Grindavík
2
1
KR
Alexander Veigar Þórarinsson '24 1-0
Aron Jóhannsson '30 , víti 2-0
2-1 Björgvin Stefánsson '61
16.05.2019  -  19:15
Mustad völlurinn
Pepsi Max-deild karla
Dómari: Þorvaldur Árnason
Maður leiksins: Marc Mcausland
Byrjunarlið:
24. Vladan Djogatovic (m)
Marinó Axel Helgason
4. Rodrigo Gomes Mateo
7. Vladimir Tufegdzic
8. Gunnar Þorsteinsson (f)
9. Josip Zeba
11. Elias Tamburini
13. Marc Mcausland (f)
22. René Joensen ('61)
23. Aron Jóhannsson (f) ('85)
80. Alexander Veigar Þórarinsson ('76)

Varamenn:
6. Viktor Guðberg Hauksson
9. Kiyabu Nkoyi ('61)
11. Símon Logi Thasaphong
18. Jón Ingason ('85)
19. Hermann Ágúst Björnsson ('76)
20. Dagur Ingi Hammer Gunnarsson

Liðsstjórn:
Srdjan Tufegdzic (Þ)
Maciej Majewski
Arnar Már Ólafsson
Guðmundur Ingi Guðmundsson
Sigurvin Ingi Árnason
Haukur Guðberg Einarsson
Gunnar Guðmundsson
Srdjan Rajkovic

Gul spjöld:
René Joensen ('17)
Rodrigo Gomes Mateo ('41)
Marinó Axel Helgason ('67)
Vladimir Tufegdzic ('88)
Jón Ingason ('92)

Rauð spjöld:
Leik lokið!
Grindvíkingar vinna KR 2-1 í 4. umferðinni.

Risa sigur Grindvíkinga, sá fyrsti í Pepsi Max-deildinni.
94. mín
Alex Freyr sendir boltann út í teiginn þar sem Kristinn Jónsson nær skoti úr erfiðri stöðu yfir markið.
94. mín
KR fær annað horn.
93. mín
Vladan Djogatovic fer út í teiginn og missir af boltanum en Jón Ingason hreinsar frá.
92. mín
KR fær hornspyrnu!
92. mín Gult spjald: Jón Ingason (Grindavík)
Áfram heldur Þorvaldur að spjalda Grindvíkinga.
90. mín
Fjórum mínútum bætt við
88. mín
Inn:Ægir Jarl Jónasson (KR) Út:Finnur Orri Margeirsson (KR)
88. mín Gult spjald: Vladimir Tufegdzic (Grindavík)
Uppsafnað.
85. mín
Inn:Jón Ingason (Grindavík) Út:Aron Jóhannsson (Grindavík)
Aron þarf að fara af velli meiddur. Áhyggjuefni fyrir Grindvíkinga ef Aron verður lengi frá.
84. mín
Aron Jó. liggur á vellinum og þarf aðhlynningu. Lítur ekki vel út.
82. mín
Hermann Ágúst kemst í fínt færi, þröngt er það en hann hefur séð það þrengra. Skot hans beint á Beiti í markinu.

Laglegt spil Grindvíkinga í aðdragandanum. Besti spilkafli heimamanna í seinni hálfleik.
81. mín
Óskar Örn með stórhættulega fyrirgjöf en Tobias er hársbreidd frá því að stanga þennan inn, eða hvað veit ég. Hann náði ekki til boltans. Við vitum ekki hvað hefði gerst.
80. mín Gult spjald: Björgvin Stefánsson (KR)
Snýr Kiyabu Nkoyi í tvö hringi og uppsker gult spjald.
78. mín
Finnur Orri með sendingu inn í teig sem Tobias Thomsen skallar framhjá. Hættulaust.
76. mín
Inn:Hermann Ágúst Björnsson (Grindavík) Út:Alexander Veigar Þórarinsson (Grindavík)
Í sínum fyrsta leik í efstu deild er Hermann Ágúst Björnsson mættur inná.
76. mín
Tvær fyrirgjafir í röð hjá KR-ingum sem Grindvíkingar hreinsa frá að lokum.
75. mín
Dömur mínar og herrar drífið ykkur á völlinn. Hermann Ágúst Björnsson er á leiðinni inná.
71. mín
Óskar Örn með mishepnnað skot beint á Vladan innan teigs.
71. mín
Finnur Orri tekur vitlaust innkast. Áfram gakk.
70. mín
Mér finnst sókn KR vera að þyngjast og þyngjast. Grindvíkingar eru að bjóða hættunni heim.
67. mín Gult spjald: Marinó Axel Helgason (Grindavík)
Fyrir brot á Óskari Erni.
63. mín
Björgvin dútlar með boltann innan teigs, reynir að finna skotfæri en nær því ekki.

