KA
4
2
Stjarnan
Hallgrímur Mar Steingrímsson '6 , misnotað víti 0-0
Hallgrímur Mar Steingrímsson '6 1-0
Hallgrímur Mar Steingrímsson '14 2-0
2-1 Þorsteinn Már Ragnarsson '18
Daníel Laxdal '44
Torfi Tímoteus Gunnarsson '50 3-1
3-2 Þorsteinn Már Ragnarsson '64
Elfar Árni Aðalsteinsson '68 4-2
11.08.2019  -  16:00
Greifavöllurinn
Pepsi Max-deild karla
Aðstæður: 5° hiti, norðanvindur og rigning. Þetta er ekki sambastemning.
Dómari: Ívar Orri Kristjánsson
Áhorfendur: 244
Maður leiksins: Hallgrímur Mar Steingrímsson
Byrjunarlið:
12. Kristijan Jajalo (m)
3. Callum George Williams
5. Ívar Örn Árnason (f)
7. Almarr Ormarsson (f)
8. Iosu Villar
9. Elfar Árni Aðalsteinsson
10. Hallgrímur Mar Steingrímsson
11. Ásgeir Sigurgeirsson ('46)
14. Andri Fannar Stefánsson ('85)
21. David Cuerva ('60)
25. Torfi Tímoteus Gunnarsson

Varamenn:
1. Yankuba Colley (m)
2. Haukur Heiðar Hauksson
16. Brynjar Ingi Bjarnason ('85)
17. Ýmir Már Geirsson
21. Nökkvi Þeyr Þórisson ('46)
28. Sæþór Olgeirsson
29. Alexander Groven
77. Bjarni Aðalsteinsson ('60)

Liðsstjórn:
Hallgrímur Jónasson (Þ)
Óli Stefán Flóventsson (Þ)
Halldór Hermann Jónsson
Pétur Heiðar Kristjánsson
Petar Ivancic
Branislav Radakovic
Halldór Jón Sigurðsson

Gul spjöld:
Ásgeir Sigurgeirsson ('35)

Rauð spjöld:
Leik lokið!
Ívar Orri flautar til leiksloka! Ævintýralegum leik lokið þar sem að heimamenn í KA sigra Stjörnuna með fjórum mörkum gegn tveimur. Róður Stjörnunnar þyngdist talsvert þegar að Daníel Laxdal fékk rautt spjald rétt fyrir hálfleiksflautið og þeir náðu ekki að brúa það bil sem að KA sköpuðu þegar Torfi Tímóteus kom KA í 3-1. Þetta eru lífsnauðsynleg stig í bankann fyrir Akureyringa sem hoppa, allavega tímabundið, upp fyrir Grindavík. Stjörnumenn fara tómhentir heim og eiga ansi erfitt og krefjandi prógramm framundan. Takk fyrir mig.
90. mín
Uppbótartíminn er tvær mínútur. Þetta er svo gott sem komið hjá KA mönnum.
88. mín
Stjörnumenn reyna hvað þeir geta að skapa sér eitthvað markvert. Tíminn og liðsfjöldinn vinnur ekki með þeim, en þeir gefast ekki upp. Þeir reyna að finna Hilmar Árna í lappir í hvert einasta skipti.
85. mín
Inn:Brynjar Ingi Bjarnason (KA) Út:Andri Fannar Stefánsson (KA)
Brynjar kemur inn fyrir Andra Fannar. Andri hefur átt flottan leik í hægri bakverðinum hjá KA.
84. mín
Aukaspyrnan er laus og beint á Guðjón.
83. mín
Bjarni Aðalsteinsson vinnur, af miklu harðfylgi, aukaspyrnu rétt fyrir utan teig Stjörnunnar. Þetta er fullkomið færi fyrir spyrnumann eins og Hallgrím.
