Að sjálfsögðu verðum við að geta þess að okkar ástkæri ritstjóri Magnús Már Einarsson er að sjálfsögðu í þjálfaraliði Aftureldingar.

Afturelding gerir breytingar frá sigri liðsins á Selfossi í bikarnum fyrr í mánuðinum. Út fara þeir Valgeir Árni Svansson, Andri Þór Grétarsson og inn koma þeir Róbert Orri Þorkellsson og Trausti Sigurbjörnsson

Byrjunarliðin eru mætt í hús og gera Grindvíkingar nokkrar breytingar á liðinu eftir tap gegn Breiðablik í deildinni á laugardag. Maceiej er mættur í rammann fyrir Vladan. Aðrir sem fara á bekkinn eru þeir Nkyoi, René og Sigurjón Rúnarsson og inn koma Alexander Veigar, Dagur Ingi Hammer og Marinó Axel Helgason.

Eitt lið hefur þegar tryggt sér sæti í 16.liða úrslitum 2.deildar lið Vestra lagði 4.deildar lið Úlfanna 2-1 í framlengdum leik um nýliðna helgi en Úlfarnir slógu Inkasso lið Víkings Ó. eftirminnilega úr leik á dögunum.

Það er ekki um auðugan garð að gresja í fyrri viðureignum liðanna en þau hafa þó mæst tvisvar áður í bikarkeppni. Fyrra skiptið árið 1978 þar sem Grindavík hafði 1-0 sigur og það seinna árið 1986 þar sem Grindavík hafði 3-2 sigur á útivelli.
Síðan þá hafa þau mæst þrisvar sinnum í vormótum síðast árið 2016 og hefur Grindavík sigrað 2 leiki en Afturelding 1.

Afturelding hefur leikið einn leik en þeir lögðu Selfoss í Mosfellsbæ 3-2 og tryggðu þar með sæti sitt hér í dag.

Grindavík er að mæta til leiks í keppninni í kvöld en Pepsi Max deildinn hófst um síðast liðna helgi þar sem Grindavík þurfti að lúta í gras á heimavelli gegn Breiðablik.

Gott kvöld kæru lesendur og verið hjartanlega velkominn í beina textalýsingu Fótbolta.net frá leik Grindavíkur og Aftureldingar í 32.liða úrslitum Mjólkurbikars karla.