Hann á skot í varnarmann þar sem boltinn berst til Finns sem á laust skot á nærstöngina sem Vladan ver auðveldlega.
61. mín
Inn:Alex Freyr Hilmarsson (KR) Út:Pálmi Rafn Pálmason (KR)
Bæði lið gera breytingar á sínu liði í kjölfarið af markinu.
61. mín
Inn:Kiyabu Nkoyi (Grindavík) Út:René Joensen (Grindavík)
Fyrsta skipting Grindavíkur í kvöld.
61. mín MARK!
Björgvin Stefánsson (KR)
Stoðsending: Tobias Thomsen
KR-ingar minnka muninn!

Skyndilega berst boltinn inn í teig Grindavíkur, Tobias gerir vel og sendir boltann á Björgvin innan teigs af stuttu færi eftir að vera með varnarmann Grindavíkur í bakinu og sendir þar með Björgvin í kjörstöðu einn gegn Vladan í markinu.

Björgin gat varla klikkað úr þessu færi!
60. mín
Pablo með slaka aukaspyrnu sem Marc Mcausland skallar í burtu. Ekki í fyrsta skipti í kvöld.
60. mín
Marinó Axel brýtur á Tobias. Aukaspyrna sem KR fær á miðjum vallarhelmingi Grindavíkur
58. mín
Tobias Thomsen er einn af fáum leikmönnum KR með líflínu en það kemur lítið útúr þessu hjá honum.
57. mín
Nú þurfa KR-ingar að fara setja í annan eða jafnvel þriðja gír ef þeir ætla sér að fá eitthvað útúr þessum leik.

Björgvin Stefánsson þarf að koma ser meira inn í leikinn og Óskar Örn hefur lítið sem ekkert sést í seinni hálfleiknum.
55. mín
Tobias með laust skot á nærstöngina sem Vladan er ekki í vandræðum með.
52. mín
Góð hornspyrna frá Gunnari yfir á fjær þar sem Mcausland vinnur skallaeinvígið. Síðan er barningur innan teigs sem endar með því að Finnur Orri hreinsar í innkast.
51. mín
Grindvíkingar fá hornspyrnu.
50. mín
Mcausland með lausan skalla að marki beint á Beiti eftir fyrirgjöf frá Aroni.
49. mín
Arnór Sveinn brýtur á Tufa og Grindvíkingar fá aukaspyrnu, vinstra megin á vallarhelmingi KR-inga.
46. mín Gult spjald: Tobias Thomsen (KR)
Gerist brotlegur í skallaeinvígi.
46. mín
Leikur hafinn
45. mín
Inn:Kristinn Jónsson (KR) Út:Atli Sigurjónsson (KR)
Pablo Punyed inn á miðjuna og Kristinn í vinstri bakvörðinn.
45. mín
Hálfleikur
Þorvaldur Árnason hefur flautað til hálfleiks.

Heldur betur óvænt staða vægast sagt.
45. mín
Óskar Örn með fyrirgjöf frá vinstri en Tobias Thomsen skallar vel framhjá markinu. Engin hætta þarna á ferð.
44. mín
Finnur Orri brýtur á René og sleppur við gult spjald.

Lítið samræmi miðað við spjaldið sem Mateo fékk fyrir þremur mínútum.
41. mín Gult spjald: Rodrigo Gomes Mateo (Grindavík)
Þetta var soft.

