Dagur Austmann brýtur nú á Axeli Frey. Óskynsemi hjá Þrótturum hérna í uppbótartímanum. Leikurinn er að fjara út.

Lárus Björnsson brýtur á Axeli Sig. og Gróttumenn fá bæði aukaspyrnu og geta unnið sér inn tíma.

Róbert Hauksson með skot í stöngina! Boltinn datt fyrir fætur hans innan teigs og hann á skot á nærstöngina, boltinn fer í stöngina og aftur fyrir.

Uppbótartíminn er kominn í gang.

Heimamenn eru ekki líklegir til að jafna metin. Það verður bara að segjast.

Vá.

Ein lélegasta aukaspyrna sem ég hef séð á þessu sumri. Daði Bergsson með vandræðalega slaka spyrnu sem fer lengst út á bílastæði.

Daði lyftir höndum og veit ekki hvað gerðist þarna.

Óliver Dagur brýtur á Lárusi sem var á fleygiferð að marki Gróttu. Aukaspyrna einhverjar 5-6 metrum fyrir utan vítateig.

Aðeins lifnað við Pétri Theodóri síðustu mínútur og hann hefur verið að láta varnarmenn Þróttar finna fyrir sér.

Enn og aftur er Rafael í sköllunum, en nú nær hann varla til boltans og boltinn aftur fyrir.

Árni Þór með hornspyrnu fyrir heimamenn sem Hákon Rafn gerir vel og handsamar.

Varamaðurinn, Lárus Björnsson lætur til sín taka. Með skot utan teigs beint á Hákon Rafn.

Það verður að segjast að það var fátt sem benti til þess að Grótta væri að fara skora en svona eru hlutirnir fljótir að breytast í knattspyrnunni.

Grótta fær víti.

Varamaðurinn Birkir Þór brýtur á Axel Frey innan teigs. Lítil var snertingin en nóg til að Pétur dæmdi vítaspyrnu.

Sindri með góða fyrirgjöf inní teig þar sem Rafael Victor skallar yfir markið.

Rafael Victor með skalla frá markteignum beint á Hákon Rafn sem grípur boltann.

Fyrirgjöf frá Sindra aftur virkilega góð og Rafael nær skalla óvaldaður.

Dagur Austmann er kominn aftur inná og leikurinn er farinn aftur af stað.

Dagur Austmann liggur eftir og þarf aðhlynningu.

Kristófer Orri með skot vel utan teigs en boltinn beint Í Hrein Inga sem kom sér fyrir skotið.

Jasper með góðan sprett upp hægri kantinn, vippar boltanum síðan yfir pakkann þar sem Sindri Scheving kemur á ferðinni á fjær en á skot í varnarmann Gróttu.

Sindri hefði mátt gera betur þarna.

Pétur Theódór Árnason besti leikmaður fyrri umferðar í Inkasso-deildinni hefur ekki sést í fyrri hálfleik. Ég kalla eftir því að hann gefi sig fram og taki þátt í leiknum með liðsfélögunum sínum.

Þróttarnir stórhættulegir!

Jasper með stórhættulega sendingu frá hægri inní teiginn þar sem Daði er ákveðnari í boltinn og á flugskalla rétt framhjá fjærstönginni.

Daði slær í grasið í kjölfarið, ósáttur með að þessi hafi ekki farið inn!

Daði Bergs með sprett upp allan völlinn en á síðan slakt skot. Það var orðin smá þreyta í þessu hjá honum undir lokin.

Sjöunda hornspyrna Gróttu í leiknum.

Arnar Þór Helgason með skalla frá markteig yfir markið eftir hornspyrnu. Nóg af hornspyrnum hér í kvöld.

Rafael Victor með skot utan teigs í stöngina, viðstöðulaust skot úr kyrrstöðu við vítateigslínuna. Þarna skall hurð nærri hælum!

Axel Freyr dæmdur brotlegur í baráttunni eftir hornspyrnuna og Pétur dæmir aukaspyrnu.

Axel Sigurðarson reynir fyrirgjöf en hún fer í varnarmann Þróttar og Grótta fær hornspyrnu.

Daði Bergs með skot utan teigs framhjá markinu. Óvænt hröð sókn Þróttara þar sem þeir voru fjölmennari en varnarmenn Gróttu.

Vá!

Jasper Van Der Heyden með skot innan teigs, rétt yfir þverslánna. Undirbúningurinn kom þó frá Daða Bergs. sem hefur verið góður hingað til. Hann sneri varnarmann Gróttu af sér og þræddi boltann síðan framhjá tveimur Gróttumönnum þar sem boltinn rann til Jasper.

Boltinn sleikir nærstöngina og fer síðan aftur fyrir. Einhverjir voru farnir að fagna þarna.

Fín spyrna hjá Hafþóri.

Sýnist Hafþór Pétursson ætla að taka aukaspyrnuna.

Kristófer Orri með hornspyrnu sem Arnar Darri gripur.

Arnar Darri neglir boltanum fram völlinn, þar sem Hákon Rafn kemur út fyrir teiginn og skallar hann á samherja. Jesper Van Der Heyden var ekki langt frá því að ná boltanum.

Kristófer Orri fær boltann utan teigs og á skot sem Hafþór Pétursson kemur sér fyrir og boltinn aftur fyrir. Grótta fær hornspyrnu.

Virkilega opinn leikur hér til að byrja með. Sóknir á báða bóga.

Kristófer Orri kemur með sendingu inní teig sem er skölluð út í teiginn, þar kemur Óskar Jónsson með viðstöðulaust skot utan teigs langt framhjá markinu. Hann hafði meiri tíma en hann gerði sér grein fyrir en hann ákvað að taka sénsinn og hann mistókst.

Þróttararnir eru ekkert að spara pressuna á Gróttuna sem lætur það ekki trufla sig. Hákon Rafn reynir að finna lausamenn í fætur þegar boltinn kemur til hans með misgóðum árangri.

Jesper með fyrirgjöf sem fer í Arnar Þór innan teigs. Þróttarar vilja hendi og víti en Pétur Guðmundsson hristir bara hausinn og lætur leikinn halda áfram.

Þarna bjargar Arnar Darri Þrótturum!

Hreinn Ingi með dapra sendingu til baka á Arnar Darri sem þarf að taka stuttan sprett að boltanum áður en Pétur Theodór nær til boltans. Þarna skapaðist hætta.

Sindri Scheving með arfaslaka fyrirgjöf aftur fyrir markið af vinstri kantinum.

Óskar Jónsson með hornspyrnuna sem er skölluð frá. Gróttumenn halda pressunni og Hreinn Ingi hreinsar í innkast.

Kristófer Orri með fyrirgjöf sem fer í varnarmann Þróttar og aftur fyrir. Aftur horn.

Kristófer Orri tók spyrnuna sem Halldór Kristján Baldursson skallaði rétt framhjá.

Grótta stillti upp fjórum leikmönnum við marklínuna við nærstöngina einmitt þar sem boltinn kom. Halldór hefði getað gert betur þarna.

Grótta fær fyrstu hornspyrnu leiksins eftir að hafa hægt og bítandi spilað sig upp völlinn.