Liðin mætt til vallar og þetta fer að fara af stað. Góða skemmtun næstu 90 mín eða svo.

Rétt rúmar tíu mínútur í að leikar hefjist og fólk farið að týnast í stúkunna. Kannski ekki múgur og margmenni en þeir hörðustu eru mættir.

Fyrir áhugasama sem ekki komast á völlinn í kvöld er vert að benda á að leikurinn er sýndur beint á Youtube rás þeirra Keflvíkinga Keflavík Tv.

Keflavík hefur aðeins rétt úr kútnum eftir skelfilegt heimatap gegn Þrótti fyrir hálfum mánuði. Sigur gegn Víkingi Ó í Ólafsvík og markalaust jafntefli gegn Þór á Akureyri eru úrslit síðustu leikja og situr Keflavík í 4.sæti með 14 stig og getur með sigri jafnað topplið Fram að stigum í það minnsta þar til Fjölnir tekur á móti Þór á Laugardag en það geta nýliðar Gróttu einnig gert með sigri gegn Aftureldingu í kvöld.

Það bárust stórtíðindi úr Breiðholtinu í gær þegar tilkynnt var að Stefán Gíslason hefði látið af störfum sem þjálfari Leiknis en hann var svo í dag kynntur sem nýr þjálfari Lommel SK í Belgíu sem Jonathan Hendrickx gekk nýverið til liðs við frá Breiðablik.

Við skútunni í Breiðholti tekur Sigurður Heiðar Höskuldsson sem hefur verið Stefáni til aðstoðar fram til þessa.

Tilkynning Leiknis um þjálfaraskiptin

Viðtal við Sigurð nýráðin þjálfara Leiknis

Stefán Gíslason kynntur hjá Lommel (Staðfest)

Leikurinn er liður í 9.umferð Inkassodeildarinnar og er held ég óhætt að fullyrða að deildin hafi sjaldan verið jafn jöfn og spennandi og nú. Gestirnir í kvöld Leiknir sitja til að mynda í 7.sæti deildarinnar fyrir leik kvöldsins með 12 stig aðeins 5 stigum frá toppliði Fram fyrir leiki kvöldsins.

Síðasti leikur Leiknis var gegn Haukum á Ásvöllum fyrir tæpri viku og lauk honum með 2-1 sigri Leiknis en mörk þeirra gerðu Sævar Atli Magnússon og Gyrðir Hrafn Elíasson.

Góða kvöldið lesendur góðir og verið hjartanlega velkomin í beina textalýsingu Fótbolta.net frá leik Keflavíkur og Leiknis R. í Inkassodeildinni.