Smá peysutog á Óskari Erni rétt fyrir utan vítateig KR og Þorvaldur hefur engan húmor fyrir því. Spjald á loft.
40. mín
Eftir nokkrar háar sendingar á milli manna innan vítateigs Grindavíkur hreinsar Aron Jó. frá.
39. mín
Samkvæmt mönnum sem hafa séð endursýningar af vítadómnum þá virðist þetta hafa verið rangur dómur og brotið hafi verið utan teigs. Virkilega tæpt.
35. mín
Tobias Thomsen með aukaspyrnuna beint í vegginn, boltinn berst til Atla Sigurjóns. sem á skot sem fer í Marc Mcausland og boltinn endar síðan hjá Vladan í markinu.
34. mín
Marinó brýtur á Óskari Erni rétt fyrir utan vítateiginn. Aukaspyrna á hættulegum stað.
33. mín
Eftir smá darraðadans inn í vítateig Grindavíkur nær Vladan að handsama boltann eftir hornspyrnu frá Atla Sigurjónssyni.
32. mín
Óskar Örn fellur innan teigs í baráttunni við Rodrigo Mateo. Þorvaldur Árnason sýnir að þetta hafi bara verið boltinn og Óskar Örn stendur upp og biður ekki um neitt.

KR-ingar fá horn og svo aftur horn.
31. mín
Gunnar Þorsteinsson allt í öllu í teignum og skallar hornspyrnuna í burtu.
31. mín
Finnur Orri með langa sendingu í átt að teignum sem Elias Tamburini skallar aftur fyrir sig og KR-ingar fá hornspyrnu.
30. mín Mark úr víti!
Aron Jóhannsson (Grindavík)
Stoðsending: Vladimir Tufegdzic
Það held ég nú.

Beitir í vitlaust horn og spyrnan örugg!

Grindvíkingar eru ekkert að grínast hér, 2-0 yfir eftir hálftíma leik.

Þið megið senda mér skilaboð á [email protected] ef þið bjuggust við því fyrir leik.
29. mín
VITI!

Pablo brýtur á Vladimir Tufegdzic.

Hann virðist taka Tufegdzic niður með höndunum.
28. mín
Óskar Örn með fyrirgjöf frá vinstri sem Gunnar Þorsteinsson skallar frá. KR heldur pressunni áfram en eru að lokum dæmdir brotlegir.
24. mín MARK!
Alexander Veigar Þórarinsson (Grindavík)
Stoðsending: Elias Tamburini
HEIMAMENN ERU KOMNIR YFIR!

Ja hérna hér. Þarna sváfu KR-ingar á verðinum.

Eftir góða sókn á Elias Tamburini góða sendingu frá vinstri kantinum út í teiginn þar sem Alexander Veigar er gjörsamlega einn og óvaldaður við vítateigslínuna.

Alexander hafði svakalegan tíma, hann hefði getað farið með bænirnar og sagt einn góðan fimmaurabrandara áður en hann skaut síðan yfirvegað á markið.

Beitir stóð stjarfur í markinu og gat lítið annað gert.
23. mín
Pálmi Rafn með skot utan teigs vel yfir markið.

Liðin sækja til skiptis.
23. mín
Rodrigo Mateo með lausan skalla beint í hendurnar á Beiti í markinu eftir hornspyrnu frá Gunnari Þorsteins.
21. mín
Pablo Punyed með skot úr aukaspyrnunni, rétt yfir.
20. mín
Josip Zeba brýtur eða ekki brýtur á Tobias Thomsen. Heimamenn allt annað en sáttir.

Tobias klobbar Zeba sem fellur við og Tobias virðist hlaupa á hann í kjölfarið.

Þorvaldur fær kaldar kveðjur úr stúkunni. Aukaspyrna á stórhættulegum stað.
17. mín Gult spjald: René Joensen (Grindavík)
Gjörsamlega útúr kortinu.

René með klaufalega tæklingu og lætur Óskar Örn finna fyrir sér. Uppsker réttilega gult spjald. Algjörlega taktlaust.
14. mín
Óskar Örn með skot tilraun úr vítateig Grindavíkur en Marinó Helgi rennir sér fyrir boltann og Marc Mcausland hreinsar síðan frá í kjölfarið.
13. mín
René Joensen leggur boltann framhjá Beiti og skorar fyrsta mark leiksins en René er dæmdur rangstæður.

Hann fékk sendinguna frá Vladimir Tufegdzic en René var sennilega nokkrum sentimetrum innfyrir vörn KR-inga.
11. mín
Finnur Orri brýtur á Aroni Jóhannssyni og Grindvíkingar fá aukaspyrnu á miðjum vellinum.

Þetta er rólegt hérna fyrstu mínúturnar.
6. mín
Arnór Sveinn liggur eftir á vellinum og þarf aðhlynningu. Fékk sennilega höfuðhögg en boltinn var víðsfjarri.

Hann er staðinn upp og leikurinn getur haldið áfram.
4. mín
Vá!

Atli Sigurjónsson með frábæra sendingu yfir Marc Mcausland. Björgvin Stefánsson nýtir sér það og á skot í þverslánna af stuttu færi. Viðstöðulaust skot sem fer yfir Vladan í markinu en í slánna fer boltinn.
1. mín
Tufa með fyrsta hálffæri leiksins, eftir fyrirgjöf frá hægri átti Tufa skalla framhjá markinu.
1. mín
Leikur hafinn
Fyrir leik
Fjórar mínútur í leik. Hefði viljað sjá fleiri í stúkunni ég viðurkenni það.
Fyrir leik
Það eru tvær breytingar á liði Grindavíkur frá síðasta leik gegn ÍBV. Sigurjón Rúnarsson fékk slæmt höfuðhögg í Eyjum og er ekki í hóp í dag. Þá er Kiyabu Nkoyi á bekknum. Marinó Axel Helgason og Rene Joensen koma inn í byrjunarliðið.
Fyrir leik
Rúnar Kristinsson er með óbreytt byrjunarlið frá jafnteflinu gegn Fylki í síðasta leik.
Fyrir leik
Það eru tvær breytingar á liði Grindavíkur frá síðasta leik gegn ÍBV. Sigurjón Rúnarsson fékk slæmt höfuðhögg í Eyjum og er ekki í hóp í dag. Þá er Kiyabu Nkoyi á bekknum. Marinó Axel Helgason og Rene Joensen koma inn í byrjunarliðið

KR byrjar með sama lið og gegn Fylki í síðustu umferð. Sá leikur endaði 1-1 en Fylkir jafnaði undir lokin.
Guðmundur Aðalsteinn Ásgeirsson
Fyrir leik
Framundan er leikur Grindavíkur og KR í 4. umferð Pepsi Max-deildar karla.

Grindavík er með tvö stig í deildinni og gætu jafnað KR að stigum en KR liðið er með fimm stig eftir fyrstu þrjá leikina.
Fyrir leik
Verið velkomin í beina textalýsingu frá Grindarvíkurvelli.
Byrjunarlið:
1. Beitir Ólafsson (m)
Pálmi Rafn Pálmason ('61)
5. Arnór Sveinn Aðalsteinsson
6. Gunnar Þór Gunnarsson
7. Tobias Thomsen
8. Finnur Orri Margeirsson ('88)
9. Björgvin Stefánsson
11. Kennie Chopart (f)
16. Pablo Punyed
22. Óskar Örn Hauksson (f)
23. Atli Sigurjónsson ('45)

Varamenn:
13. Sindri Snær Jensson (m)
3. Ástbjörn Þórðarson
4. Arnþór Ingi Kristinsson
7. Finnur Tómas Pálmason
14. Ægir Jarl Jónasson ('88)
17. Alex Freyr Hilmarsson ('61)
18. Aron Bjarki Jósepsson
19. Kristinn Jónsson ('45)

Liðsstjórn:
Rúnar Kristinsson (Þ)
Valgeir Viðarsson
Jón Hafsteinn Hannesson
Bjarni Eggerts Guðjónsson
Kristján Finnbogi Finnbogason
Friðgeir Bergsteinsson

Gul spjöld:
Tobias Thomsen ('46)
Björgvin Stefánsson ('80)

Rauð spjöld: