Kovac orðaður við stjórastól Liverpool - Newcastle vill Gibbs-White - Dewsbury-Hall orðaður við Tottenham
Breiðablik
3
1
HK
Kwame Quee '3 1-0
Guðjón Pétur Lýðsson '52 2-0
Höskuldur Gunnlaugsson '59 3-0
3-1 Björn Berg Bryde '68
30.05.2019  -  19:15
Kópavogsvöllur
Mjólkurbikar karla
Dómari: Ívar Orri Kristjánsson
Áhorfendur: 1123
Maður leiksins: Brynjólfur Darri Willumsson (Breiðablik)
Byrjunarlið:
Gunnleifur Gunnleifsson
4. Damir Muminovic
7. Höskuldur Gunnlaugsson (f) ('81)
7. Jonathan Hendrickx
16. Guðmundur Böðvar Guðjónsson
18. Arnar Sveinn Geirsson
20. Kolbeinn Þórðarson ('66)
21. Viktor Örn Margeirsson
45. Guðjón Pétur Lýðsson
45. Brynjólfur Darri Willumsson
77. Kwame Quee ('70)

Varamenn:
33. Hlynur Örn Hlöðversson (m)
8. Viktor Karl Einarsson ('66)
9. Thomas Mikkelsen ('81)
11. Aron Bjarnason
17. Þórir Guðjónsson
25. Davíð Ingvarsson
30. Andri Rafn Yeoman ('70)

Liðsstjórn:
Ágúst Þór Gylfason (Þ)
Ólafur Pétursson
Jón Magnússon
Marinó Önundarson
Aron Már Björnsson
Guðmundur Steinarsson
Andri Roland Ford

Gul spjöld:
Viktor Örn Margeirsson ('47)
Thomas Mikkelsen ('89)
Brynjólfur Darri Willumsson ('90)

Rauð spjöld:
Leik lokið!
Ívar Orri flautar af!

Blikar verða í pottinum þegar dregið verður í 8 liða úrslit.
94. mín
HK fær hornspyrnu á lokamínútunum, Kári Péturs tekur.

Skallað frá.
90. mín
Fjórar mínútur í uppbótartíma!
90. mín Gult spjald: Brynjólfur Darri Willumsson (Breiðablik)
89. mín Gult spjald: Thomas Mikkelsen (Breiðablik)
Þetta er eitt það steiktasta sem ég hef séð, það er brotið á Thomasi, sem að stoppar svo boltann með höndunum og byrjar að hlaupa af stað með hann, þegar Ívar byrjar að flauta á fullu til að biðja hann um að taka aukaspyrnu þá sparkar hann boltanum upp í hornið.

Alvöru tafir þarna!
84. mín
FÆRI!

Arian Morina snýr af sér Arnar Svein og keyrir inn á teiginn, leggur boltann svo út þarn sem Hörður Árna mætir og tekur skotið með hægri, rétt framhjá!
82. mín
Blikar með flotta sókn, rúlla boltanum frá vinstri til hægri þar sem Hendrickx er í þröngu færi og bombar á markið en Arnar ver.
81. mín
Inn:Thomas Mikkelsen (Breiðablik) Út:Höskuldur Gunnlaugsson (Breiðablik)
Thomas að koma til baka úr meiðslum, fær lófaklapp frá stúkunni.
80. mín
Blikar eru að spila uppúr vörninni og Kári Péturs beygir öxlina niður til að nota höndina og stoppa sendinguna, sem tekst en ekkert dæmir Ívar Orri.

Þetta er að okkar blaðamanna mati bara aukaspyrna og seinna gula, hann er viljandi að nota höndina þarna!
78. mín
Inn:Valgeir Valgeirsson (HK) Út:Ásgeir Marteinsson (HK)
77. mín
HK fær hornspyrnu, Seyðkarlinn skokkar að taka.

GULLI Í VESENI! - Boltinn dettur fyrir Björn Berg og Blikar verja á línu, en svo flautar Ívar Orri á bara eitthvað held ég.
71. mín
DAUÐAFÆRI!!!

Hvað þurfa Blikar mörg færi?

Núna sendir Brynjólfur frábæra sendingu í hlaupið hjá Kwame sem skilur alla HK-inga eftir í gúmmíkurli og er aleinn gegn Arnari en setur hann framhjá!
70. mín
Inn:Andri Rafn Yeoman (Breiðablik) Út:Kwame Quee (Breiðablik)
68. mín MARK!
Björn Berg Bryde (HK)
Stoðsending: Ásgeir Marteinsson
MAAARK!

