KA
1
0
Valur
Hallgrímur Mar Steingrímsson '52 , víti 1-0
05.05.2019  -  16:00
Greifavöllurinn
Pepsi Max-deild karla
Aðstæður: Sólin skín en 5 stiga hiti og gola
Dómari: Þorvaldur Árnason
Áhorfendur: 1048
Maður leiksins: Torfi Tímoteus Gunnarsson
Byrjunarlið:
1. Aron Dagur Birnuson (m)
2. Haukur Heiðar Hauksson ('68)
3. Callum George Williams
7. Almarr Ormarsson (f)
7. Daníel Hafsteinsson
9. Elfar Árni Aðalsteinsson
10. Hallgrímur Mar Steingrímsson
17. Ýmir Már Geirsson ('80)
22. Hrannar Björn Steingrímsson
23. Steinþór Freyr Þorsteinsson ('67)
25. Torfi Tímoteus Gunnarsson

Varamenn:
12. Kristijan Jajalo (m)
4. Ólafur Aron Pétursson
13. Ottó Björn Óðinsson
14. Andri Fannar Stefánsson ('80)
16. Brynjar Ingi Bjarnason ('68)
27. Þorri Mar Þórisson ('67)
28. Sæþór Olgeirsson

Liðsstjórn:
Óli Stefán Flóventsson (Þ)
Elmar Dan Sigþórsson
Halldór Hermann Jónsson
Pétur Heiðar Kristjánsson
Petar Ivancic
Branislav Radakovic
Sveinn Þór Steingrímsson

Gul spjöld:
Elfar Árni Aðalsteinsson ('39)
Óli Stefán Flóventsson ('40)
Daníel Hafsteinsson ('48)

Rauð spjöld:
Leik lokið!
Þessu er lokið hér á Greifavellinum!! KA sigrar Valsara. Þetta er í fyrsta skipti í deild sem KA vinnur Val síðan 1991!

KA komnir með sín fyrstu þrjú stig í Pepsí Max deildinni.
93. mín
HAAAAA!! Þorri kominn aleinn á móti Hannes. Hann er með Andra Fannar með sér en setur hann beint á Hannes. Svona stöðum klúðrar maður ekki.
92. mín
Valur fær aðra aukaspyrnu inn á vallarhelming KA. Mögulega síðasta tækifærið
91. mín
Þremur mínútum bætt við. Mikill stemmning hjá KA fólki sem er staðið upp.
90. mín
Komnar 90 á klukkunni. Valur fær aukaspyrnu á fínum stað. Lasse dælir þessum inn á teig þar verður barátta sem endar með markspyrnu.
88. mín Gult spjald: Eiður Aron Sigurbjörnsson (Valur)
Elfar að sleppa einn í gegn og Eiður Aron einn sem aftasti maður rífur hann niður.
87. mín
Elfar fær boltann einn inn á vallarhelming Vals og keyrir í átt að markinu en orðið lítið eftir á tanknum og það verður ekkert úr þessari annars fínu stöðu.
86. mín
Valur með fínasta spil og eru að leita að opnunum sem eru afskaplega fáar á KA vörninni. Yfirleitt endar þetta með löngum boltum inn í teig.
84. mín
Þorri með fínasta færi fyrir utan teig en þarf að skjóta með vinstri og boltinn framhjá markinu.
83. mín
KA fær hér enn eina skyndisóknina en eru alls ekki að taka réttar ákvarðanir á lokaþriðjungnum þegar þeir eru komnir í flottar stöður.
82. mín
Inn:Garðar Gunnlaugsson (Valur) Út:Sebastian Hedlund (Valur)
Bæta í sóknina.
80. mín
Inn:Andri Fannar Stefánsson (KA) Út:Ýmir Már Geirsson (KA)
Andri að koma inn á móti sínum gömlu félögum.
79. mín Gult spjald: Sebastian Hedlund (Valur)
Arfavitlaust hjá Hedlund. Eftir brot ákveður hann að taka boltann með sér og fær gult að launum. Algjör óþarfi.
79. mín
Emil Lyng með langskot. Þetta gætu orðið mjög langar lokamínútur fyrir KA miða við hvernig leikurinn hefur spilast eftir markið. Ég hef ekki tölu á boltunum sem eru að koma inn í teig KA manna.
76. mín Gult spjald: Bjarni Ólafur Eiríksson (Valur)
Úff þetta hefur ekki verið gott. Bjarni keyrir af fullum þunga í Elfar Árna og fær verðskuldað gult spjald. KA fær aukaspyrnu utarlega vinstra meginn á vallarhelming Vals sem verður ekkert úr
75. mín
Emil Lyng við það að sleppa í gegn en boltinn frá Lasse aðeins of fastur í gegnum vörnina
75. mín
Mér finnst jöfnunarmark liggja í loftinu. Valur dælir boltanum inn á teig aftur og aftur.
73. mín
Hætta við mark Valsara. Daníel fær boltann í gegnum vörn Valsara en finnur ekki samherja. Þetta rennur út í sandinn og Valur á markspyrnu.
72. mín
Hér munaði litlu. Daníel sloppinn í gegn en boltinn á hann of fastur og nær ekki að pota í. Hannes nær til boltans.

