Liðin komin út á völl og óaðfinnanlegur vallarþulur búinn að lesa upp liðin

Það er breskur dómari á leiknum í dag en hann heitir Matt Donohue. Þá er aðstoðardómari 2 sömuleiðis Breti og heitir Akil Howson. Aðstoðardómari 1 er Kristján Már Ólafs og eftirlitsmaðurinn Viðar Helgason sér til þess að allt sé eins og á að vera.

Þróttarar gera sömuleiðis eina breytingu frá seinasta leik. Baldur Hannes Stefánsson kemur inn fyrir Árna Þór Jakobsson sem er á bekknum.

Byrjunarliðin eru komin inn. Heimamenn í Víkingi Ó. gera eina breytingu frá síðasta leik gegn Gróttu. Grétar Snær Gunnarsson kemur aftur í byrjunarliðið eftir að hafa tekið út leikbann. Ívar Reynir Antonsson, sem byrjaði gegn Gróttu, sest á bekkinn. Í hóp Víkings er líka nýr leikmaður. Jordi Vidal samdi við félagið í vikunni og er á bekknum.

Víkingur Ó. gerði 2-2 jafntefli við Gróttu í dramatískum leik í síðustu umferð en á sama tíma vann Þróttur 3-2 útisigur gegn Njarðvík.

Innbyrðisleikir þessara liða undanfarið hafa verið mikil skemmtun en þar hafa útisigrar verið áberandi. Víkingar hafa unnið í tvö seinustu skipti sem liðin hafa mæst í Laugardalnum en Þróttarar gerðu góða ferð í Ólafsvík í fyrra og unnu 4-3 útisigur í hádramatískum leik.

Komiði sæl og verið velkomin í beina textalýsingu frá leik Víkings Ó. og Þróttar R. sem fram fer á Ólafsvíkurvelli. Búast má við hörkuleik í kvöld. Víkingur Ó. er með 21 stig í 4. sæti en Þróttarar eru með fjórum stigum minna í 8. sæti.