HK minnkar muninn!

Seyðkarlinn, Ásgeir Marteins tekur hornspyrnu með vinstri fæti, bara afþví hann er svo góður... og boltinn beint á kollinn á Björn Berg sem skallar hann inn!

Fáum við dramatík síðustu 20 mínúturnar?
66. mín
Inn:Viktor Karl Einarsson (Breiðablik) Út:Kolbeinn Þórðarson (Breiðablik)
65. mín
VÁ ÞETTA VAR SÉNS!

Ásgeir Börkur vinnur boltann af Viktori Erni fyrir frama teig Blika og kemur honum út til vinstri, þaðan kemur boltinn fyrir og Arnþór Ari er við markteig í dauðafæri en sér Ásgeir Börk koma á ferðinni þannig hann lætur boltann rúlla í gegnum klofið á sér en þar bíður Damir alveg pollrólegur og tekur þetta.

Arnþór átti bara að klára sjálgur!
62. mín
DAUÐAFÆRI!!!

Blikarnir eru að fara hrikalega illa með HK.

Höggi klobbar Ásgeir Börk á miðjunni og rúllar boltanum svo í gegn á Kwame sem hefði átt að taka snertinguna framhjá Arnari sem var að mæta en í staðinn reynir hann að pota boltanum í fyrsta en hittir hann varla.
60. mín
Inn:Emil Atlason (HK) Út:Brynjar Jónasson (HK)
59. mín MARK!
Höskuldur Gunnlaugsson (Breiðablik)
Stoðsending: Kolbeinn Þórðarson
MAAAAARK!!!

Blikar eru að gera út um þennan leik.

Brynjólfur Darri sólar svona 4 menn á leiðinni inn á teiginn frá hægri kantinum og svo berst boltinn út á Kolbein Þórðar sem tekur skotið í varnarmann, Arnar var lagstur í hitt hornið og Höggi potar boltanum inn af línunni nánast.
54. mín Gult spjald: Kári Pétursson (HK)
ÚFF - Þarna fer Kári í ljóta pirringstæklingu á Arnar Svein og uppsker gult spjald, hefði hugsanlega getað verið rautt...

,,RAAAUUUTT'' og ,,ertu að reyna að meiða menn hérna?'' eru meðal ummæla úr stúkunni við þessa tæklingu.
52. mín MARK!
Guðjón Pétur Lýðsson (Breiðablik)
Stoðsending: Damir Muminovic
MAAAAAARK!!!

Damir Muminovic af öllum mönnum er kominn upp vinstra megin og að endalínu, leggur boltann út úr teignum þar sem Gaui mætir á svona 100 km/h og hamrar boltanum með smá viðkomu í varnarmanni, og upp í hægra hornið!

Þetta var negla!
49. mín
DAUÐAFÆRI!!!

Hendrickx setur eitt stykki draumabolta inn á teiginn af miðjum vallarhelmig HK og boltinn beint á fjær þar sem Brynjólfur Darri er aaaleinn en tekur afleitan skalla beint á Arnar sem er reyndar í veseni með að grípa boltann en það tekst að lokum.
48. mín
Ásgeir seyðkarl Marteinsson tekur spyrnuna en Blikar skalla frá, Ásgeir Börkur reynir að bomba í fyrsta en boltinn fer í þvögu inná teignum áður en Blikar hreinsa.
47. mín Gult spjald: Viktor Örn Margeirsson (Breiðablik)
Þetta var ljótt!

Binni Jó er með boltann vinstra megin við teiginn og Viktor hamrar hann niður, fyrst virtist Ívar ætla að dæma markspyrnu en tekur svo hárrétta ákvörðun og dæmir brot og gult á Viktor!

Viktor var alltof einn aftan í hann.
46. mín
Þetta er komið í gang aftur!

Blikar byrja með boltann og sækja í átt að Fífunni.
46. mín
Inn:Arian Ari Morina (HK) Út:Andri Jónasson (HK)
Hálfleiksskipting hjá Brynjari Birni!
45. mín
Hálfleikur
Kaffi og bakkelsi, komum aftur eftir korter!
44. mín
HEYRÐU!

Boltinn sem Björn Berg skallaði í burtu barst á Gumma Bö á miðjum vellinum sem ætlar að setja boltann fyrir en hamrar honum í smettið á Guðjóni Pétri!

