"In the ghetto" með Elvis er að baki. Liðin mætt út á völlinn og þá er allt til reiðu. Lögregluvarðstjórinn Pétur Guðmundsson fer að flauta á.

Mikið stuð á Leiknisvelli. DJ Þórir er í sumarfríi og í hans stað er Hörður Brynjar Halldórsson á skemmtaranum. Hefur boðið upp á vinsælasta sumarefnið frá froðudiskótekum Benedorm.

Gísli Eyjólfsson í Breiðabliki spáir 2-2:
Virkilega skemmtilegur leikur. Toppliðin tvö þau einu sem unnu fleiri leiki en Þróttur í júlí og Leiknir á rosalegu rönni búnir að taka þrjá leiki í röð. Ég spái góðum markaleik þarna og góðri skemmtun fyrir áhorfendur en ég held að þetta fari 2-2.

Nóg af breytingum hjá Þrótti. Hreinn Ingi Örnólfsson, Rafn Andri Haraldsson, Jasper Van Der Heyden og Guðmundur Friðriksson koma allir inn í byrjunarliðið frá síðasta leik.

Hjá Leiknismönnum eru Vuk Oskar og Árni Elvar í leikbanni. Sævar Atli er að glíma við einhver meiðsli og byrjar meðal varamanna.

Þróttur rúllaði yfir Leiknismenn á lokakaflanum þegar liðin áttust við í fyrri umferðinni. Þróttur vann 3-0 sigur þar sem mörkin dældust inn á síðustu 20 mínútunum. Rafael Victor skoraði tvívegis og Jasper Van Der Heyden einu sinni.

Hæhæhæ! Velkomin með okkur í Breiðholtið þar sem Leiknir og Þróttur eigast við í 17. umferð Inkasso-deildar karla.

Leiknismenn hafa verið á flottu skriði og ekki tapað leik í rúman mánuð. Þeir eru nú í fjórða sæti og vonast til að stimpla sig enn frekar í toppbaráttuna.

Þróttarar hafa verið eins og jójó. Tap, sigur, jafntefli, sigur og tap í síðustu fimm leikjum. Þeir sitja í áttunda sæti deildarinnar.