Valur er mikið meira með boltann og að skapa sér en KA er að refsa með snöggum sóknum.
71. mín
Aron Dagur aðeins farinn að tefja í útspörkum. Þorvaldur segir að það sé ekki í boði.
71. mín
Háspenna við mark KA manna! Kaj Leo með geggjaðan boltann inn í teig en Gary nær ekki að stýra boltanum á markið.
69. mín
KA fær horn sem Valur kemur í burtu. KA fær aðra hornspyrnu sem er líka skölluðu í burtu. Almarr tekur boltann á lofti fyrir utan teig en Hannes er vel vakandi í markinu.
68. mín
Inn:Brynjar Ingi Bjarnason (KA) Út:Haukur Heiðar Hauksson (KA)
Haukur búinn með sínar fyrstu mínútur í deildinni.
67. mín
Inn:Þorri Mar Þórisson (KA) Út:Steinþór Freyr Þorsteinsson (KA)
Steinþór annað hvort meiddur eða þreyttur. Hann allavega bað um þessa skiptingu, búinn að vera duglegur í dag.
66. mín
Inn:Birnir Snær Ingason (Valur) Út:Andri Adolphsson (Valur)
65. mín
ÞAÐ SKOTIÐ!! Lasse Petry með frábært skot fyrir utan teig en Aron Dagur með eina dýra sjónvarpsvörslu í staðinn. Þetta hefði orðið eitt laglegt mark!
64. mín
Fínt spil hjá KA mönnum sem endar með fyrirgjöf frá Hallgrími en Hannes gerir vel í markinu og grípur boltann örugglega.
63. mín
Allir Valsarar inni á vallarhelming KA þessa stundina.
62. mín
KA keyrir í skyndisókn en Daníel er alltof lengi að losa boltann. Hallgrímur tekur svo laflaust skot fyrir utan teig. Þarna hefði verið hægt að gera betur.
61. mín
VÓ! Frábær bolti inn í teig Vals manna og hefði Elfar verið örlítið lengri hefði þessi farið inn. Þessi leikur er galopinn!
59. mín
Gary Martin með eitraða fyrirgjöf en Callum er fyrstur í þennan bolta og skalla honum frá. Pressan heldur áfram frá Val. Það er svo Andri sem rekur lokahnút á sóknina með skoti sem Aron tekur í markinu.
58. mín
Valur ekki að finna svör. Bjarni Ólafur með boltann upp í horn sem er of langur fyrir Andra. Markspyrna.

Valur samt að halda meira í boltann.
57. mín
Mikið stuð í stúkunni eftir markið og heyrist vel í Schiötturum.
55. mín
Valur fer strax í það að keyra á KA menn og leita að jöfnunarmarki. KA menn hins vegar þéttir.
52. mín Mark úr víti!
Hallgrímur Mar Steingrímsson (KA)
Fyrsta mark leiksins er KA manna! Öruggt hjá Hallgrími á punktinum.
52. mín
VÍTI!! KA fær víti!

