Liðin að hita upp og áhorfendur farnir að láta sjá sig. Allt eins og það á að vera.

Aron Elí sem kom á láni frá KA fyrir stuttu spilar sinn fyrsta leik í dag fyrir Magna. Sömuleiðis byrja Tómas Veigar og Bergvin Jóhannsson en Viktor Már og Marinó Snær fara báðir á bekkinn síðan í leiknum gegn KF.

Byrjunarliðin er klár og má sjá hér til hliðar.

Breiðablik er með öflugt byrjurnarlið en hafa gert tvær breytingar frá leiknum á móti Grindavík. Elfar Freyr og Kolbeinn koma inn í lið Breiðabliks. Alexander og Arnar Sveinn sem báðir byrjuðu á móti Grindavík eru ekki í hópnum í dag.

Þessi lið hafa aðeins einu sinni spilað gegn hvort öðru og var það í Lengjubikarnum 2018. Breiðablik sigraði þá 3-0 með mörkum frá Elfari Freyr, Andra Rafn og Aroni Bjarnasyni.

Breiðablik fór alla leið í úrslitaleikinn í fyrra og spilaði við Stjörnuna. Sá leikur endaði í vítaspyrnukeppni eftir að ekkert mark var skorað í venjulegum leiktíma né framlengingu. Stjarnan kláraði vítaspyrnukeppnina 4-1 og hampaði titlinum eftirsóknaverða.

Breiðablik hóf keppni í Pepsí Max deildinni um síðustu helgi þegar þeir spiluðu gegn Grindavík og sóttu sín fyrstu 3 stig suður með sjó.

Þeim er öfugt við Magna spáð fínu gengi í sumar en sérfræðingar .net spá þeim fjórða sæti í deild þeirra bestu.

Magni er á sínu öðru ári í Inkasso eftir að hafa bjargað sér ævintýralega frá falli í fyrra. Þeim er hins vegar spáð niður þetta árið af þjálfurum og fyrirliðum liða í Inkasso deildinni.

Þeir hefja leik í deild um næsti helgi þegar þeir heimsækja Leiknir Reykjavík.

Góðan daginn!

Velkominn í beina textalýsingu frá Boganum á Akureyri.

Heimamenn í Magna bíður ærið verkefni er þeir mæta Breiðablik í 32-liða úrslitum Mjólkurbikarsins núna kl 16:00. Magnamenn unnu KF í síðustu umferð bikarsins 0-4.