Sindri Snær Magnússon, fyrirliði ÍBV, er í stúkunni og sagði við mig að hann væri meiddur á hné en vonaðist til að geta tekið þátt í leikjum ÍBV fljótlega.

Liðin ganga inn á völlinn! Það er flott veður og viðrar vel til loftárása en það er ansi kalt.

Vil hvetja fólk til að nota myllumerkið #fotboltinet og taka þar með þátt í textalýsingu, því ég smelli inn skemmtilegum tístum í lýsinguna.

Þá er komið að spá:
Þórður, MBL: 0-1
Einar Kristinn, Vísi: 0-0
Daddi diskó, vallarþulur: 2-1
Sjálfur giska ég á 3-2 veislu!

Andri Ólafsson er mættur til að horfa á leikinn en hann lék fyrir bæði þessi lið. Hann er einn af mörgum sem hefur gert það og má nefna feðgana Jón Inga og Inga Sig í því samhengi.

Það er stór dagur hjá ÍBV í dag. Leikur gegn Grindavík núna kl 14.00 og svo kl 16.30 er oddaleikur í undanúrslitum í Olís deild karla, Haukar - ÍBV.

Byrjunarliðin eru klár og vekur helst athygli að Halldór Páll snýr aftur í rammann hjá ÍBV. Þá er Sindri Snær, fyrirliði, fjarverandi vegna meiðsla. Hjá Grindavík er Rene bekkjaður og Alexander Veigar kemur inn, svo dæmi sé tekið. Gunnar Þorsteinsson er fyrirliði Grindavíkur en hann er fyrrum leikmaður ÍBV og sleit hér þónokkrum af barnskóm sínum.

Á miðvikudaginn fer ÍBV í Kópavoginn og mætir HK. Daginn eftir mætir Grindavík KR suður með sjó.

Tufa tók við liði Grindavíkur fyrir tímabilið eftir að hafa þjálfað hjá KA í yfir áratug, held ég að ég fari rétt með. Hann þjálfaði svo aðalliðið og kom því í deild þeirra bestu en KA ráði Óla Stefán fyrir þetta tímabil. Grindavík tapaði á heimavelli gegn Breiðabliki í 1. umferð og gerði svo 1-1 jafntefli við Stjörnuna í 2. umferð. Bæði ÍBV og Grindavík var spáð neðarlega fyrir tímabilið.

Mikið er rætt um Pedro Hipólito, þjálfara ÍBV, sem hefur lýst yfir ánægju sinni með spilamennsku ÍBV og gekk hann jafnvel svo langt í síðsta leik að segja liðið hafa sýnt sitt rétta andlit, í 3-0 tapi gegn KR. ÍBV er enn án stiga en átti góðan sigur gegn Stjörnunni í bikarnum. Það verður spennandi að sjá hvernig liðið mætir til leiks og þá hverjir byrja en það hefur aðeins verið á reyki.

Góðan daginn kæru lesendur og veriði velkomnir í lýsingu á leik ÍBV gegn Grindavík. Það viðrar eins og best gerist í maí í Vestmannaeyjum og eru bæði lið í leit að sýnum fyrsta sigri í Pepsi Max deildinni.