Kaj Leo brýtur á Ými inn í teig eftir að Hallgrímur hafði leikið listir sínar og komið með frábæra sendingu inn á Ými.
52. mín
Nokkrum sekúndum seinna erum við kominn hinum meginn þar sem Hallgrímur reynir bolta fyrir en Sebastian sparkar honum í burtu. Hraði í þessum leik.
51. mín
Bjarni Ólafur með boltann inn í teig og Gary nær skallanum en hann fer yfir markið.
50. mín
Hrannar reynir fyrirgjöf en hún er of innarlega og Hannes á ekki í teljandi vandræðum með að grípa hann.
49. mín
Valur er búinn að vera halda vel í boltann í upphafi seinni, hafa samt ekkert verið að ógna markinu bara látið boltann ganga.
48. mín
Frábær mæting á völlinn en hér er 1048 manns að fylgjast með!
48. mín Gult spjald: Daníel Hafsteinsson (KA)
Daníel fer í bókina fyrir brot út á velli.
46. mín
Kaj Leo með góðan bolta fyrir eftir gott spil en Einar Karl brotlegur inn í teig
46. mín
KA sækir í átt að Vínbúðinni núna og með þann litla vind sem er á vellinum í bakið.
45. mín
Inn:Emil Lyng (Valur) Út:Haukur Páll Sigurðsson (Valur)
Valur gerir breytingu í hálfleik.
Haukur Páll fer útaf og Emil Lyng fyrrum leikmaður KA kemur inn. Bjarni Ólafur tekur við fyrirliðabandinu.
45. mín
Þetta er farið af stað. Valur hefur leikinn að nýju.
45. mín
Hálfleikur
Stórskemmtilegur fyrri hálfleikur að bakið. Hraður og skemmtilegur, liðin bæði að skapa en KA fengið betri tækifæri til að setja mark og naga sig líklega í handaböndin að hafa ekki notað þau færi betur.

Seinni hálfleikurinn ætti að verða veisla.
45. mín
Miða við þróun á leiknum og pirring í leikmönnum þá yrði ég ekki hissa á fleiri spjöldum og jafnvel rauðu. Mikið af aukaspyrnum sem Þorvaldur þarf að dæma.
44. mín
Nú er það Valur sem sækir. Kaj Leo endar á að taka skot fyrir utan teig en það fer í varnamann KA og útaf. Valur á hornspyrnu, þær hafa hingað til verið hættulegar og halda því áfram. Frábærar sendingar en Valur er bara ekki að nýta sér þessa bolta.
41. mín
KA miklu betri þessar mínúturnar. Mögnuð sending frá Hrannari yfir á bróðir sinn upp við markið. Hallgrímur tekur hann á lofti en nær ekki að setja hann á markið.
40. mín Gult spjald: Óli Stefán Flóventsson (KA)
Óli varð alveg brjálaður á línunni í kjölfarið að dómarinn dæmdi ekki hendi og svo brot á Elfar.
39. mín Gult spjald: Elfar Árni Aðalsteinsson (KA)
Elfar fer í Kaj Leo út á velli. Óþarfi og lyktaði smá af pirringi þar sem rétt áður fór boltinn í hendina á Hedlund inn í teig Valsmanna án þess að Þorvaldur dæmdi. Stuðningsmenn KA syngja hér dómararnn á Greifann.
38. mín
KA á aukaspyrnu hægra meginn við vítateig. Hallgrímur með fínasta bolta fyrir en aftur er KA ekki að gera sér mat úr góðum stöðum. Boltinn endar hjá Torfa sem á klaufalega fyrstu snertingu.
36. mín
Frábær spilamennska frá KA! Boltinn endar hjá Hrannari út á kanti sem setur hann fyrir beint á kollinn á Elfari sem nær ekki að miða boltanum á markið. Þarna hefði hæglega verið hægt að skora fyrsta markið.
34. mín
Aukaspyrnan geggjuð en Þorvaldur sér sóknarbrot og því fær KA boltann.
32. mín
Haukur er með svo eitraðar sendingar! Þegar maður heldur að það sé enginn glufa þá kemur hann með eina geggjaða. Þessi var upp í horn á Gary. Torfi brýtur á honum og Valur fær aukaspyrnu á stórhættulegum stað utarlega vinstra meginn við teiginn.
29. mín
Aftur er Birkir að taka gott hlaup upp hægri kantinn en lélegur bolti fyrir.
28. mín
Steinþór vinnur hlaup við Birkir um boltann og keyrir inn í teig. Hann er samt það hraður að enginn KA maður er kominn inn í teig og því verður enginn alvarlega hætta úr þessu.
25. mín
Geggjað hlaup frá Birki upp vænginn. Fær boltann frá Lasse í hlaupinu en nær ekki koma honum fyrir. Vinnur hins vegar hornspyrnu sem Lasse tekur. Fastur bolti inn í teig en enginn Valsari nær til hans. Markspyrna.
23. mín
Hér verður stúkan heldur betur ósátt. Hannes fer út í Elfar sem er við það að komast í gegn. Þorvaldur segir markspyrna en spurning hvort að Hannes hafi ekki verið of seinn í boltann.
22. mín
Lasse fer í Almarr og fær aðvörun fyrir vikið. KA fær aukaspyrnu út á miðjum vallarhelming Valsmanna í kjölfarið. Það verður hins vegar ekkert úr aukaspyrnunni.
20. mín
Það verður ekkert úr hornspyrnunni en Valur heldur boltanum og pressar áfram. Mikill hætta við mark KA. Haukur Páll á svo góðan bolta inn í teig sem Gary Martin nær ekki að pota í.
19. mín
Hætta við mark KA manna. Kaj Leo tvisvar í röð nær góðum boltum fyrir en KA nær að hreinsa jafnóðum.

