Meðalaldurinn lækkar og lækkar. Mér skilst að það séu 5 leikmenn á 3.flokks aldri sem munu ljúka leik hjá Haukum.

Augnablik nær að skapa pressu í vítateig Hauka eftir góða hornspyrnu Söndru Sifjar. Gestunum tekst þó ekki að finna skotið og hættan líður hjá.

Komnar 9 skiptingar í leikinn í seinni hálfleik og það hefur eðlilega áhrif á tempóið. Get ekki sagt að það hafi verið mikil skemmtun að horfa síðustu 20 mínúturnar eða svo.

Fyrsta snertingin hjá Mikaelu er það besta sem við höfum séð hér í svolítinn tíma. Á gullfallegan snúning og reynir að finna samherja upp í vinstra hornið en það gengur ekki upp.

Sæunn Björns tekur aukaspyrnuna sem var dæmd í kjölfar rauða spjaldsins en nær ekki góðu skoti og setur boltann vel yfir.

SLÁIN!

Sierra gerir virkilega vel í að vinna boltann af Hildi Lilju. Leikur svo framhjá Elínu Helgu áður en hún á gullfallegt skot sem smellur í slánni!

Þriðja hörkufærið sem Haukar fá í seinni hálfleik!

Aftur DAUÐAFÆRI hjá Haukum!

Sierra leikur meðfram endalínunni og leggur boltannn út í skot. Þar er Elín Björg með nóg pláss og tíma en setur boltann framhjá!

Það er annars farið að kólna og Jakob Leó Haukaþjálfari er búinn að skipta stuttbuxunum út fyrir síðbuxur. Ætlar ekki að láta síðsumarkvefið ná sér.

Geggjuð varsla Telma!

Sierra komin í flott skotfæri í teignum. Á bara eftir að sigra Telmu en sú er snögg niður í spígat og ver með fótunum.

Fínt uppspil Hauka endar á að lánskonan Lára Mist lætur vaða. Setur boltann aðeins framhjá. Ágæt tilraun en Lára Mist hefði mögulega getað leikið aðeins nær markinu þarna.

Þarna munaði ekki miklu. Elín Björg kemst á ferðina, leikur framhjá varnarmanni og reynir skot rétt utan teigs. Setur boltann rétt framhjá!

Augnablik búnar að fá tvö horn með stuttu millibili núna og það skapast háspenna lífshætta eftir þessa!

Þórdís Katla er grimm og vinnur skotið eftir barning í teignum en Chante á geggjaða vörslu og heldur forystunni fyrir Hauka.

Haukar eiga svo ekki í vandræðum með að hreinsa teiginn eftir næstu hornspyrnu.

DAUÐAFÆRI!

Elín Björg nær að hnoðast einhvernveginn meðfram endalínunni og finnur svo Sierru á markteignum. Sierra snýr og á bara eftir að setja boltann framhjá Telmu en skýtur FRAMHJÁ!

Kristjana vinnur fyrsta horn Augnabliks í leiknum. Sandra Sif með svipaða tilraun og Sæunn hér áðan. Reynir að snúa boltann inn en Chante nær að teygja sig í hann og slá hann í horn.

Sandra Sif skokkar yfir til að taka. Í þetta skiptið setur hún boltann á nær þar sem Brynja Sævars er mætt en nær ekki að stýra boltanum á markið.

Vienna reynir skot utan teigs. Beint á Telmu. Engin hætta.

Það er villa í liðsuppstillingunni hér til hliðar. 12 leikmenn Hauka skráðar í byrjunarliðið. Regielly átti að byrja inná en eftir upphitun kom í ljós að hún var ekki klár í leikinn og Erla Sól byrjaði í hennar stað.

Haukar byrjuðu með þriggja manna línu en Jakob Leó þjálfari var að kalla skilaboð inná völlinn og liðið er farið í 4-3-3.

Rebekka brýst upp vinsta megin og sýnir mikla áræðni þegar hún kemst inn á teig. Nær að spila fyrir á Þórdísi Kötlu en Sæunn kemst fyrir skotið á síðustu stundu.

Fínt tækifæri fyrir Augnablik til að jafna. Birta Birgis á flotta fyrirgjöf inná teig. Þórdís Katla mætir á fullri ferð og reynir við skallann. Hittir boltann þó ekki nógu vel og hann endar í öruggum höndum Chante.

Haukar fá fyrstu hornspyrnu leiksins. Sæunn setur boltann utarlega í teiginn og Augnablik á ekki í vandræðum með að hreinsa frá. Þær bruna í kjölfarið í sókn sem endar á skoti/fyrirgjöf Kristjönu í hliðarnetið.