Fyrir leik
Leikmenn mættir. Fyrirliðarnir Leifur Andri Leifsson og Gunnleifur Gunnleifsson fara fremstri í flokki á eftir dómurunum. Yngri flokkarnir standa heiðursvörð. Nokkur börn bætast síðan við í hópinn og leiða leikmenn inn á völlinn.
Eyða Breyta

Fyrir leik
Fjórar mínútur í leik og liðin ekki mætt á völlinn. HK-ingar í stúkunni eru byrjaðir að testa trommurnar. Verður að viðurkennast að það bergmálar ágætlega hérna inni.
Eyða Breyta

Fyrir leik
Leikmenn farnir inn í klefa og Pepsi Max fáninn mættur á miðjan völlinn. Krakkahersingin sem sagt var frá áðan fylgir á eftir. Gæti orðið áhugaverður leikur á sjá byrjunarlið annars hvors liðsins etja kappi við öll börnin sem eru inn á. Sennilega tíu börn á hvern fullorðinn. Hálfgerð mennsk fiskitorfa.
Eyða Breyta

Fyrir leik
Vilhjálmur Alvar Þórarinsson fer fyrir dómaratríói leiksins. Oddur Helgi Guðmundsson er titlaður A1 og Kristján Már Ólafs er A2. Varadómari er Þorvaldur Árnason og Þórður Ingi Guðjónsson hefur eftirlit með því að allt fari fram samkvæmt kúnstarinnar reglum.
Eyða Breyta

Fyrir leik
Hér er verið að leiða herskara af yngri iðkendum beggja liða kringum gervigrasið. Slumpa á að þar hafi verið um þrjúhundruð lappir á ferð.

Korter eftir af upphitun og Sumartíminn með 12:00 í kerfinu fyrir þá sem hafa áhuga á tónlistinni á leikvöngum landsins. Það var mikil barátta hér meðan stúkan var tóm. Þá vildi gæslan endilega spila eitthvað lag sem ég kann ekki deili á. Það fór að minnsta kosti þrisvar í gang áður en einhver kom og stöðvaði það. Ekki að það hafi komið að sök enda húsið tómt á þeim tímapuntki.
Eyða Breyta

Fyrir leik
Nokkrir leikmenn í startinu hafa spilað fyrir bæði lið dagsins. Meira er um það hjá gestunum en ber þar augljóslega fyrst að nefna Gunnleif Gunnleifsson og Damir Muminovic. Viktor Örn Margeirsson tók síðan eitt tímabil á láni hjá HK.

Hinum megin byrjar Arnþór Ari Atlason en hann kom til HK fyrir tímabilið frá Breiðabliki.
Eyða Breyta

Fyrir leik
Hálftími í leik og áhorfendur eru byrjaðir að mæta í stúkuna. Sé ekki hver staðan er á júrópallettunum á hlaupabrautinni. Nokkur röð er síðan fyrir utan af stuðningsmönnum sem bíða þess að komast inn.
Eyða Breyta

Fyrir leik
Sá ekki betur en HK-ingar hafi verið að kvarta yfir því hve lágt heyrðist í Hr. Hnetusmjör í hátalarakerfinu. Ástæðan var sú að verið var að taka viðtöl fyrir leik hjá Stöð 2 Sport.
Eyða Breyta

Fyrir leik
Hér eru fjörutíu mínútur í leik. HK-ingar eru mættir út á gúmmíið til að hita upp en aðeins einn Bliki, sem jafn framt er fyrrverandi liðsmaður HK, er mættur út. Það er markvörðurinn Gunnleifur Gunnleifsson.
Eyða Breyta

Fyrir leik
Byrjunarlið beggja liða liggja fyrir og virðast bæði lið gera eina breytingu. Hjá HK kemur Ásgeir Marteinsson inn í stað Brynjars Jónassonar. Þá virðist Björn Berg Bryde hafa skipt um treyjunúmer milli umferða og leikur nú í treyju 24 í stað númer 5.

Eina breyting gestanna felst í því að Elfar Freyr Helgason kemur inn í vörnina og tekur þar stöðu Arnars Sveins Geirssonar.
Eyða Breyta

Fyrir leik
Það er búist við hálfum Kópavogi hingað í dag og gripu HK-ingar til þess ráðs að planta stæðum á hlaupabrautina fyrir neðan stúkuna. Enn sem komið er hins vegar fáir mættir enda enn klukkustund í leik.
Eyða Breyta

Fyrir leik
Leikurinn í dag er fyrsti leikur 2. umferðar í Pepsi Max deild karla. Fyrir mót var Blikum spáð 4. sæti hér af sérfræðingum .net en nýliðum HK botnsætinu. Gengi liðanna í fyrstu umferð var því nokkuð eftir bókinni. Blikar gerðu góða ferð til Grindavíkur þar sem Aron Bjarnason og Kolbeinn Þórðarson skoruðu í 2-0 sigri. HK fór á móti í Kaplakrika og laut í gras með sama mun.
Eyða Breyta

Fyrir leik
Séu innbyrðis viðureignir liðanna í gegnum tíðina skoðaðar, frá 1998, þá hafa liðin leikið sextán sinnum gegn hvort öðru þegar aðeins leikir í deild og bikar eru meðtaldir. Fæ ég ekki betur séð en að Blikar hafi unnið tíu en restin skiptist jafnt á milli jafnteflis og HK-sigurs.
Eyða Breyta

Fyrir leik
Fyrir þá sem vilja hita upp með stemningunni úr tólf ára gömlum leik þá má hér að neðan finna samantekt RÚV af leik liðanna á Kópavogsvelli árið 2007. Það var fyrsta viðureign liðanna í efstu deild.

Kristján Óli Sigurðsson, Prince Rajcomar og Olgeir Sigurgeirsson sáu um að skora mörk Blika en HK kom tuðrunni ekki í netið. Þremur vikum síðar mættust liðin á ný í bikarnum og á ný voru það Blikar sem höfðu betur.


Eyða Breyta

Fyrir leik
Ellefu ár eru liðin frá síðasta leik liðanna í efstu deild í lokaumferð Landsbankadeildarinnar í september 2008 á Kópavogsvelli sem þá var eitt drullusvað.
HK-ingar unnu þá viðureign 2:1 með mörkum frá Herði Má Magnússyni og Aaron Palomares á 5´, og 15´mín. Marel Jóhann Baldvinsson klóraði í bakkan fyrir Blika með marki á 85´. (blikar.is)
Eyða Breyta

Fyrir leik
Alexandra Jóhannsdóttir spáði í leikinn fyrir Fótbolta.net.

HK 0 - 3 Breiðablik
,,Eftir sannfærandi sigur á móti Grindavík í fyrstu umferð og svo góðan sigur á móti Magna í bikarnum halda Blikar áfram að skora mörk. Gulli setur líka allt í lás fyrir aftan þá svo þetta verður bara nokkuð öruggur sigur hjá þeim."
Eyða Breyta