Hérna ganga liðin út á Meistaravelli og leikurinn fer þar af leiðandi að hefjast von bráðar. Þetta verður veisla kæru lesendur!

Stuðningsmenn Dalvík/Reynir syngja afmælissöng til heiðurs Elvars Óla Marinósson sem skráður er á leikskýrslu á meðan að ljúfir tónar Ellýar Vilhjálms hljóma í hátalarakerfinu.

Stöðvið prentvélarnar! Hérna er glæsileg mæting frá stuðningsmönnum Dalvík/Reynir en þeir eru mættir með trommur og lúðra og virðast ætla að styðja vel við bakið á sínum mönnum í dag!

KR-völlurinn hefur heitið nafninu Alvogen-völlurinn síðustu ár en í ár heitir völlurinn formlega Meistaravellir þar sem að nafnlaus styrktaraðili vill frekar að völlurinn heiti flottu nafni heldur en fyrirtækjanafni.

Liðin eru bæði mætt út á völl að hita upp en Bóas var mættur fyrir 5 mínútum. Hvet alla til að taka Bóas sér til fyrirmyndar og mæta á völlinn í dag, gæða veður og völlurinn aldrei verið betri 1. maí enda vinur minn Maggi Bö að sjá um völlinn.

Jæja þá eru byrjunarliðin dottin í hús og eins og sjá má þá gera KR 6 breytingar á liði sínu síðan í fyrsta leik þeirra svarthvítu í Pepsi Max-deildinni en Dalvík/Reynir stillir upp sama liði og tapaði 4-0 gegn Selfoss í Lengjubikarnum í síðustu viku.

Eins og fyrr segir þá spilar KR í Pepsi Max-deildinni í sumar en Dalvík/Reynir spilar í 2. deild eftir að hafa unnið hina hnífjöfnu 3. deild í fyrra á markatölu.

Norðanmenn byrjuðu fyrstu umferð Mjólkurbikarsins á því að vinna Ungmennafélagið Samherjar úr Eyjafjarðarsveit 6-0 áður en þeir skelltu sér inn Eyjafjörðinn í Bogann og unnu 1. deildar lið Þórs 2-3, glæsilegt afrek það!

Liðin hafa farið ólíkar leiðir hingað í 32 liða úrslitin en KR eins og önnur Pepsi Max deildar félög er að koma fyrst inn í Mjólkurbikarinn núna.

Góðan og gleðilegan daginn og verið hjartanlega velkomin í beina textalýsingu á leik KR og Dalvík/Reynir í 32-liða úrslitum Mjólkurbikars karla sem leikinn verður í Frostaskjólinu í vesturbæ Reykjavíkur.