Jæja þá eru liðin að ganga út á völlinn eftir að hafa stoppað örstutt í búningsklefanum til að stilla saman strengi.

Liðin eru að hita upp þessa stundina. 25 mínútur í leik - hvet alla til að mæta og styðja sín lið! Já eða bara til þess að baða sig í sólinni og njóta þess að horfa á fótbolta

Þá eru byrjunarliðin komin inn og þið getið séð þau hér til hliðanna!

Rakel gerir 3 breytingar á sínu liði frá 7-0 tapinu gegn toppliði Vals
Kristrún Kristjánsdóttir, Brynhildur Vala og Dagný Rún Pétursdóttir fara úr liðinu og inn koma Tinna Óðinsdóttir, Eva Rut og Eygló Þorsteinsdóttir.

Kjartan heldur sama liði og í síðasta leik þar sem Fylkir unnu Stjörnuna sannfærandi 3:0. Algjör óþarfi að breyta sigurliði

Ída Marín Hermannsdóttir hefur verið hvað mest áberandi í Fylkisliðinu það sem af er sumri og hefur hún skorað 7 mörk. Marija er næstmarkahæst í Fylkisliðinu með 4 mörk.

Markaskorunin hefur dreifst meira hjá HK/Víkingi en Eva Rut er markahæst með 2 mörk og svo eru 8 aðrir leikmenn liðsins sem hafa komist á blað með eitt mark.

Fyrri leikur liðanna fór fram í Lautinni 27. maí og þar hafði HK/Víkingur betur.
Ída Marín kom Fylki þar yfir á 44. mínútu en Karólína Jack jafnaði leikinn 10 mínútum síðar. Svo varð Hulda Sigurðardóttir fyrir því óláni að skora sjálfsmark á 85 mínútu og þannig enduðu leikar.

Fylkir situr í 5. sæti deildarinnar með 19 stig og hafa unnið 6 leiki, gert 1 jafntefli og tapað 6. Fylkisstelpurnar hafa skorað 18 mörk og fengið á sig 26.

Síðasti leikur Fylkis var einnig spilaður 9. ágúst þar sem þær sigruðu Stjörnuna 3:1.

HK/Víkingur situr í neðsta sæti deildarinnar með 7 stig og hafa aðeins unnið 2 leiki og gert 1 jafntefli í deildinni í sumar. Þá hafa þær skorað 10 mörk en fengið á sig 37.

Síðasti leikur þeirra var spilaður 9.ágúst gegn toppliði Vals þar sem þær töpuðu 7-0.

Góðan og blessaðan daginn kæru lesendur og verið velkomin í beina textalýsingu frá leik HK/Víkings og Fylkis í Pepsi-Max deild kvenna

Leikurinn hefst 19:15 og verður spilaður á Víkingsvelli.