Fyrsta hornspyrna Valsmanna.
17. mín
Leikurinn er hraður og skemmtilegur hér á fyrstu mínútunum og liðin skiptast á að keyra á varnirnar.
16. mín
DAUÐAFÆRI! Vægt til orða tekið. Daníel einn á auðum sjó inn í teig, fær góðan tíma á boltann en setur hann einhvern veginn beint á Hannes í markinu. Þarna hefði hann átt að gera miklu miklu betur.
15. mín
Valur að eiga fínt spil. KA þéttir og maður heldur að þeir séu ekki að finna neinar glufur og þá upp úr þurru er Andri kominn einn í gegn eftir hárfína sendingu utan af velli og hefði átt að gera miklu betur í þessari stöðu en þetta rennur út í sandinn.
12. mín
Mikill harka í leiknum og mikið af aukaspyrnum út á velli á báða bóga.
11. mín
KA fékk hornspyrnu í kjölfarið sem ekkert varð úr.
10. mín
Hér mátti engu muna. Fyrst fékk Hallgrímur allann tímann í heiminum inn á miðjunni, næst fékk Daníel fínan tíma á boltanum og að lokum Hrannar út á kanti sem kom með fína fyrirgjöf en enginn KA maður náði til boltans. Þarna var allt galopið hjá Val.
8. mín
Fín sókn hjá Val sem endar með skoti frá Kaj Leo. Frábær bolti frá Hauk yfir á Andra sem kemur honum fyrir, því miður fyrir Val er skotið bæði laus og beint á Aron í markinu.

Fyrsta skot á mark í þessum leik.
5. mín
Daníel með frábæra takta inn á miðjunni og fíflar Hauk upp úr skónum. Keyrir svo að teignum, með sendingu á Hallgrím sem reynir skot inn í teig en það fer í varnarmann.

KA er byrja þetta miklu betur en Valur.
3. mín
KA menn vilja fá víti. Ýmir með fína fyrirgjöf á Elfar Árni sem nær ekki til boltans og fellur við. Held að það hafi verið kórétt að dæma ekki víti.
1. mín
Kaj Leo reynir sendingu inn í teig en KA hreinsar.
1. mín
Ka fær aukaspyrnu inn á eigin vallahelming strax á fyrstu mínútu eftir brot á Ými. Callum lætur vaða í átt að vítateig en enginn KA maður nær til boltans.
1. mín
Þetta er farið af stað. Heimamenn hefja leikinn.
Fyrir leik
Þetta fer að hefjast hér á Greifavellinum. Liðin rölta út á völlinn undir dúndrandi trommuslátt frá Scihötturunum. Valsarar í varabúningnum í dag.




Fyrir leik
Liðin eru klár. Þrjár breytingar hjá hvoru liði.

Hannes Þór Halldórsson spilar sinn fyrsta leik í íslensku deildinni í dag en það eru orðinn nokkur ár síðan síðast. Í millitíðinni hefur hann m.a. varið víti frá Messi, sælla minninga! Sömuleiðis koma Sebastian og Andri inn í lið Vals. Anton Ari, Orri og Emil Lyng fyrrum leikmaður KA tylla sér allir á bekkinn.

Haukur Heiðar, Hrannar Björn og Torfi koma inn í lið KA. Andri Fannar og Brynjar Ingi fara á bekkinn en Hallgrímur Jónasson er ekki í hóp. Hann meiddist í leiknum á móti ÍA. Almarr Ormarsson tekur við fyrirliðabandinu af Hallgrími.
Fyrir leik
Sólin hefur ákveðið að heiðra okkur með nærveru sinni en það er samt ansi kalt. 5 stiga hiti og það blæs aðeins úr norðri. Um að gera að koma vel dúðaður á völlinn.


Fyrir leik
Liðin hafa í millitíðinni spilað gegn hvort öðru í Lengjubikarnum þar sem KA vann 4-0 og tvö rauð spjöld fóru á loft en það var fyrsti sigur KA á Val síðan 1991! Valur hefur tölfræðina heldur betur í hendi sér því af 45 leikjum sem liðin hafa spilað hefur Valur unnið 27 viðureignir en KA aðeins 7.
Fyrir leik
Síðast þegar þessi lið mætust á Greifavellinum varð leikurinn hin mesta skemmtun. Mikill barátta, sex mörk skoruð og mikill dramatík í lokinn þegar Valur jafnaði leikinn á 93 mínútu. Sjúkrabíll fór með tvo leikmenn KA upp á spítala, hvorugur þeirra mun spila í dag. Bjarni Mark spilar í sænsku B-deildinni með Brage og Ásgeir Sigurgeirsson er ennþá að jafna sig á meiðslum sem hann varð fyrir einmitt í þeim leik.
Fyrir leik
KA heimsótti ÍA í fyrstu umferð deildarinnar þar sem þeir töpuðu 3-1 fyrir nýliðunum. Valsarar fengu mjög sprækt lið Víking Reykjavík í heimsókn og endaði sá leikur með 3-3 jafntefli, leikur sem verður líklega lengi í manna minnum.

Þetta hefur verið erfið byrjun á tímabilinu hjá Val því þeir duttu svo út úr bikarnum þegar þeir töpuðu á móti FH og voru því ekki í hattinum þegar dregið var í 16-liða úrslitin. KA fékk hins vegar Víking Reykjavík í næstu umferð bikarsins.
Fyrir leik
KA hefur gert breytingu á vellinum sínum og nú er aðal-inngangurinn norðan meginn við völlinn. Betri upplýsingar og mynd er hægt að sjá í tvítinu hér fyrir neðan. Allir á völlinn!


Fyrir leik
Góðan daginn og velkominn í beina textalýsingu frá leik KA og Vals á Akureyri. Þetta er önnur umferð Íslandsmótsins.

Íslandsmeistararnir mæta á grasið á Greifavellinum sem er að koma ansi vel undan vetri. Veðurguðirnir hafa verið með grasvöllunum í liði undanfarnar vikur og það er vel.
Byrjunarlið:
1. Hannes Þór Halldórsson (m)
Haukur Páll Sigurðsson ('45)
2. Birkir Már Sævarsson
4. Einar Karl Ingvarsson
6. Sebastian Hedlund ('82)
9. Gary Martin
17. Andri Adolphsson ('66)
18. Lasse Petry
21. Bjarni Ólafur Eiríksson
23. Eiður Aron Sigurbjörnsson
77. Kaj Leo í Bartalsstovu

Varamenn:
33. Anton Ari Einarsson (m)
3. Ívar Örn Jónsson
12. Garðar Gunnlaugsson ('82)
18. Birnir Snær Ingason ('66)
20. Orri Sigurður Ómarsson
28. Emil Lyng ('45)
71. Ólafur Karl Finsen

Liðsstjórn:
Ólafur Jóhannesson (Þ)
Rajko Stanisic
Sigurbjörn Örn Hreiðarsson
Halldór Eyþórsson
Fannar Gauti Dagbjartsson
Einar Óli Þorvarðarson
Kristófer Sigurgeirsson

Gul spjöld:
Bjarni Ólafur Eiríksson ('76)
Sebastian Hedlund ('79)
Eiður Aron Sigurbjörnsson ('88)

Rauð spjöld: