Liðin ganga inn á völlinn á eftir krökkum með fána og þriðja liðinu, sem Einar Ingi stýrir með flautunni.

Komið er að spá í leikinn.
Daddi diskó, vallarþulur: 2-1
Einar Kristinn, Vísi: 4-3
Gauti, MBL: 2-1
Sjálfur ætla ég að spá 1-3. Verður ekki alltaf einn að vera á móti?

Daddi diskó er byrjaður að keyra stemninguna í gang! Eyjamenn geta heilsað upp á Guðmund Jensson sem er mættur í stúkuna.

Hér ómar hver sumarsmellurinn á eftir öðrum í blíðskaparveðri. Stefnir í vindminnsta leik ársins.

Hingað er mætt rosaleg stuðningssveit sem syngur kaldar kveðjur til Rúnars Kristins. Þú varst rekinn frá Belgíu, er á meðal textabrota sem fljúga hér yfir Hásteinsvöll.

Pablo Punyed byrjar hjá KR en Alex Freyr er meiddur og verður lengi frá. KR mun væntanlega spila 4-3-3
Beitir
Chopart-Finnur-Arnór-Kristinn
Pablo-Arnþór-Pálmi
Atli-Tobias-Óskar

Byrjunarliðin eru komin og Gary Martin byrjar!
ÍBV mun spila 4-2-3-1.
Rafael
Óskar-Sindri-Sigurður-Diogo
Telmo-Priestley
Víðir - Franks - Prah
Gary Martin!

Í fyrra endaði KR í 3. sæti deildarinnar en ÍBV því 6. Aðeins munaði 8 stigum á liðunum. Leikirnir í fyrra fóru þannig að í Vestmannaeyjum vann ÍBV 2-0 með mörkum frá Felix og Sigurði Arnari en í Vesturbænum vann KR 4-1 sigur með mörkum frá Chopart, tveimur frá Pálma og Finni Orra. Mark ÍBV gerði fyrirliðinn Sindri Snær.

Pálmi Rafn var valinn leikmaður umferða 1-11 í Innkastinu. Pálmi hefur farið mikinn og segist vilja afsanna að hann og aðrir KR-ingar séu of gamlir til að vinna deildina. Óskar Örn Hauksson, fyrirliði KR, er einnig í fullorðinna manna tölu ef svo má segja, og hefur verið algerlega frábær í sumar.

Rúnar Kristinsson, þjálfari KR, vakti svekkelsi hjá mörgum með ummælum sínum eftir að Björgvin Stefánsson var dæmdur í 5 leikja bann fyrir rasísk ummæli er Björgvin var að lýsa leik á Haukar TV en Björgvin er mikill Haukamaður. Logi Pedro Stefánsson, sem varð þekktur í hljómsveitinni Retro Stefson, lýsti yfir vonbrigðum með Rúnar og KR. Hvað sem öllu þessu líður er þetta síðasti leikur Bjögvins í banninu og má leiða að því líkum að hann verði í hóp KR gegn Stjörnunni 21. júlí. KR fer í smá pásu í Pepsi Max deildinni eftir leikinn í dag til að keppa Evrópuleiki.

Pedro Hipólíto var rekinn eftir 0-2 tap gegn Stjörnunni. Gengi ÍBV hefur verið mjög slakt og kom mörgum á óvart hversu miklar breytingar Pedro gerði á liðinu milli leikja, eftir að hafa verið með liðið í lengri tíma undirbúning en oft þekkist hér í Eyjum. Það verður spurning hvaða tækifæri t.d. Gilson og Gummi Magg fá eftir að Pedro er horfinn af braut.

Saga þessa leiks verður Gary Martin saga Vestmanneyja - 1. kafli. Þessi litríki karakter verður líklega í byrjunarliði ÍBV í dag eftir að hafa farið frá Val í einhverjum ótrúlegasta farsa sem við höfum séð lengi. Gary var leikmaður KR á sínum tíma, svo hann langar eflaust að sanna sig og vona Eyjamenn að hann sé þessi vítamínsprauta sem liðið þarf.

Liðin eru á stitt hvorum endanum í deildinni, KR á toppnum en ÍBV á botninum.

Það er Goslokahelgi, sól og blíða og stórleikur eins og alltaf þegar KR mætir í heimsókn!