Man Utd ætlar að selja Antony - Zirkzee til Arsenal?
Í BEINNI
Besta-deild karla
Fylkir
LL 0
0
Valur
KR
2
0
Breiðablik
Kristinn Jónsson '8 1-0
Óskar Örn Hauksson '61 2-0
01.07.2019  -  19:15
Meistaravellir
Pepsi Max-deild karla
Aðstæður: Heiðskýrt, sól og gola
Dómari: Ívar Orri Kristjánsson
Áhorfendur: 3012
Maður leiksins: Kristinn Jónsson
Byrjunarlið:
1. Beitir Ólafsson (m)
Pálmi Rafn Pálmason
4. Arnþór Ingi Kristinsson
5. Arnór Sveinn Aðalsteinsson
7. Finnur Tómas Pálmason
7. Tobias Thomsen
11. Kennie Chopart (f)
17. Alex Freyr Hilmarsson ('45)
19. Kristinn Jónsson
22. Óskar Örn Hauksson (f) ('70)
23. Atli Sigurjónsson ('59)

Varamenn:
13. Sindri Snær Jensson (m)
3. Ástbjörn Þórðarson
6. Gunnar Þór Gunnarsson
7. Skúli Jón Friðgeirsson ('59)
14. Ægir Jarl Jónasson ('70)
16. Pablo Punyed ('45)
18. Aron Bjarki Jósepsson

Liðsstjórn:
Rúnar Kristinsson (Þ)
Magnús Máni Kjærnested
Valgeir Viðarsson
Jón Hafsteinn Hannesson
Bjarni Eggerts Guðjónsson
Kristján Finnbogi Finnbogason
Friðgeir Bergsteinsson

Gul spjöld:
Kennie Chopart ('79)

Rauð spjöld:
Leik lokið!
KR er að fara með 4 stiga forskot á toppi deildarinnar eftir fyrri umferðina eftir góðan 2-0 sigur á Blikum hér í kvöld.

Viðtöl og skýrsla á leiðinni.
93. mín
Nei það gera þeir ekki, endar með að þeir eru flaggaðir rangstæðir eftir seinni boltann.
93. mín
Blikar fá hornspyrnu hér í blálokin, ná þeir inn marki?
91. mín
Þrem mínútum bætt við, KR er að fara ná 4 stiga forrystu á toppi deildarinnar!
90. mín Gult spjald: Viktor Örn Margeirsson (Breiðablik)
Brýtur af sér hérna út við hornfána.
88. mín Gult spjald: Damir Muminovic (Breiðablik)
Keyrir í bakið á Tobias til að stöðva sókn KR-inga, hárrétt spjald.
87. mín
Kolbeinn setur aukaspyrnuna í vegginn.
86. mín
Kolbeinn fer niður hér rétt utan teigs í baráttu við Finn Tómas, KR eru alls ekki á því að þetta sé aukaspyrna en Ívar dæmir hana samt.
85. mín
Það eru 3012 áhorfendur á þessum leik, það sjáum við alls ekki oft hérlendis!
83. mín
Ægir leikur listir sínar áður en hann reynir að þræða boltann innfyrir á Pablo en boltinn aðeins of fastur og Hlynur fær boltann.
81. mín
Arnór Sveinn með langan bolta inná teiginn sem Finnur Tómas eltir en hann nær ekki boltanum, fín hugmynd hjá Arnóri.
79. mín Gult spjald: Kennie Chopart (KR)
Kennie fær gult fyrir tæklingu á Þóri, heppinn að vera ekki löngu búinn að fá spjald.
76. mín
Arnór Sveinn liggur nú inn í eigin vítateig, KR eru búnir með skiptingarnar sínar svo þeir verða að vona að Arnór geti klárað leikinn.
73. mín
Fín aukaspyrnu inná teiginn frá Gauja en Mikkelsen nær ekki að stýra skalla sínum á markið.
70. mín
Inn:Ægir Jarl Jónasson (KR) Út:Óskar Örn Hauksson (KR)
Óskar er búinn að fá mörg högg í leiknum og þarf nú að koma af velli, Ægir Jarl kemur inná fyrir fyrirliðann.
68. mín
Inn:Alexander Helgi Sigurðarson (Breiðablik) Út:Guðmundur Böðvar Guðjónsson (Breiðablik)
68. mín
Inn:Þórir Guðjónsson (Breiðablik) Út:Andri Rafn Yeoman (Breiðablik)
Blikar henda tveim uppá topp.
68. mín Gult spjald: Arnar Sveinn Geirsson (Breiðablik)
Var í einhverjum stympingum hér.
66. mín
Arnar fer augljóslega í Óskar hérna sem fer niður en Ívar dæmir ekkert.
62. mín Gult spjald: Guðmundur Böðvar Guðjónsson (Breiðablik)
Hárrétt, negldi niður KR-ing hér, sá ekki hvern en þetta var klárt spjald.
61. mín MARK!
Óskar Örn Hauksson (KR)
Almáttugur þessi mistök hjá Hlyni! Óskar Örn fær boltann eftir hörmulega sendingu Gumma Bö, er með boltann fyrir utan teig, stoppar bara, tekur eina snertingu og skýtur beint á markið en boltinn fer í gegnum hendurnar á Hlyni, sprellimark sem kemur KR í 2-0!
59. mín
Inn:Skúli Jón Friðgeirsson (KR) Út:Atli Sigurjónsson (KR)
Afmælisbarnið Atli Sigurjóns sem er búinn að eiga góðan leik kemur hér af velli og inná kemur Skúli Jón sem er allur að koma til eftir erfið höfuðmeiðsli.
58. mín
VÁ þessi varsla! Arnar Sveinn með frábæra sendingu inn á Andra sem kemur með fyrirgjöfina á Mikkelsen sem er inn í markteig og skallar á markið en Beitir ver gjörsamlega stórkostlega frá honum og bjargar marki!
56. mín Gult spjald: Guðjón Pétur Lýðsson (Breiðablik)
Loksins kemur spjaldið, Gauji búinn að rífa kjaft í allt kvöld og fær núna gult spjald frá Ívari Orra sem er kominn með nóg af honum.
56. mín
Gauji Lýðs með hornspyrnu stutt hér, fær hann aftur en KR ná boltanum, áttu ekki í neinum vandræðum með þetta.
53. mín
Arnar Sveinn brýtur á Tobiasi hérna úti vinstra megin og í kjölfarið lenda Pálmi og Arnar saman en sleppa við spjald, Ívar er ekki að spjalda neitt hér í kvöld.
52. mín
Kristinn Jónsson með frábæra sendingu yfir Blikavörnina á Óskar en fyrsta snertingin svíkur hann og Arnar kemst í boltann.
50. mín
Gauji setur aukaspyrnuna beint í vegginn og svo koma KR boltanum frá.
48. mín
Kolbeinn fær aukaspyrnu hér á vítateigslínunni, ótrúlega nálægt því að vera vítaspyrna en aukaspyrna er það.
46. mín
Leikur hafinn
Blikar hefja seinni hálfleikinn hér.
45. mín
Það var víst mikill hiti í leikmannagöngnum á leið inn í klefa í hálfleik. Blikar kölluðu meðal annars á eftir KR-ingum: ,,Hvaða töffarastælar eru þetta?"
Þetta róaðist víst nokkuð fljótt en ljóst er að bæði lið mæta dýrvitlaus í seinni hálfleikinn.
45. mín
Hálfleikur
KR 1-0 yfir í hálfleik, Gulli og Alex farnir útaf meiddir og mikill hiti í leiknum. Við fáum fleiri mörk og meiri dramatík í seinni hálfleik.
45. mín
Inn:Pablo Punyed (KR) Út:Alex Freyr Hilmarsson (KR)
Alex er að fara útaf á börum hér undir lok hálfleiksins, vonum að þetta sé ekki alvarleg meiðsli hjá honum en þetta lýtur illa út.
45. mín
Nú liggur Alex eftir, sá ekki almennilega hvað gerðist en sýndist það vera tækling.
45. mín
Spyrnan slök hjá Gauja og Óskar skallar frá, Gauji fær svo boltann aftur hægra megin og gefur fyrir en Finnur skallar frá.
45. mín
3 mínútur í uppbótartíma, Blikar með horn núna.
43. mín
Það er allt að gerast hérna! Nú kemur léleg hreinsun frá Damir sem fer á Atla, Atli fer á hægri og neglir honum í nærhornið en Hlynur ver boltann í stöngina!
43. mín
Kolbeinn í skotið rétt fyrir utan teig en það fer yfir markið, mikið líf í leiknum þessa stundina.
41. mín
Óskar Örn setur hann rétt framhjá markinu úr góðu færi hægra megin í teignum, þarna hélt ég að Óskar myndi skora!
40. mín
Óskar fer upp völlinn og er sparkaður niður en fær enga aukaspyrnu. Þá mætir Pálmi Rafn og kvittar fyrir Óskar með að hamra Gauja Lýðs niður, hann sleppur á ótrúlegan hátt við spjaldið. Ívar Orri ekki með góð tök á þessum leik.
36. mín
Góð sókn hjá KR sem endar með að Tobias tekur skotið á lofti á teigslínunni en skotið framhjá markinu.
33. mín
Smá vandræði á Beiti hér en hann misreiknar boltann, þá kemur Kennie og nær að hreinsa boltann frá áður en Mikkelsen komst í boltann.
31. mín
Úff Gauji með hættulega sendingu tilbaka sem Tobias er við það að ná en Hlynur kemur á fleygiferð og sparkar boltanum frá, vel gert hjá honum.
30. mín
Skemmtilegt hér, Kennie nælir sér í aukaspyrnu rétt fyrir utan eigin vítateig og fagnar aukaspyrnunni.
29. mín
Damir reynir langan bolta á Mikkelsen en boltinn aðeins of langur, hugmyndin góð samt.
28. mín
Hlynur ansi tæpur hér, tekur lélega fyrstu snertingu en nær að sparka út áður en Tobias kemst í boltann.
26. mín
Alex virðist vera í fínu lagi, kominn inná strax aftur. Davíð kom svo með góðan bolta meðfram jörðinni fyrir núna en Atli negldi honum útúr teig.
25. mín
Boltanum hamrað í andlitið á Alex sem liggur, vonum að hann hafi ekki vankast við þetta.
20. mín
Kennie komst upp að endamörkum og kom boltanum fyrir, Hlynur og Gummmi missreikna sig eitthvað og boltinn skoppar um teiginn áður en Blikar loksins koma boltanum frá.
18. mín
Arnar Sveinn liggur nú á vellinum, vonum að hann sé í lagi, væri hrikalegt fyrir Blika að missa tvo menn í meiðsli hér snemma leiks.
15. mín
Gauji Lýðs með frábæra aukaspyrnu á Mikkelsen sem skallar boltann rétt framhjá samskeytunum en hann var rangstæður þó.
15. mín
Atli með frábæra stungusendingu á Alex sem kemur með flottan bolta fyrir markið en Tobias rétt missir af boltanum, dauðafæri til að komast í 2-0!
11. mín
Inn:Hlynur Örn Hlöðversson (Breiðablik) Út:Gunnleifur Gunnleifsson (Breiðablik)
Gulli þarf að fara af velli, skelfilegt fyrir Blika að missa hann út og hér kemur Siglfirðingurinn Hlynur Örn Hlöðversson inná.
10. mín
Gulli liggur hér á vellinum og fær meðferð frá sjúkraþjálfara, vonandi fyrir Blika er í lagi með Gulla.
8. mín MARK!
Kristinn Jónsson (KR)
Stoðsending: Atli Sigurjónsson
KR eru komnir yfir! Atli tekur hornið meðfram jörðinni út á teig á Kidda sem fer auðveldlega framhjá Andra Yeoman og smyr hann svo glæsilega í fjærhornið alveg út við stöng, frábært mark!
7. mín
Atli með boltann úti hægra megin lætur vaða, skotið fer í Gauja og aftur fyrir í hornspyrnu.
6. mín
Kolbeinn kemst upp að endamörkum og kemur með fyrirgjöf sem endar með að fara af KR-ingi og í horn. Hornspyrna Gauja Lýðs fór beint á pönnuna á Damir en hann skallar yfir markið.
4. mín
Léleg hreinsun hjá Gumma Bö sem fer beint á Arnþór, hann kemur boltanum á Kennie sem fer í skotið rétt fyrir utan teig en það er framhjá markinu.
1. mín
Atli Sigurjóns fær ágætis skotfæri fyrir utan teig hægra megin en skotið þægilegt fyrir Beiti í markinu.
1. mín
Leikur hafinn
Arnþór Ingi sparkar leiknum í gang hér á Meistaravöllum í toppslagnum!
Fyrir leik
Hér að neðan má sjá hvernig byrjunarliðunum er stillt upp, Breiðablik er þó með Arnar Svein í hægri vængbakverði, ekki Höskuld.
Fyrir leik


Fyrir leik


Fyrir leik
Byrjunarliðin eru komin inn!

KR stillir upp sama liði og vann FH í Kaplakrika, sama byrjunarlið og sami bekkur. Þú breytir ekki sigurliði.

Hjá Breiðablik er Elfar Freyr Helgason meiddur og Guðmundur Böðvar Guðjónsson byrjar í hans stað í 3 manna hafsentalínu Breiðabliks. Þá byrjar Höskuldur Gunnlaugsson hetja þeirra í bikarleiknum gegn Fylki á bekknum í kvöld.
Fyrir leik
Rúnar Kristinsson, þjálfari KR, spjallaði við Fótbolta.net fyrr í dag:

"Það er mikil tilhlökkun fyrir leiknum í kvöld. Það er fínt veður, völlurinn er góður og þetta eru tvö lið sem eru á góðu skriði. Það er skemmtilegt fyrir íslenskan fótbolta að fá svona góðan leik á góðum degi."

"Við þurfum að vera mjög þéttir varnarlega. Þeir eru mjög sterkir fram á við, sérstaklega í skyndisóknum. Við þurfum að vera varkárir í okkar leik og æða ekki með alla fram strax til að skora. Þetta verður miðjubarátta og smá taktísk barátta. Blikarnir eru frábærir eins og þeir hafa sýnt í allt sumar og það verður erfitt við þá að eiga."
Elvar Geir Magnússon
Fyrir leik
Gunnleifur Gunnleifsson, fyrirliði Blika, ræddi við Fótbolta.net í dag:

"Þetta eru þau tvö lið sem hafa spilað hvað best í sumar. Þetta er svokallaður brettaleikur. Það minnir á gömlu tímana, þegar maður var í KR fyrir 20 árum síðan. KR-ingar hafa verið þéttir og eru með reynslumikið lið. Þeir hafa Óskar Örn og Pálma, Beitir hefur verið frábær. Það hefur allt gengið upp hjá þeim."

Elfar Freyr Helgason verður ekki með Blikum í kvöld þar sem hann tekur út leikbann.

"Elli er einn besti varnarmaður deildarinnar en við erum með góða breidd og leysum þetta," segir Gunnleifur.
Elvar Geir Magnússon
Fyrir leik
Elvar Geir Magnússon
Fyrir leik
Elvar Geir Magnússon
Fyrir leik
Blikar misstu Jonathan Hendrickx til Lommen í Belgíu og er hann því farinn burt á braut, þeir fengu hins vegar Gísla Eyjólfsson heim frá Svíþjóð en hann fær ekki leikheimild fyrr en á morgun og getur því ekki spilað í kvöld.
Fyrir leik


Fyrir leik
Vinni KR í kvöld fara þeir með 4 stiga forrystu á toppi deildarinnar inn í seinni umferð deildarinnar sem er ansi góð staða, Blikar geta hins vegar stolið toppsætinu með sigri hér í kvöld. Þessi lið mætast svo í lokaumferð deildarinnar á Kópavogsvelli, þar gætum við fengið úrslitaleik um Íslandsmeistaratitilinn!
Fyrir leik
KR er búið að vinna sex leiki í röð í deildinni og á sama tíma er Breiðablik búið að vinna fimm leiki en þeir töpuðu gegn Fylki áður en þeir unnu sannfærandi 3-1 sigra á Stjörnunni og ÍBV.
Fyrir leik
Bæði þessi lið hafa leikið afar vel það sem af er leiktíðar og verma efstu tvö sætin, KR í fyrsta sætinu með 23 stig og Blikar í öðru sætinu með 22 stig. Það er því hörð barátta um toppsætið hér í kvöld.
Fyrir leik
Góða kvöldið og verið velkomin í beina textalýsingu frá toppslagi KR og Breiðabliks á Meistaravöllum í 11. umferð Pepsí Max-deildar karla.
Byrjunarlið:
Gunnleifur Gunnleifsson ('11)
4. Damir Muminovic
9. Thomas Mikkelsen
11. Aron Bjarnason
16. Guðmundur Böðvar Guðjónsson ('68)
18. Arnar Sveinn Geirsson
20. Kolbeinn Þórðarson
21. Viktor Örn Margeirsson
25. Davíð Ingvarsson
30. Andri Rafn Yeoman ('68)
45. Guðjón Pétur Lýðsson

Varamenn:
33. Hlynur Örn Hlöðversson (m) ('11)
6. Alexander Helgi Sigurðarson ('68)
7. Höskuldur Gunnlaugsson
8. Viktor Karl Einarsson
17. Þórir Guðjónsson ('68)
22. Karl Friðleifur Gunnarsson
45. Brynjólfur Darri Willumsson

Liðsstjórn:
Ágúst Þór Gylfason (Þ)
Ólafur Pétursson
Jón Magnússon
Marinó Önundarson
Aron Már Björnsson
Þorsteinn Máni Óskarsson
Guðmundur Steinarsson

Gul spjöld:
Guðjón Pétur Lýðsson ('56)
Guðmundur Böðvar Guðjónsson ('62)
Arnar Sveinn Geirsson ('68)
Damir Muminovic ('88)
Viktor Örn Margeirsson ('90)

Rauð spjöld: