Svarthvítir og röndóttir Magnamenn og rauðklæddir Keflvíkingar takast í hendur, þetta er að bresta á.

Það var íklega stórt fyrir sjálfstraust Keflvíkinga að koma þremur stigum strax á töfluna í fyrstu umferð. Liðið var engan veginn nógu gott fyrir efstu deild á síðasta tímabili og hrundi eins og spilaborg. Lánsmaður frá FH, Jóhann Þór Arnarsson skoraði sigurmark þeirra gegn Fram og vonast til þess að fylgja því eftir hér í dag. Hann er fæddur 2002 og því ekki nema 17 ára gamall!

Það veltur ansi margt á heilsu Gunnars Örvars, en hann hefur átt við höfuðmeiðsli að stríða. Hann skoraði 9 mörk í fyrra og er liðinu gríðarlega mikilvægur. Það er ekkert grín að eiga við hann í loftinu og svo er hann góður í halda boltanum uppi, á meðan liðið færir sig ofar á völlinn.

Eftir 1. umferð sitja Keflvíkingar í 5. sæti, eftir 2-1 heimasigur á Fram. Keflavík lenti undir í þeim leik, en kom til baka seint í leiknum og skoruðu sigurmarkið á 87. mínútu, það voru þeir Dagur Ingi Valsson og Jóhann Þór Arnarsson sem skoruðu mörk heimamanna. Magnamenn verma hinsvegar botnsætið þar sem að þeir töpuðu 4-1 gegn Leikni Reykjavík. Það var framherjinn stóri og stæðilegi, Gunnar Örvar Stefánsson sem að skoraði mark Magna í leiknum.

Góðan daginn! Kl. 17:00 hefst leikur Magna frá Grenivík og Keflavíkur hér í Boganum, í Inkasso deild karla. Sérfræðingar Fótbolta.net spáðu liðunum afar ólíku gengi á tímabilinu, en Keflvíkingum er spáð 3. sætinu á meðan að Magna er spáð lóðréttu falli og síðasta sætinu.