Hér ganga liðin inn á völlinn. Heimamenn bláir með hvítum röndum. Gestirnir Völsungsgrænir og með neon-gular Adidas rendur.

Hér er verið að lesa upp liðin enda tíu mínútur í leik. Það verður að segjast að ég öfunda ekki vallarþulinn af því að þurfa að lenda á réttum framburði.

Liðin eru farin inn í klefa til að gera og græja fyrir leikinn og Silfurskeiðin er að mæta í stúkuna. Stúkan er þéttsetin fyrir miðju en minna á vængjunum. Sýnist ekki margir stuðningsmenn Levadia lagt á sig ferðalag hingað til lands til að fylgjast með.

Síðan er bara vonandi að það verði góð stemning. Söngvatnið ætti að hjálpa þar til.

Dómaratríó leiksins er frá Hvíta-Rússlandi. Dzianis Shcharbakou fer fyrir því og Yury Khomchanka og Andrei Hetsikau eru A1 og A2 og fjórði dómari er Siarhei Labatsevich. Skulum vona að Eistarnir njóti ekki einhvers vinskapar frá gamla Sovíet.

Eftirlitsmaður UEFA er síðan frá Grikklandi en han heitir Georgios Bikas.

Ég verð að viðurkenna að ég þeki ekki alveg nógu vel til eistneskrar knattspyrnu til að geta skotið á getu Levadia-manna. Stjarnan mætti í fyrra öðru eistensku liði, áðurnefndu Nomme Kaljö, og hafði betur. Hafi Stjarnan betur þá mun liðið mæta hinu spænska Espanyol.

Fyrir þá sem vilja fræðast eilítið um lið Levadia þá er markahæsti leikmaður liðsins þetta tímabilið, Yevhen Budnik, ekki í hóp. Hann hefur skorað tíu mörk á tímabilinu. Hið sama hefur Mark Oliver Roosnupp einnig gert.

Brasilíumaðurinn Joao Morelli kemur næstur með átta, Kamerúninn Marcellin Gando er með sjö og Rússinn Nikita Andreev hefur sett sex.

Umræddur leikur Levadia og Flora var í raun sex stiga leikur en tapið þýðir að fimm stig eru á milli Flora á toppnum og Levadia í öðru sætinu. Meistarar síðasta árs, Nomme Kaljö, eru í fjórða sæti.

Liðin eru mætt út á gervigrasið og byrjuð að hita upp undir fögrum tónum Iggy Pop og The Stooges.

Öpdeit: Iggy Pop breyttist í Scooter en bandið er að syngja um fiska.

Síðasti leikur Levadia manna var þann 6. júlí en þá laut liðið í gras á móti Flora 2-1 á heimavelli. Flora er sigursælasta lið sögunnar í Meistriliiga (eistnesku úrvalsdeildinni) með ellefu titla. Levadia hefur á móti unnið níu slíka. Sá síðasti kom 2014 en liðið hafði unnið árið 2013 einnig.

Frá leiknum gegn Flora eru gerðar tvær breytingar. Inn koma þeir Marek Kaljumäe og Mark Oliver Roosnupp en á móti dettur Rússinn Kirill Nesterov á bekkinn. Úkraínumaðurinn Yuriy Tkakchuk er ekki í hóp eftir að hafa byrjað síðasta leik.

Byrjunarliðin eru mætt. Stjörnumenn gera tvær breytingar á liði sínu frá síðasta leik. Jóhann Laxdal og Martin Rauschenberg koma inn í liðið í dag en Eyjólfur Héðinsson og Sölvi Snær Guðbjargarson detta úr liðinu. Martin Rauschenberg er jafnframt með fyrirliðabandið hér í kvöld.

Ég vona þið fyrirgefið mér það að vera ekki alveg með það á takteinunum hvaða breytingar Eistarnir eru búnir að gera.

Það er mikið í húfi fyrir Stjörnumenn því fyrir utan að fá væna peningasummu fyrir að komast áfram er ljóst að þeirra biði risa leikur í næstu umferð.

Þegar er búið að draga og ljóst að það lið sem vinnur viðureignina mætir spænska liðinu Espanyol frá Barcelona í næstu umferð. Katalónska liðið hafnaði í 7. sæti í spænsku La Liga á síðustu leiktíð.

Levadia Tallinn er frá Eistlandi og endaði í öðru sæti eistnesku deildarinnar á síðustu leiktíð.

Þetta er annað árið í röð sem Stjarnan mætir liði frá Eistlandi. Í fyrra sló liðið út Nömme Kalju samtals 3-1

Góðan daginn og verið velkomin í beina textalýsingu frá viðureign Stjörnunnar og Levadia í Evrópudeild UEFA.

Leikurinn hefst klukkan 20:00 á Stjörnuvelli í Garðabænum.