sér stað fyrir norðan á milli ára en eins og allir vita er Óli Stefán Flóventsson tekinn við liðinu af Srdjan Tufegdzic sem hafði verið lengi með liðið. En einnig eru töluverðar mannabeytingar á liðinu.

Komnir:
Alexander Groven frá Hönefoss
Almarr Ormarson frá Fjölni
Andri Fannar Stefánsson frá Val
Nökkvi Þeyr Þórisson frá Dalvík/Reyni
Haukur Heiðar Hauksson frá AIK
Torfi Tímoteus frá Fjölni
Þorri Mar Þórisson frá Dalvík/Reyni

Farnir:
Aleksander Trninic til Kúveit
Archange Nkumu til Karingey Borough
Bjarni Mark Antonsson til Brage
Cristian Marintez í Víði Garði
Guðmann Þórisson í FH
Milan Joksimovic í Gorodeya
Vladimir Tufegdzic í Grindavík

Kominn og farinn:
Guðjón Pétur Lýðsson kom frá Val og fór í Breiðablik

Skagamenn ætla sér nokkuð stóra hluti í sumar miðað við að vera nýliðar í deildinni og hefur Jóhannes Karl þjálfari ÍA sagt að þeir vilji enda í efri hluta deildarinnar. Þeir hafa líka styrkt sig nokkuð vel fyrir átökin og liðinu hefur gengið vel á undirbúningstímabilinu.

Komnir
Gonzalo Zamorano frá Víkingi Ó
Tryggvi Hrafn Haraldsson frá Halmstad
Viktor Jónsson frá Þrótti R.
Marcus Jóhansson frá Silkeborg
Óttar Bjarni Guðmundsson frá Stjörnunni
Jón Gísli Eyland Sveinsson frá Tindastóli

Farnir
Garðar Gunnlaugsson í Val
Vincent Weijl(var á láni)
Jeppe Hansen(var á láni frá Keflavík)
Ragnar Leósson í Kára
Hafþór Pétursson í Þrótt R.(lán)
Viktor Helgi Benediktsson í Stord
Páll Sindri Einarsson í Vestra

Við megum búast við hörkuleik hérna á Akranesi í dag en liðunum er spáð svipuðu gengi í sumar af spámönnum fótbolta.net. Skagamönnum er spáð 6.sæti og norðanmönnum í KA er spáð 7.sætinu. Skagamenn eru að sjálfsögðu nýliðar í deildinni eftir að hafa unnið Inkasso-deildina í fyrra. KA-menn eru hins vegar að fara inn í sitt þriðja timbabíl í deild þeirra bestu. Síðustu tvö ár hafa þeir endað í 7.sæti og þeir ætla sér vafalaust að gera betur í sumar.

En spáin lítur annars svona út:

1. Valur 116 stig
2. KR 110 stig
3. FH 103 stig
4. Breiðablik 90 stig
5. Stjarnan 76 stig
6. ÍA 69 stig
7. KA 65 stig
8. Fylkir 45 stig
9. Grindavík 35 stig
10. ÍBV 34 stig
11. Víkingur R. 25 stig
12. HK 12 stig

Heilir og sælir lesendur góðir og verið hjartanlega velkomin í beina textalýsingu frá leik ÍA og KA í fyrstu umferð Pepsi Max-deild karla 2019. Gleðilega hátíð!