Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Úrslitaleikur Lengjubikars kvenna
Valur
LL 2
1
Breiðablik
HK/Víkingur
0
1
Selfoss
0-1 Grace Rapp '81
13.05.2019  -  19:15
Kórinn
Pepsi-Max deild kvenna
Aðstæður: Blankalogn og völlurinn fallegur, eins og við má að búast í Kórnum.
Dómari: Bryngeir Valdimarsson
Áhorfendur: 200 manns u.þ.b.
Maður leiksins: Barbára Sól Gísladóttir
Byrjunarlið:
Karólína Jack ('79)
Halla Margrét Hinriksdóttir
2. Gígja Valgerður Harðardóttir
3. Kristrún Kristjánsdóttir
4. Brynhildur Vala Björnsdóttir ('69)
5. Fatma Kara
6. Tinna Óðinsdóttir (f)
7. Ragnheiður Kara Hálfdánardóttir ('55)
11. Þórhildur Þórhallsdóttir
17. Arna Eiríksdóttir
19. Eygló Þorsteinsdóttir

Varamenn:
21. Audrey Rose Baldwin (m)
10. Isabella Eva Aradóttir ('69)
14. Svanhildur Ylfa Dagbjartsdóttir
15. Eva Rut Ásþórsdóttir
22. Esther Rós Arnarsdóttir ('55)
24. María Lena Ásgeirsdóttir

Liðsstjórn:
Þórhallur Víkingsson (Þ)
Valgerður Tryggvadóttir
Stefanía Ásta Tryggvadóttir
Ísafold Þórhallsdóttir
Ari Már Heimisson
Sandor Matus
Guðrún Gyða Haralz
Jóhann Bergur Kiesel

Gul spjöld:
Eygló Þorsteinsdóttir ('61)

Rauð spjöld:
Leik lokið!
Fjörugur leikur hér á enda.
Ég þakka fyrir mig og minni á viðtöl og skýrslu sem koma inn seinna í kvöld.
90. mín
HK/Víkingur fær hér aukaspyrnu djúpt inn í uppbótartíma. Sjáum við eitthvað skemmtilegt?

Þarna voru þær aftur ansi nærri því, spyrnan var góð og fékk Isabella frían skalla í miðjum teignum en Kelsey varði mjög vel frá henni.
88. mín
Jeminn eini! Esther gerir gríðarlega vel og setur pressu á Kelsey í markinu. Kelsey negldi boltanum hins vegar í hana og þaðan fór boltinn í stöngina og aftur í fangið á Kelsey.

Þetta hefði auðveldlega getað verið jöfnunarmarkið.
86. mín
Vel varið! Anna María Berþórsdóttir byrjar af krafti og kemst ein á móti Höllu í markinu en Halla gerir gríðarlega vel að verja frá henni.
84. mín
Inn:Anna María Bergþórsdóttir (Selfoss) Út:Darian Elizabeth Powell (Selfoss)
83. mín Gult spjald: Magdalena Anna Reimus (Selfoss)
Togaði aftan í Guðrúnu sem var komin á sprett upp kantinn.
81. mín MARK!
Grace Rapp (Selfoss)
Stoðsending: Barbára Sól Gísladóttir
MARK! Ég vissi það, Barbára gerir gríðarlega vel og fer framhjá öllum sem hún vildi áður en hún lagði boltann fyrir Grace sem skoraði af miklu öryggi.
79. mín
Inn:Guðrún Gyða Haralz (HK/Víkingur) Út:Karólína Jack (HK/Víkingur)
Guðrún Gyða kom einnig á láni frá Breiðabliki á dögunum. Hún fær að spreyta sig seinustu 10 mínúturnar eða svo.

Karólína var spræk í fyrri hálfleik en hefur verið rólegri í þeim seinni.
76. mín
Stórhættulegt úthlaup hérna frá Kelsey og tekur hún Fötmu niður en ekkert dæmt, dómarinn geffur bendingu um að hún hafi tekið boltann en ég er ekki svo viss.
75. mín
Mikið miðjumoð þessa stundina en það er mark í loftinu, ég er alveg viss um það.
70. mín
Bæði lið gera hérna breytingu á liðum sínum, verið að reyna að lífga þetta aftur við en leikurinn hefur róast mikið seinustu mínútur.
69. mín
Inn:Halla Helgadóttir (Selfoss) Út:Þóra Jónsdóttir (Selfoss)
69. mín
Inn:Isabella Eva Aradóttir (HK/Víkingur) Út:Brynhildur Vala Björnsdóttir (HK/Víkingur)
64. mín
Esther reynir að setja pressu á varnarmenn Selfyssinga en brýtur af sér. HK/Víkingur þarf að koma henni inn í leikinn en það er einstefna hjá gestunum þessa stundina.
62. mín
Úff, aukaspyrnan var vel útfærð og boltinn berst til Grace Rapp sem að neglir honum í þverslánna af stuttu færi. Besta færi leiksins.
61. mín Gult spjald: Eygló Þorsteinsdóttir (HK/Víkingur)
Fyrir brot út á kanti.
59. mín
Aftur útfæra heimakonur hornspyrnu á stórskemmtilegan hátt, nú byrjuðu þær allar hlaupin sín fyrir utan teig og hlupu allar af fullum krafti inn í teiginn þegar boltinn barst þangað. Og ekki mátti miklu muna en að þetta skilaði árangri en boltanum var hreinsað af línu.
55. mín
Inn:Esther Rós Arnarsdóttir (HK/Víkingur) Út:Ragnheiður Kara Hálfdánardóttir (HK/Víkingur)
Esther kemur hérna inn á í sínum fyrsta leik fyrir HK/Víking en hún kom á láni frá Breiðabliki í síðustu viku.

Ragnheiður hefur ekki gert mikið í þessum leik og var haltrandi rétt áðan. Vonandi hleypir þessi breyting lífi í sóknarleik heimakvenna.
53. mín
Magdalena tekur hérna aukaspyrnu af 30 metrum sem að smellur í þverslánni, þessi var lúmsk. En inn ætlar boltinn ekki.
51. mín
Aftur á Barbára flottan sprett upp hægri kantinn og nær góðum bolta fyrir markið sem Darian er mjög nálægt því að komast í en Tinna bægir hættunni frá með góðri varnarvinnu.
48. mín
Barbára tekur hérna flottan sprett framhjá Kristrúnu og kemst alla leið inn í teig þar sem hún lætur vaða en skot hennar rétt yfir markið. Flott spil engu að síður.
47. mín
Þetta byrjur aftur hressilega, Magdelna tekur flottan snúning áður en hún lætur vaða. Skotið samt ekki nógu gott og boltinn fer aftur fyrir, markspyrna.
46. mín
Leikurinn er hafinn á nýjan leik, vonandi fáum við skemmtilegan leik hérna í seinni hálfleik.
45. mín
Vallarþulurinn vekur hérna mikla kátínu í stúkunni með að spila smá DJ Muscleboy í hálfleik.

Sjálftitlaður Bliki nr. 1 á greinilega aðdéndur hinum megin í Kópavoginum líka.
45. mín
Hálfleikur
Mikið líf í leiknum hingað til en hvorugt liðið náð að koma boltanum í netið, ég á von á alveg eins fjöri í seinni hálfleik og þá hljótum við að fá mark í þennan leik. Ég bíð allavega spenntur.
45. mín
Þarnaði munaði litlu, frávær fyrirgjöf frá Þórhildi en hvorki Fatma né Karólína náðu að koma snertingu á boltann og Selfyssingar koma boltanum í burtu.

Og í þeim töluðu orðum flautar dómarinn til hálfleiks.
45. mín
Klafs fyrir utan teiginn og Grace nær skoti í átt að marki en skotið fer framhjá markinu.
43. mín
Selfyssingar taka stutt horn en Anna María nær ekki að koma boltanum fyrir af vængnum.

Selfyssingar fara með marga fram í hornum og hefðist auðveldlega getað myndast hætta ef þær hefðu tapað boltanum.
39. mín
Aftur myndast hætta þegar heimakonur sækja hratt á gestina, en vörn Selfyssinga stendur þessa sókn af sér.
35. mín
Bergrós spilar núna í stöðu hægri bakvarðar og færist Barbára upp í stöðu Unnar á hægri kantinum.
34. mín
Inn:Bergrós Ásgeirsdóttir (Selfoss) Út:Unnur Dóra Bergsdóttir (Selfoss)
Unnur getur ekki haldið leik áfram og kemur Bergrós Ásgeirsdóttir inn í hennar stað.
31. mín
Núna liggur Unnur Dóra á vellinum, sá ekki hvað kom fyrir en dómarinn stöðvar leikinn og fær hún aðhlynningu á vellinum. Virðist ekki vera neitt stórmál en hún haltrar útaf.
28. mín
Flott þetta, HK/Víkingur með vel útfært fast leikatriði og fær Arna frían skalla í teignum en skallar rétt yfir markið.
26. mín
Nú liggur Fatma Kara eftir samskipti við Cassie Lee.

Hún stendur samt fljótt upp aftur og leikurinn heldur áfram.
19. mín
Leikurinn að opnast mikið núna og við erum farin að sjá færi, gæti orðið skemmtilegt kvöld hér í Kópavogi.
17. mín
Aftur stórhætta við mark HK/Víkings. Frábært spil hjá Magdalenu og Darian en skotið hjá Magdalenu fer af varnarmanni og í horn.

Selfyssingar vildu meina að boltinn hafi þarna farið í höndina á varnarmanni en ekkert dæmt.
16. mín
Hætta hinu megin, heimakonur nálægt því að hefna fyrir klúðrið hjá Darian en þær þvælast hvor fyrir annarri inn í teig og boltinn endar í hornspyrnu sem ekkert kemur úr.
15. mín
Dauðafæri!

Darian Powell nær að koma tá í boltann inn í vítateig eftir flotta sendingu, en skot hennar yfir og framhjá. Fyrsta alvöru færi leiksins.
14. mín
Selfyssingar sækja hratt en dómarinn flautar rangstöðu, aðstoðardómarinn var bara skilinn eftir úr línu. En réttur dómur engu síður.
13. mín
Horn sem HK/Víkingur á.

Hornið slakt og ekkert kemur úr því.
9. mín
HK/Víkingur meira með boltann hérna á upphafsmínútum. Mikil ákefð yfir þessu en engin opin færi, ennþá.
5. mín
Anna María spyrnir boltanum inn í teig úr aukaspyrnu Selfyssinga, en þær ná ekki að skapa sér neitt í teignum.
4. mín
Karólína Jack liggur niðri eftir smá högg, ekkert brot dæmt samt.
3. mín
Þarna munaði litlu, Selfoss léku góðum bolta í gegn en Halla vel vakandi í markinu og náði að hreinsa.
2. mín
Sýnist á öllu að HK/Víkingur leiki í 4-4-1-1

Halla
Tinna-Gígja-Arna-Kristrún
Karólína-Eygló-Brynhildur-Þórhildur
Fatma Kara
Ragnheiður

Selfyssingar eru með þétta miðju að öllum líkindum 4-5-1 en það er mikil hreyfing á þeim og erfitt að segja til um það.

Kelsey
Anna María-Cassie-Brynja-Barbára
Unnur-Þóra-Grace-Áslaug-Magdalena
Cassie
1. mín
Leikur hafinn
Heimakonur leika í rauðum og svörtum búningum en gestirnir leika í hvítum og bláum.

HK/Víkingur byrjar með boltann.
Fyrir leik
Isabella Eva er heiðruð hér fyrir leik en hún hefur náð þeim áfanga að spila 100 leiki fyrir HK/Víking.

Til hamingju!
Fyrir leik
Liðin eru að ganga út á völlin, þá fer fjörið að hefjast. Látið ykkur ekki vanta hér í beina textalýsingu.
Fyrir leik
Bæði lið hita hér upp með sendingaræfingum á meðan dómararnir taka stutta spretti. Áhugamenn um góða upphitun hljóta að vera sáttir með frammistöðuna í Kórnum í dag.
Fyrir leik
HK/Víkingur fengu bæði Esther Rós Arnarsdóttur og Guðrúnu Gyðu Haralz á láni frá Breiðablik í vikunni og byrja þær báðar á bekknum. Það verður gaman að sjá hvort þær geti komið inn með krafti hér í dag.
Fyrir leik
Byrjunarliðin eru komin inn.

Það er ein breyting á liði HK/Víkings en Brynhildur Vala Björnsdóttir kemur inn í liðið fyrir Evu Rut.

Sömuleiðis ein breyting hjá Selfossi en þar kemur Cassie Lee Boren inn fyrir Höllu Helgadóttur.


Fyrir leik
HK/Víkingur er með þrjú stig eftir tvær umferðir en Selfyssingar ekki neitt, það er því til mikils að vinna hér í kvöld en þessum liðum var báðum spáð falli af sérfræðingum Fótbolta.net.
Fyrir leik
Góðan og blessaðan daginn, verið velkomin í beina textalýsingu frá viðuregin HK/Víkings og Selfoss í Pepsi-Max Deildinni.
Byrjunarlið:
Anna María Friðgeirsdóttir
1. Kelsey Wys
4. Grace Rapp
5. Brynja Valgeirsdóttir
10. Barbára Sól Gísladóttir
15. Unnur Dóra Bergsdóttir (f) ('34)
18. Magdalena Anna Reimus
21. Þóra Jónsdóttir ('69)
23. Darian Elizabeth Powell ('84)
24. Áslaug Dóra Sigurbjörnsdóttir
29. Cassie Lee Boren

Varamenn:
13. Friðný Fjóla Jónsdóttir (m)
6. Bergrós Ásgeirsdóttir ('34)
8. Ásta Sól Stefánsdóttir
9. Halla Helgadóttir ('69)
11. Anna María Bergþórsdóttir ('84)
25. Halldóra Birta Sigfúsdóttir
26. Hólmfríður Magnúsdóttir

Liðsstjórn:
Alfreð Elías Jóhannsson (Þ)
Elías Örn Einarsson
Hafdís Jóna Guðmundsdóttir
Óttar Guðlaugsson
María Guðrún Arnardóttir
Stefán Magni Árnason

Gul spjöld:
Magdalena Anna Reimus ('83)

Rauð spjöld: