Atli Geir á slaka sendingu fram og boltinn rennur aftur fyrir. Þetta er að koma hjá Magna.

Frosti brunar upp hægri kantinn í skyndisókn gegn fáliðaðari Njarðvíkurvörn, hann sendir á Marinó en sendingin er of föst og boltinn skýst til Brynjars í markinu.

3 mínútum bætt við.

Vel varið hjá Aroni! Stefán setur hann fastan niðri í markmannshornið, en Aron er vandanum vaxinn og ver í horn. Hann grípur svo hornspyrnuna við hæsta lófatak leiksins!

Njarðvíkingar fá aukaspyrnu rétt fyrir utan vítateig Magna, við gríðarlega litla hrifningu Magnamanna! Stefán Birgir er líklegastur til þess að taka spyrnuna, en Gísli Martin stendur einnig yfir boltanum.

Guðni vinnur hornspyrnu og stuðningsmenn Magna klappa vel fyrir því. Allar tafir eru vel þegnar þegar þessi 3 stig eru í húfi. Ekkert kemur úr horninu þó og Njarðvík fær innkast.

Njarðvíkingar vinna fyrsta skalla inní teig, en boltinn siglir í gegnum þvöguna og aftur fyrir.

Gauti kemst inní sendingu og leikur útúr vörn Magna, en missir boltann aftur fyrir sig og brýtur af sér. Njarðvík fær aukaspyrnu útá hægri kanti.

Pressan er þung hjá Njarðvíkingum og Kenneth Hogg kemur sér í sæmilegt skotfæri, en skotið er beint á Aron.

MÖGNUÐ VARSLA HJÁ ARONI ELÍ!! Stefán Birgir á virkilega góða aukaspyrnu af 30 metra færi, sem að fer alveg út við stöng - en Aron Elí skutlar sér og notar allan faðminn til að koma boltanum aftur fyrir í horn. Frábært hjá báðum!

Nú fáum við alvöru lokamínútur hér. 3-2 og þetta er algjörlega endanna á milli!

Guðni Sigþórsson sleppur einn í gegn eftir að Kristinn Þór potar honum á hann. Hann virðist óákveðinn í því hvað hann ætlar að gera og missir boltann of langt frá sér, gæti reynst dýrkeypt í lokin!

Langur bolti í gegn á Krystian sem að hefði verið einn gegn opnu marki ef að Aron Elí hefði ekki komist í veg fyrir sendingu, tók hana listavel niður á kassann!

Einhver reikistefna á sér stað eftir að Brynjar Geir skallar boltann framhjá og þeir pirrast í Arnari Þór. Ég veit EKKERT yfir hverju þeir eru að agnúast!

Gunnar Örvar brýtur á Gísla Martin og Njarðvíkingar fá aukaspyrnu á góðum stað útá kanti. Ekki í fyrsta sinn.

Gunnar Örvar er ekkert hættur! Fær boltann utarlega hægra megin í vítateig Njarðvíkur og neglir boltanum í utanverða stöngina. Njarðvíkingar þurfa að vakna!

Guðni Sigþórsson brýtur á Gísla Martin og Njarðvík fá aukaspyrnu útá vinstri kantinum.

Góður maður benti mér á að þessi leikur er auðvitað í þráðbeinni á MAGNI TV á YouTube.

VÍTASPYRNA DÆMD!!! Brynjar Geir keyrir Gauta niður og Arnar Þór bendir á punktinn!

Nú fá Magnamenn aukaspyrnu útá vinstri kanti, nálægt vítateig Njarðvíkur. Brotið á Guðna Sigþórssyni.

Magni fær hornspyrnu þegar skammt er til leikhlés. Ná þeir að jafna fyrir hálfleiksflautið? Svarið er nei. Allavega ekki eftir þessa hornspyrnu.

Þetta mark er smá gusa í andlit Magnamanna, sem að höfðu verið líklegri fram að þessu, án þess þó að skapa sér einhver dauðafæri.

Þeir gerðu það ekki og Magna menn fá horn hinum megin eftir skyndisókn.

Njarðvíkingar fá aukaspyrnu á góðum stað, rétt fyrir utan vítateig Magna, á vinstri kantinum. Nú gildir að nýta þetta...

Fínasta spil hjá Hjörvari og Frosta endar með því að Guðni fær hann sirka 20 metrum utan teigs og þrumar á markið en skotið er varið. Góð tilraun og flott varsla Brynjari!

Njarðvík fær aukaspyrnu útá vinstri kanti, inná vallarhelmingi Magna. Margir inní teig, en boltinn er slakur og Magni hreinsar í innkast.

Gott samspil hjá Kristni Þór og Gunnari endar með frábæru stungusendingu Gunnars inn fyrir á Guðna. Hann kemst í fínasta færi, en lúðrar boltanum yfir mark Njarðvíkur!

Ekkert kemur úr henni og Hjörvar fær á sig brot á miðjunni. Hann virtist bara taka boltann.

Hjörvar nælir í hornspyrnu fyrir Magna...

Kristinn Þór Rósbergsson með vinstri fótar langskot sem sleikir stöngina! Brynjar Atli var stjarfur á línunni.

Arnar Geir kemur boltanum inní teig, eftir snögga aukaspyrnu og Gauti Gautason ætlar að negla boltanum á markið. Það tekst ekki betur en svo að hann þrumar í Brynjar Frey sem var á undan í boltann. Brynjari fannst þetta ekki þægilegt, en er þó staðinn á fætur.

Gott færi hjá Njarðvíkingum! Stefán gefur hann á Pawel úti vinstra megin, hann setur hann svo inní teig á Andra Gíslason sem hælklippir hann rétt framhjá stönginni. Mátti engu muna.

Bergþór Ingi vinnur hornspyrnu fyrir gestina, eftir baráttu við Gauta. Ekkert kemur úr henni og Magnamenn hreinsa hann lengst í burtu og Njarðvíkingar hefja nýja sókn.

Njarðvíkingar héldu góðri pressu á Magna í nokkrar mínútur, áður en brotið var á Guðna Sigþórssyni: Magni tóku aukaspyrnuna snögg á Kristinn Þór sem var aleinn úti vinstra megin, en dómarinn stoppaði það af - við litla hrifningu heimamanna.

Magna menn komast í hættulega stöðu þegar að Gunnar Örvar vinnur boltann ofarlega á vellinum og stingur honum á Frosta. Frost sprettir í átt að markinu og á fyrirgjöf sem er hreinsuð í innkast. Uppúr innkastinu fær Frosti svo ágætis færi eftir góðan sprett en Brynjar Atli ver skotið úr þröngri stöðu. Fín byrjun!