Fyrir leik
Röddin hefur upp raust sína og kynnir liðin. Þetta er að skella á.
Eyða Breyta

Fyrir leik
Byrjunarliðin eru mætt í hús. Kristján Flóki fer að sjálfsögðu beint í startið hjá KR fyrir Tobias sem tekur út leikbann í kvöld.

Grindavík gerir tvær breytingar. Tufa og Alexander Veigar detta þar út fyrir Diego Diz og Marinó Axel Helgason og miðað við þær breytingar sýnist mér á öllu að Tufa stilli upp í 5-4-1 gegn KR í kvöld.
Eyða Breyta

Fyrir leik
Það er auðvitað vert að minnast á það að líklega leikur Kristján Flóki Finnbogason sinn fyrsta leik fyrir KR í kvöld en hann kom frá Start í Noregi á dögunum.

Eina spurningin en hvort hann sé í byrjunarliðinu eða á bekknum. Líklegast finnst mér að hann byrji enda Tobias Thomsen í banni í kvöld.
Eyða Breyta

Fyrir leik
Eftirminnilegir leikir

Júníkvöld eitt árið 2006 mættust þessi lið í Landsbankadeildinni sálugu í Grindavík en skemmst er frá því að segja að Grindvíkingar unnu stórsigur þetta kvöld og lögðu KR 5-0 að velli. Meðal markaskorara Grindavíkur í þessum leik var Óskar Örn Hauksson sem er eins og allir vita goðsögn á Meistaravöllum. KR-ingar hefndu þó fyrir ófarirnar í seinni umferð mótsins það ár og lögðu Grindavík 3-0 í Vesturbænum.

Liðin mættust 1994 í úrslitaleik Mjólkurbikarsins,
KR fór þar með sigur af hólmi 2-0 en Grindavík lék í næst efstu deild það árið ef minnið svíkur mig ekki.
Mörk Kr í þeim leik skoruðu Einar Þór Daníelsson og Rúnar Kristinsson núverandi þjálfari KR.
Eyða Breyta

Fyrir leik
Innbyrðis viðureignir í efstu deild.

Svarthvítir úr Vesturbæ hafa yfirhöndina þegar tölfræðin er skoðuð. Í 39 leikjum hefur KR sigrað 20, 11 leikjum hefur lokið með jafntefli og Grindvíkingar borið sigur úr býtum í 8 leikjum.

Markatalan er svo 70-38 KR í vil.
Eyða Breyta

Fyrir leik
KR hefur vart stigið feilspor í sumar eins og sparkspekingar og aðrir áhugamenn um Íslenska knattspyrnu hafa eflaust tekið eftir.

10 sigurleikir, 3 jafntefli en aðeins 1 tap en það tap kom einmitt á Mustad-Vellinum í Grindavík þann 16. maí.

Sóknarleikur KR hefur verið afberandi góður í sumar sem sýnir sig í 29 mörkum skoruðum í 14 leikjum.
Vörn þeirra hefur sömuleiðis verið góð og aðeins fengið á sig 14 mörk en aðeins Grindavík hefur fengið á sig færri.
Eyða Breyta

Fyrir leik
Gestirnir úr Grindavík mæta til leiks með byr í seglin eftir að hafa borið sigurorð af lánlausum Eyjamönnum 2-1 í síðustu umferð en það var fyrsti sigur liðisins í rúma 2 mánuði.

Grindavík skoraði 2 mörk eins og áður sagði í leiknum gegn ÍBV sem að er talsvert betra en í flestum leikjum liðsins í sumar en í 14 leikjum hefur liðið aðeins skorað 10 mörk.

Annað fréttnæmt úr síðasta leik Grindavíkur er að þeir fengu sömuleiðis á sig mark. En vörn Grindavíkur hefur verið afar þétt í sumar og hefur Vladan Djogatovic markmaður liðsins aðeins þurft að horfa 11 sinnum á eftir boltanum í netið.
Eyða Breyta

Fyrir leik
Heil og sæl lesendur góðir og verið hjartanlega velkomin í beina textalýsingu Fótbolta.net frá leik KR og Grindavíkur í Pepsi Max deild karla.
Eyða Breyta