81. mín
Mikill darraðadans í vítateig Stjörnunnar. Elfar Árni kemst inní vítateig og sendir hann yfir á fjær á Hallgrím Mar, hann nær ekki að koma sér í skotfæri og rennir honum á Bjarna sem á ekki alveg nógu gott skot á markið. Stjarnan ná svo að drösla boltanum í burtu. KA menn miklu líklegri þessa stundina!
79. mín
Hallgrímur Mar er svo góður í fótbolta! Hann rennur þegar hann tekur á móti boltanum rétt fyrir utan vítateig Stjörnunnar, en leikur af fingrum fram og kemur boltanum á Elfar Árna með hælspyrnu. Elfar á ágætt skot sem að Guðjón ver vel í markinu, en boltinn dettur fyrir Nökkva sem að rennir sér í hann en nær ekki að stýra honum á markið.
77. mín
Nökkvi í góðu færi!! Hallgrímur Mar á enn eina fyrirgjöfina, í þetta sinn á fjær á Nökkva en hann mokar boltanum hátt yfir markið.
76. mín
Nökkvi og Elfar Árni eiga gott samspil sem endar með því að Elfar kemst í gott færi inní vítateig Stjörnunnar, en laust skot hans endar beint í fanginu á Guðjóni.
73. mín
Elfar Árni með skalla rétt framhjá markinu! Hallgrímur Mar tók góða aukaspyrnu um miðjan vallarhelming Stjörnunnar inná teig og Elfar stýrði boltanum rétt framhjá stönginni.
68. mín MARK!
Elfar Árni Aðalsteinsson (KA)
Stoðsending: Andri Fannar Stefánsson
ELFAR ÁRNI MEÐ FRÁBÆRT MARK!!! Andri Fannar setur boltann bara upp hægri kantinn, en Rauschenberg missir boltann framhjá sér og Guðjón Orri var aðeins of framarlega, svo að Húsvíkingurinn sá þann kostinn vænstan að lyfta honum bara yfir markmanninn. Það gekk svona líka gríðarlega vel! 4-2!
65. mín Gult spjald: Eyjólfur Héðinsson (Stjarnan)
Fyrir brot á Callum. Uppsafnað hjá Eyjólfi.
64. mín MARK!
Þorsteinn Már Ragnarsson (Stjarnan)
STJARNAN MINNKAR MUNINN!!! Hilmar Árni tekur aukaspyrnu við miðju og kemur boltanum inná teig. Þar er boltanum flikkað áfram, ég sá því miður ekki hver það var og Þorsteinn var mættur til þess að ýta boltanum á lofti yfir línuna! 3-2!
61. mín
Elfar Árni á ágætis skot rétt fyrir utan teig, sem fer framhjá markinu.
60. mín
Inn:Bjarni Aðalsteinsson (KA) Út:David Cuerva (KA)
Bjarni leysir David Cuerva af hólmi, sem átti fínan leik.
60. mín
Inn:Guðjón Baldvinsson (Stjarnan) Út:Alex Þór Hauksson (Stjarnan)
Síðasta skipting Stjörnumanna. Guðjón freistar þess að vera vítamínsprauta fyrir sóknarleik þeirra.
57. mín
KA menn virðast líklegri til þess að bæta við mörkum og fá hér enn eina hornspyrnuna... og aðra...
53. mín
KA menn komast í skyndisókn. Hallgrímur Mar brunar upp vinstri kantinn og skiptir honum yfir á Andra Fannar. Andri á flotta fyrirgjöf sem að Stjörnumenn setja aftur fyrir í horn.
50. mín MARK!
Torfi Tímoteus Gunnarsson (KA)
Stoðsending: Hallgrímur Mar Steingrímsson
KA MENN ENDURHEIMTA TVEGGJA MARKA FORYSTU!!! Hallgrímur Mar á frábæra in-swing hornspyrnu sem að Torfi rétt rekur hausinn í, en hann stýrir honum listavel í markið framhjá Guðjóni.
48. mín
Hallgrímur á fyrirgjöf sem að Elís Rafn hittir skelfilega þegar hann ætlar að hreinsa og KA fær hornspyrnu...
46. mín
Leikurinn er hafinn að nýju!
46. mín
Inn:Nökkvi Þeyr Þórisson (KA) Út:Ásgeir Sigurgeirsson (KA)
Nökkvi kemur inn fyrir vankaðan Ásgeir. Vonandi jafnar hann sig sem fyrst.
45. mín
Hálfleikur
+5 Vægast sagt athyglisverðum fyrri hálfleik lokið! Við fengum misnotað víti, þrjú mörk og rautt spjald. Völlurinn hefur leikið risastórt hlutverk í því hvernig þessi leikur hefur spilast og á eftir að halda því áfram. Ég er allavega spenntur að sjá hvernig liðin tækla þennan síðari hálfleik!
45. mín
+3 Ásgeir Sigurgeirsson steinliggur inní vítateig KA eftir aukaspyrnu Stjörnunnar. Kristijan Jajalo kom í úthlaup og reyndi að kýla boltann frá og Ásgeir virtist lenda á milli Jajalo og leikmanns Stjörnunnar. Leikmenn KA kröfðust þess samstundis að sjúkraþjálfari kæmi inná, þar sem að Ásgeir leit út fyrir að vera steinrotaður. Það verður að teljast ólíklegt að hann haldi leik hér áfram.
44. mín Rautt spjald: Daníel Laxdal (Stjarnan)
Daníel Laxdal fær reisupassann!!! Hann er alltof seinn í Almarr og fær seinna gula spjaldið sitt.
43. mín
Ásgeir aftur í ágætu færi! Hallgrímur Mar á aukaspyrnu útá kanti sem að Guðjón Orri kýlir en boltinn fer beint á hausinn á Ásgeiri sem nær ekki að stýra boltanum í opið markið.
42. mín
Ásgeir í frábæru færi! Ívar Örn skallar boltann til Hallgríms sem þræðir boltann með hælnum á Ásgeir, sem að kemur sér í flott skotfæri rétt fyrir utan teig og neglir honum langt yfir.
38. mín
Inn:Guðjón Orri Sigurjónsson (Stjarnan) Út:Haraldur Björnsson (Stjarnan)
Haraldur getur ekki haldið leik áfram og Guðjón leysir hann af hólmi. Ásgeir fer til Haralds og biður hann afsökunar og hann tekur þá afsökunarbeiðni góða og gilda.
37. mín
Ásgeir er staðinn upp en enn er verið að hlúa að Haraldi. Vonandi getur hann haldið leik áfram.
35. mín Gult spjald: Ásgeir Sigurgeirsson (KA)
Daníel Laxdal missir boltann of langt frá sér og Ásgeir Sigurgeirsson ræðst á boltann. Fyrsta snertingin er alltof þung og hann missir boltann til Haralds sem að handsamar hann. Þeir lenda svo í samstuði og liggja báðir eftir. Ívar Orri metur það sem svo að Ásgeir hafi verið full seinn og gefur honum gult spjald.
33. mín
Elfar Árni og Rauschenberg í kapphlaupi sem endar með því að Elfar brýtur af sér, en Haraldur Björnsson verður einhverra hluta vegna brjálaður yfir atburðarrásinni í smástund. En ákveður svo bara að halda áfram. Fínt hjá honum.
29. mín
DAAAUÐAFÆRI!! Stjarnan vilja fá vítaspyrnu þegar að misheppnuð hreinsun Callum Williams virtist lenda uppí hendinni á honum. En boltinn datt fyrir Þorstein Má sem að skaut í varnarmann og aftur fyrir. Stjörnumenn umkringja svo Ívar Orra en hann segir að þetta hafi ekki verið víti. Áfram gakk!
25. mín
Fyrstu 20 mínúturnar í þessum leik voru manískar, en þetta hefur aðeins róast núna. Stjarnan er mun meira með boltann á meðan KA liðið liggur neðar og reyna að sækja hratt. Þeir virka ógnandi í skyndisóknum og Stjörnumenn eru varir um sig.
20. mín
Inn:Elís Rafn Björnsson (Stjarnan) Út:Jóhann Laxdal (Stjarnan)
Elís Rafn kemur inn fyrir Jóhann Laxdal, sem er meiddur.
18. mín MARK!
Þorsteinn Már Ragnarsson (Stjarnan)
Stoðsending: Baldur Sigurðsson
ÞETTA ER FLJÓTT AÐ BREYTAST!! Baldur Sigurðsson rennir boltanum í gegnum miðja vörnina á Þorstein Má, sem að er einn á móti Jajalo og gerir engin mistök þegar hann lyftir boltanum yfir hann! 2-1!
17. mín
Elfar Árni nálægt því að setja þriðja mark KA! Hallgrímur Mar á frábæra fyrirgjöf sem að Elfar nær ekki til.
14. mín MARK!
Hallgrímur Mar Steingrímsson (KA)
Stoðsending: David Cuerva
KA ERU KOMNIR Í 2-0!!! Laus sending aftur á Harald Björnsson verður til þess að David Cuerva kemst inní sendinguna og einn í gegn. Hann sýnir óeigingirni og leggur hann til hliðar á Hallgrím sem að rennir honum í opið markið. Draumabyrjun hjá KA!
13. mín
Iosu Villar rennir sér í Þorstein Má og Stjörnumenn fá aukaspyrnu við vítateigshornið hjá KA. Góður staður fyrir Hilmar til að koma góðri fyrirgjöf á pönnuna á einhverjum.
11. mín
Enn fá Stjörnumenn horn og í þetta sinn ratar hornspyrna Hilmars á hausinn á Daníel Laxdal en hann sneiðir boltann langt framhjá.
8. mín
Stjörnumenn hyggjast svara þessu strax og fá horn sem Hilmar tekur, en Hallgrímur Mar kemur boltanum frá. En Stjarnan fær aðra hornspyrnu jafnóðum. Fáum við strax jöfnunarmark? Svarið er nei!
6. mín MARK!
Hallgrímur Mar Steingrímsson (KA)
KA ERU KOMNIR YFIR!!! Haraldur ver víti Hallgríms, en Hallgrímur er fyrstur á boltann og treður boltanum inn! 1-0 KA!
6. mín Misnotað víti!
Hallgrímur Mar Steingrímsson (KA)
5. mín Gult spjald: Daníel Laxdal (Stjarnan)
5. mín
KA FÆR VÍTASPYRNU!!! Elfar Árni Aðalsteinsson vinnur boltann af Daníel Laxdal og brunar inní teiginn. Daníel ýtir á bakið á honum og víti dæmt. Mér sýndist þetta hárrétt hjá Ívari Orra.
3. mín
Völlurinn er það blautur að boltinn hægir á sér þegar leikmenn reyna að rekja hann áfram. Þetta eru ekki frábærar aðstæður til knattspyrnuiðkunar.
1. mín
Leikur hafinn
Hilmar Árni Halldórsson kemur okkur af stað í "blíðunni" á Greifavelli!
Fyrir leik
Ekkert lát er á rigningunni og vindinum. Völlurinn er sleipur og vatnið spýtist í allar áttir þegar að leikmenn og dómarar þramma og hlaupa um völlinn. Þetta gæti orðið skrautlegt á köflum ef að ekki verður skrúfað fyrir regnið.
Fyrir leik
Það viðrar ekki vel á Akureyri, þegar þetta er skrifað í hádeginu. Sterkur norðanvindur og rigning. Samkvæmt veðurspá ætti að stytta upp seinni partinn, en norðanáttin fær að fylgja okkur út daginn býst ég við! Það er svosem ekkert sem að fílhraustir leikmennirnir ráða ekki við.
Fyrir leik
Mikið hefur verið ritað og rætt um miðverði KA sem hafa átt mjög erfitt með að haldast heilir í gegnum mótið. Það getur reynst dýrt fyrir Óla Stefán Flóventsson, þjálfara KA að þurfa að splæsa í eina og jafnvel tvær varnarskiptingar í hverjum einasta leik. Að sama skapi er hægt að setja spurningarmerki við þá ákvörðun Óla Stefáns að spila með þrjá miðverði, þegar að ástandið er þannig. Callum Williams sem var valinn leikmaður ársins hjá KA í fyrra hefur t.a.m ekki spilað síðustu fimm leiki.
Fyrir leik
Bæði lið líta á þennan leik sem nauðsynleg þrjú stig, af fyrrgreindum ástæðum. KA-menn eru líklega fegnir að fá leik svona fljótlega eftir þessa útreið gegn Blikum, þar sem að þeir sáu aldrei til sólar. Garðbæingar vita sem er að Valsarar eru tilbúnir að grípa gæsina glóðvolga ef að hún býðst og þurfa því að vera á tánum í dag, minnugir þess að þeir töpuðu fyrri leik þessara liða. Þar fóru KA með 2-0 sigur af hólmi en þá skoruðu Ólafur Aron Pétursson og Elfar Árni Aðalsteinsson mörk KA með 5 mínútna millibili í upphafi síðari hálfleiks.
Fyrir leik
KA er sem stendur í 11. sæti deildarinnar með 16 stig, rétt eins og Víkingur R. sem eru sæti fyrir ofan þá. Norðanmenn fengu skell í síðasta leik þegar þeir töpuðu sannfærandi 4-0 fyrir Breiðabliki í miðri viku. Stjarnan vann aftur á móti 2-1 heimasigur gegn Víkingum og sitja í 3. sæti deildarinnar, með 23 stig og eru einu stigi á undan Valsmönnum en tveimur stigum á eftir Blikum.
Fyrir leik
16. umferðin fer af stað í dag og hefst því síðasti þriðjungur mótsins. Línur eru farnar að skýrast verulega á toppi og botni deildarinnar, þar sem að ÍBV munu vafalaust reka lestina og Vesturbæjarstórveldið KR eru með pálmann í höndunum á toppi deildarinnar. Óljósara er hvaða lið fylgir Eyjamönnum niður og hvaða lið fara með KR í Evrópukeppnirnar.
Fyrir leik
Góðan daginn! Hér fer fram textalýsing á leik KA og Stjörnunnar í Pepsi Max karla.
Byrjunarlið:
Haraldur Björnsson ('38)
2. Heiðar Ægisson
3. Jósef Kristinn Jósefsson
4. Jóhann Laxdal ('20)
8. Baldur Sigurðsson
9. Daníel Laxdal
10. Hilmar Árni Halldórsson
11. Þorsteinn Már Ragnarsson
19. Martin Rauschenberg
20. Eyjólfur Héðinsson
29. Alex Þór Hauksson (f) ('60)

Varamenn:
23. Guðjón Orri Sigurjónsson (m) ('38)
2. Brynjar Gauti Guðjónsson
6. Þorri Geir Rúnarsson
7. Guðjón Baldvinsson ('60)
14. Nimo Gribenco
18. Sölvi Snær Guðbjargarson
21. Elís Rafn Björnsson ('20)
22. Guðmundur Steinn Hafsteinsson

Liðsstjórn:
Rúnar Páll Sigmundsson (Þ)
Veigar Páll Gunnarsson
Fjalar Þorgeirsson
Davíð Sævarsson
Andri Freyr Hafsteinsson
Halldór Svavar Sigurðsson

Gul spjöld:
Daníel Laxdal ('5)
Eyjólfur Héðinsson ('65)

Rauð spjöld:
Daníel Laxdal ('44)