Guðjón er fljótur að standa upp og hraunar yfir Gumma Bö! - Þetta hefði getað farið miklu verr fyrir Gauja en raun ber vitni... Gummi smellhitti boltann!
44. mín
Brynjólfur fær aukaspyrnu á miðjum vallarhelming HK með Leif í bakinu sem gjörsamlega tryllist þegar Ívar flautar.

Gaui setur boltann inn á teiginn en Björn Berg skallar langt í burtu.
43. mín
Blikar fá horn og koma með skemmtilega útfærslu.

Gaui sendir boltann langt út á Hendrickx sem reynir skot í fyrsta en það er langt framhjá.
38. mín
ÞARNA SLEPPUR HK HELDUR BETUR VEL!

Blikar fá aukaspyrnu á miðjunni og HK-ingar virka gjörsamlega rotaðir, Gaui sendir boltann á Brynjólf í gegn sem er einn gegn Arnari en Björn Berg nær að toga í Brynjólf og taka hann úr öllu jafnvægi þegar hann er að fara framhjá Arnari og ekkert dæmt!

Mér fannst þetta vera víti og seinna gula á Björn Berg... - En það er bara mitt sjónarhorn.
32. mín
Núna ná HK-ingar góðri sókn, láta boltann ganga og Kári kemur sér svo í skotið en það fór ekki jafn vel og á móti KR þar sem Maggi Bö er enn að reyna að ná boltanum úr skeytinum, þessi fór bara framhjá!
30. mín
Góð sókn hjá Blikum!

Þeir keyra hratt eftir að HK var búið að láta boltann ganga vel, finna Brynjólf í lappir sem stígur Björn Berg út, setur boltann í hlaup hjá Kwame en sendingin aaaðeins of laus sem hægir á Kwame en hann tekur skotið, beint á Arnar Frey.

Kwame hefði sloppið í gegn ef sendingin frá Brynjólfi hefði verið betri.
27. mín
BRYYYNJÓLFUR - rétt framhjá!

Sumir sáu þennan inni...
26. mín
Björn Berg brýtur hér á Brynjólfi rétt fyrir utan teig!

Hann þarf að passa sig ef hann á ekki að fá annað gult...
23. mín
SVAKALEGAR SENUR HÉRNA!

Arnar Freyr fer í algjört skógarúthlaup en er á undan Brynjólfi í boltann í boltann, snertingin var slök og hann lendir í vandræðum gegn Hendrickx upp á miðjum vellinum og setur hann í innkast.

Boltastrákurinn var fljótur að hugsa og Hendrickx kastar hratt á Kolbein sem er með Arnar hlaupandi til baka við hliðina á sér og Arnar hendir í tæklingu á Kolbein svona 30 metra frá markinu, og þaðan rúllar boltinn út á miðju til Gaua sem tekur skotið frá miðju en Ásgeir Börkur búinn að lesa leikinn vel og er mættur inn í teig til að bjarga Arnari þarna!
20. mín
ÞESSI ER HÆTTULEG!

Arnar Freyr þarf að slá boltann í burtu af línunni með svakalegan pakka fyrir framan sig, úr þröngri stöðu setur Arnar Sveinn boltann svo yfir!
19. mín
Þriðja hornspyrna Blika kemur hér.

Gaui og Höggi taka stutt og Gaui tekur svo fyrirgjöf og sækir fjórðu hornspyrnu leiksins.
16. mín Gult spjald: Björn Berg Bryde (HK)
Höskuldur er við það að snúa Björn Berg af sér á miðjunni og bruna 3v3 en Bjössi segir það ekki vera í boði og togar Högga niður.
13. mín
Blikar fá horn, Gaui sendir hann fyrir.

HK á smá brasi með að hreinsa en boltinn dettur út á Kolbein sem neglir eitthvað mjög langt frá markinu.
10. mín
Ásgeir Börkur með alvöru Phil Jones takta.

Hann missir boltann og dettur í baráttu á miðjunni en reynir að kasta sér áfram með hausinn í boltann til að skalla hann frá Blikanum en fékk svo dæmda aukaspyrnu.
8. mín
Fyrsta hornspyrna leiksins er Blika.

Gaui smellir boltanum fyrir en Björn Berg var eins og karlmaður á móti börnum þarna í teignum, skallar frá!
6. mín
VÁ! - Þarna sluppu HK-ingar vel.

Viktor Örn neglir boltanum bakvið vörn HK frá miðjum vellinum og Höggi er í frábæru hlaupi og er bara að fá boltann einn í gegn en hittir ekki boltann, sem skoppar í fangið á Arnari.

Frábært hlaup hjá Högga sem átti að gera miklu betur...
3. mín
HK brunar beint upp í sókn og Kári Péturs kemur með góðan bolta inná teiginn sem Binni Jó skallar yfir markið.
3. mín MARK!
Kwame Quee (Breiðablik)
Stoðsending: Höskuldur Gunnlaugsson
MAAAAARK!!!

BLIKAR ERU KOMNIR YFIR Í GRANNASLAGNUM.

Höskuldur fær boltann úti vinstra megin og teiknar boltann á ennið á Kwame Quee sem er aaaaleinn inná markteig og stangar boltann í netið!
1. mín
Arnar Sveinn byrjar leikinn á að negla Kára Péturs niður.

Ásgeir Marteins tekur spyrnuna og Binni Jó nær skallanum en laflaust beint á Gulla.
1. mín
Leikur hafinn
Þetta er komið af stað!

HK byrjar með boltann og sækir í átt að Fífunni.
Fyrir leik
Liðin eru að labba út á völl, þetta er að bresta á!
Fyrir leik
Liðin eru að hita, fólki er farið að láta sjá sig enda nær grill lyktin niður í Nauthólsvík og sólin lætur ekki lítið fyrir sér fara!

Hvet fólk til að flýta sér hingað til að ná stæðum og sætum.
Fyrir leik
Byrjunarliðin eru komin inn hér til hliðar!

Kwame Quee, Brynjólfur Darri og Gummi Bö fá tækifæri hjá Blikum í dag.

Arnþór Ari mætir á sinn gamla heimavöll.
Fyrir leik
Blikar hafa byrjað tímabilið vel og eru í 2. sæti deildarinnar á eftir Skagamönnum, eina tap Blika til þessa kom einmitt í opnunarleik nýja gervigrassins á Kópavogsvelli gegn ÍA.
Blikar rústuðu Magna 10-1 í 32 liða úrslitum.

HK situr í 9. sæti deildarinnar með 5 stig.
Þeir slógu út Dragan Stojanovic og félaga í Fjarðabyggð í 32 liða úrslitum.
Fyrir leik
Dómari leiksins er eðaldrengurinn af Skaganum, Ívar Orri Kristjánsson!

Reikna með heimsklassa dómgæslu í dag.
Fyrir leik
Guði sé lof að þessi leikur fari fram utandyra, enda er bongóblíða!

Það er synd á dögum eins og þessum að HK skuli spila innandyra...
Fyrir leik
Þessi lið mættust í Kórnum fyrr í sumar og þar má segja að Blikar hafi rænt HK-inga með því að spila ágætlega í 5 mínútur og ná 2-2 jafntefli.

Reikna með að HK-ingar vilji hefna fyrir það hér í dag.
Fyrir leik
Góða kvöldið gott fólk og verið velkomin í beina textalýsingu frá nágrannaslag Breiðabliks og HK í Mjólkurbikar karla!
Byrjunarlið:
25. Arnar Freyr Ólafsson (m)
2. Ásgeir Börkur Ásgeirsson
4. Leifur Andri Leifsson (f)
8. Arnþór Ari Atlason
9. Brynjar Jónasson ('60)
10. Ásgeir Marteinsson ('78)
14. Hörður Árnason
17. Kári Pétursson
18. Atli Arnarson
21. Andri Jónasson ('46)
24. Björn Berg Bryde

Varamenn:
1. Sigurður Hrannar Björnsson (m)
5. Guðmundur Þór Júlíusson
8. Máni Austmann Hilmarsson
16. Emil Atlason ('60)
17. Valgeir Valgeirsson ('78)
19. Arian Ari Morina ('46)
28. Daníel Ingi Egilsson

Liðsstjórn:
Brynjar Björn Gunnarsson (Þ)
Gunnþór Hermannsson
Þjóðólfur Gunnarsson
Viktor Bjarki Arnarsson
Sigurður Viðarsson
Alma Rún Kristmannsdóttir
Sandor Matus

Gul spjöld:
Björn Berg Bryde ('16)
Kári Pétursson ('54)

Rauð spjöld: