Fyrir leik
Liðin ganga til vallar í sólinni og við getum farið að hefja þessa veislu. Hér er allt til alls og aðstæður til þess að við fáum frábæran fótboltaleik. Vonum að sú verði raunin.
Eyða Breyta

Fyrir leik
Aðstæður í Grindavík eru gjörsamlega geggjaðar í kvöld. Sólín skín hér á grænan fallegan grasvöll og flöggin blakta í golunni. Hvet fólk til að rífa sig uppúr sófanum og skella sér á völlinn.
Eyða Breyta

Fyrir leik
Byrjunarliðin eru mætt í hús eins og glöggir lesendur ættu að hafa séð. Óbreytt lið hjá Grindavík frá tapinu gegn blikum en Stjarnan gerir nokkrar breytingar og þær nokkuð stórar.

Vekur eflaust mesta athygli hjá flestum að Hilmar Árni skuli setjast á bekkinn hjá Stjörnunni en þeim hefur gegnið illa skora og kannski ekki að undra að menn geri breytingar til að halda mönnum á tánum.
Eyða Breyta

Fyrir leik
Okkur hér á Fótbolta.net rennur auðvitað blóðið til skyldunar að óska afmælisbarni dagsins kærlega til hamingju með daginn en það er Rúnar Páll Sigmundsson þjálfari Stjörnunar.

Fær hann sigur í afmælisgjöf?
Eyða Breyta

Fyrir leik
Liðin hafa mæst 29 sinnum frá aldamótum og hefur Grindavík sigrað 9 sinnum, 8 sinnum hafa liðin gert jafntefli og Stjarnan sigrað 12 sinnum. Markatalan er svo 63-47 Stjörnunni í vil.

Báðum leikjum liðanna í Pepsi deildinni í fyrra lauk með jafntefli. Fyrst gerðu liðin 1-1 jafntefli á Samsung vellinum þar sem René Joensen og Guðmundur Steinn Hafsteinsson skoruðu fyrir sín lið en leikurinn er þó helst eftirminnilegur fyrir magnaða frammistöðu varamarkvarðar Grindavíkur Maciej Majewski sem átti hreint ótrúlegan leik.

Seinni leik liðanna í Grindavík lauk svo 2-2 þar sem Aron Jóhannson og Will Daniels skoruðu fyrir Grindavík en Kristijan Jajalo (sjálfsmark) og Guðjón Baldvinsson skoruðu fyrir Stjörnuna.
Eyða Breyta

Fyrir leik
Stjarnan tók móti KR á Samsung vellinum í 1.umferð og urðu liðin að sætta sig við jafntefli 1-1 í þeim leik þrátt fyrir að gestirnir úr vesturbænum hafi verið manni færri stóran hluta leiks. Mark Stjörnunar skoraði Hilmar Árni Halldórsson úr vítaspyrnu en líkt og hjá Grindavík hefur sóknarleikurinn verið þeirra akkilesarhæll og er orðið ansi langt síðan Stjarnan skoraði mark úr opnum leik. Stjarnan féll líka úr Mjólkurbikarnum í vikunni er þeir töpuðu 1-0 fyrir ÍBV í framlengdum leik í Eyjum.
Eyða Breyta

Fyrir leik
Heimamenn léku í 1.umferð hér á heimavelli við Breiðablik og þurftu að lúta í gras gegn þeim 0-2. Sóknarleikur Grindavíkur var ekki upp á marga fiska í þeim leik og þurfa þeir að gera töluvert betur í dag til þess að eiga möguleika á sigri. Þeir unnu þó 4-1 sigur á Inkasso liði Aftureldingar í bikarnum í vikunni og koma því til leiks með byr í seglinn.
Eyða Breyta

Fyrir leik
Gott kvöld kæru lesendur og verið hjartanlega velkominn í beina textalýsingu Fótbolta.net frá Grindavíkurvelli þar sem fram fer leikur Grindavíkur og Stjörnunar í 2.umferð Pepsi Max deild karla.
Eyða Breyta