Liðin ganga inn á völlinn og Daddi diskó, vallarþulur og þjóðhátíðarkynnir, býður fólk velkomið! Þetta er að bresta á!

Ég hef fengið það staðfest að Ian Jeffs byrjar í tveggja leikja banni eftir að hafa fengið rautt spjald í lokaleik Íslandsmótsins í fyrra er hann þjálfaði kvennalið ÍBV.

Það er korters seinkun á leiknum! Flugvél Fylkis kom örlítið of seint. En við mætum því með góða skapið að vopni.

Spá dagsins:
Einar Kristinn, Vísi: 2-1
Þórður Sigursveins, Mbl: 2-1
Daddi diskó, vallarþulur: 2-1
Já, menn eru ekkert rosalega ósammála hérna. Ég ætla að fylgja þeim bara eftir og spá líka 2-1.

Sögur úr stúkunni. Ian Jeffs, aðstoðarþjálfari ÍBV, er hvergi sjáanlegur á skýrslu þar sem hann tekur út leikbann. Hann fékk rautt með kvennaliði ÍBV í fyrra og tekur út leikbann. Á eftir að fá þetta staðfest en er spaugilegt verður að segjast.

Völlurinn er kaldur og blautur. Engu að síður iðagrænn og kemur vel undan vetri.

Liðin hita upp undir afleitri tónlist. Það dropar og er austan strekkingur. Fólk er að tínast í stúkuna og er ágætis veður sannast sagna. Bara klæða sig þokkalega og drífa sig á völlinn.

Byrjunarliðin komin! Matt Garner er í byrjuarliðinu sem og Helgi Valur Daníelsson, svona ef ég á að byrja að nefna gamlar kempur. Athygli vekur að bæði Hewson og Castillion eru á bekknum hjá Fylki og Felix Örn er á bekknum hjá ÍBV. Allt eru þetta leikmenn sem eiga eftir að spila stór hlutverk hjá liðunum í sumar.

Ég hvet áhorfendur til að tjá sig um boltann í sumar og taka þátt í textalýsingunni hér í dag. Þið gerið það á Twitter með því að nota myllumerkið #fotbolti.net - ég mun henda góðum tístum inn í lýsinguna.

Opnunarleikur Pepsi Max deildarinnnar var frábær auglýsing fyrir sumarið. Valur gerði 3-3 jafntefli við Víking og voru skoruð falleg mörk og var mikil dramatík. Það væri óskandi að leikurinn í dag byði einnig upp á mikið fjör og fjölda marka.

Sóknarleikur ÍBV mun hafa yfir sér aðra áru en Gunnar Heiðar Þorvaldsson hefur verið stórleikari í honum síðustu ár en lagði skóna á hilluna sl. haust. Jonathan Glenn og Guðmundur Magnússon voru fengnir og þá er spurning hversu framarlega Jonathan Franks mun spila.

Miðja Fylkis hefur talsvert verið á milli tannanna á fólki. Þeir verða væntanlega með þriggja manna miðju og eru með Ólaf Inga Skúlason, Emil Ásmundsson og Sam Hewson líklega til að byrja en þess utan er Helgi Valur Daníelsson í toppstandi, segja sögur. Til gamans má geta að í Championship Manager um árið var Helgi Valur skráður Heigi Valur. Gaman að því.

Hjá Fylki ríkir talsverð stemning fyrir sumrinu. Það eru ekkert rosalega miklar breytingar á hópnum og sami þjálfari, Helgi Sigurðsson. Áhugavert er að nefna að eitt stærsta nafnið sem hvarf af braut hjá Fylki fór einmitt í ÍBV, en það er sóknarmaðurinn Jonathan Glenn. Fylki er spáð 8. sæti en Helgi þjálfari sagði í upphitunarþætti Pepsi Max markanna að hann ætlaði sér hærra með liðið. Hér sjáum við hverjir eru komnir farnir hjá Árbæingum:

Komnir:
Arnór Gauti Ragnarsson frá Breiðabliki
Leonard Sigurðsson frá Keflavík
Sam Hewson frá Grindavík
Tristan Koskor frá Tammeka
Geoffry Castillion frá FH

Farnir:
Albert Brynjar Ingason í Fjölni
Ásgeir Börkur Ásgeirsson í HK
Ásgeir Örn Arnþórsson í Aftureldingu
Elís Rafn Björnsson í Stjörnuna
Jonathan Glenn í ÍBV
Oddur Ingi Guðmundsson

Fótbolti.net spáir ÍBV 10. sæti á þessu tímabili. Miklar breytingar hafa verið á leikmannahópnum og eru nýir þjálfarar með liðið; Pedro Hipolito aðalþjálfari og Ian Jeffs honum til aðstoðar. Hér má sjá hverjir eru komnir og farnir hjá ÍBV:

Komnir:
Evariste Ngolok frá Aris Limasosol
Felix Örn Friðriksson frá Vejle (Var á láni)
Guðmundur Magnússon frá Fram
Jonathan Glenn frá Fylki
Matt Garner frá KFS
Óskar Elías Zoega Óskarsson frá Þór
Rafael Veloso frá Valdres
Telmo Castanheira frá Frofense
Gilson Correia frá Peniche

Farnir:
Atli Arnarson í HK
Gunnar Heiðar Þorvaldsson hættur
Kaj Leó í Bartalsstovu í Val
Kassa Guy Gnabouyou til Grikklands
Yvan Yann Erichot
David Atkinson
Derby Carrillo
Frans Sigurðsson í Hauka
Shahab Zahedi

Góðan daginn kæru lesendur og verið velkomnir í fótboltasumarið hér í Vestmannaeyjum! Hér bjóðum við upp á frábært gras, heimalið sem lítil vitneskja er um og gesti sem hafa styrkt sig verulega frá því í fyrra.