Liðin er mætt út á völlinn og klappa til áhorfenda.

Oliver Sigurjónsson spáir 1-2 í kvöld:
Þessi leikur ræðst á föstum leikatriðum. Erfitt að mæta Stjörnunni því þeir eru líklegast með líkamlega sterkasta liðið í deildinni. Halldór og Sölvi eru góðir í loftinu og liggja oftast aftarlega. Það hentar Stjörnunni illa ef þeir ætla að setja mikið að löngum boltum.
Elska þetta project hjá Arnari Gunnlaugs með leikmannakaup og spilastíl.

Nánar um uppstillingar kvöldsins. Ekki bara Jósef Kristinn sem kemur inn í byrjunarlið Stjörnunnar. Eyjólfur Héðinsson og Baldur Sigurðsson koma inn fyrir Þorra Geir Rúnarsson og Nimo Gribenco.

Byrjunarliðin eru komin inn.

Sóknarmaðurinn ungi Guðmundur Andri Tryggvason kemur beint inn í byrjunarlið Víkings. Logi Tómasson er á bekknum.

Jósef Kristinn Jósefsson byrjar hjá Stjörnunni en hann hefur verið að glíma við meiðsli. Þórarinn Ingi Valdimarsson er meðal varamanna.

Sóknarmaðurinn Guðmundur Andri Tryggvason fékk í vikunni leikheimild með Víkingum en hann var lánaður frá Start út tímabilið.

Guðmundur Andri er fæddur 1999 og á að baki 26 leiki fyrir U21, U19 og U17 ára landslið Íslands. Hann spilaði með meistaraflokki KR á árunum 2015-2017 og spilaði alls 22 leiki og skoraði 2 mörk fyrir félagið.

Dómari leiksins í kvöld er besti dómari Íslands í dag, Vilhjálmur Alvar Þórarinsson. Gunnar Helgason (ekki leikarinn) og Adolf Þ. Andersen eru aðstoðardómarar.

Víkingar eru með tvö stig; liðið gerði jafntefli í leikjum sínum gegn Val og FH en tapaði í síðustu umferð á sannfærandi hátt gegn Breiðabliki.

Stjarnan er með fimm stig, jafntefli gegn KR og Grindavík og svo sigur gegn HK í síðasta leik 1-0 þar sem Hilmar Árni Halldórsson skoraði glæsimark.

Heil og sæl og verið velkomin með okkur í Laugardalinn þar sem Víkingur Reykjavík og Stjarnan eigast við í 3. umferð Pepsi Max-deildarinnar. Það er verið að klára gervigraslögn og framkvæmdir á Víkingsvellinum og á meðan spilar liðið heimaleiki sína á Eimskipsvellinum, heimavelli Þróttar.