Fyrir leik
Starki á völlunum er spámaður umferðarinnar en Starkaður Pétursson hefur í sumar fylgst vel með Inkasso-deildinni og skellt sér á fjölmarga leiki í deildinni og skoðað stemninguna á vellinum.

Keflavík 4 - 1 Njarðvík
Ussussuss, Reykjanesslagurinn stóri, þetta verður blóðugt. Ég spái stærri slag en Örlygsstaðabardaga hér forðum daga. Opin beinbrot og sprengd miltu. 4-1 fyrir heimamönnum. Ekki er allt vænt sem vel er grænt.
Eyða Breyta

Fyrir leik
Njarðvík er fyrir umferðina í 11.sæti deildarinnar og í alls ekki góðum málum ef þeir fara ekki að sækja einhver stig.
Þeir fengu Leiknismenn í heimsókn í síðustu umferð en þann slag tóku strákarnir frá Breiðholti full sannfærandi 0-2.
Þökk sé bræðrum sínum úr Keflavík sem á sama tíma tapaði fyrir Aftureldingu skildi þetta tap þá eftir undir rauðu línunni og 3 stigum frá öruggu sæti.
Njarðvíkingar hafa eftir flotta byrjun ekki átt góðu gengi að fagna undanfarið en þeir eru einungis með einn sigur í síðustu 10 leikjum og ekkert jafntefli þar með sem þýðir 1-0-9 í síðustu 10 leikjum sem er mikið áhyggjuefni fyrir þá grænklæddu.
Eyða Breyta

Fyrir leik
Keflavík er fyrir umferðina í 7.sæti deildarinnar með 19 stig.
Þeir heimsóttu Mosfellingana í Aftureldingu í síðustu umferð en fóru tómhentir heim með 1-0 tap til Keflavíkur afur.
Í síðustu 5 leikjum Keflavíkur hafa þeir sótt 5 stig en í kvöld hafa þeir harma að hefna en Njarðvíkingar sem álitnir eru sem litla liðið í bænum slógu Keflvíkinga út úr bikarnum eftirminnilega á þessum velli fyrr í sumar.
Eyða Breyta

Fyrir leik
15.Umferð Inkasso deildar karla verður flautuð á í kvöld og ef við lítum á gengi þessara liða má finna keimlíka sögu af gengi liðanna í sumar en þau eiga það sameiginlegt að hafa byrjað mótið vel en síðan farið að halla undan fæti.
Eyða Breyta

Fyrir leik
Heil og sæl lesendur góðir og verið hjartanlega velkomin/nn í beina textalýsingu frá leik Keflavíkur og Njarðvíkur sem fram fer á Nettó vellinum í Keflavík nú í kvöld.
Eyða Breyta