Haukar
1
1
Afturelding
0-1 David Eugenio Marquina '2
Aron Freyr Róbertsson '23 1-1
22.08.2019  -  18:00
Ásvellir
Inkasso deildin - 1. deild karla
Aðstæður: Óvenjulítill vindur hér á Blásvöllum. 14°C og sólin skín á völlinn.
Dómari: Elías Ingi Árnason
Maður leiksins: Birgir Magnús Birgisson (Haukar)
Byrjunarlið:
12. Sindri Þór Sigþórsson (m)
Ásgeir Þór Ingólfsson
4. Gunnlaugur Fannar Guðmundsson
4. Fannar Óli Friðleifsson
6. Þórður Jón Jóhannesson
7. Aron Freyr Róbertsson ('84)
8. Ísak Jónsson (f)
11. Arnar Aðalgeirsson
16. Birgir Magnús Birgisson
16. Oliver Helgi Gíslason ('65)
17. Daníel Snorri Guðlaugsson

Varamenn:
12. Óskar Sigþórsson (m)
3. Máni Mar Steinbjörnsson
3. Hörður Máni Ásmundsson
5. Sigurjón Már Markússon
10. Kristófer Dan Þórðarson ('65)
14. Sean De Silva ('84)
17. Þorsteinn Örn Bernharðsson
23. Guðmundur Már Jónasson
24. Ólafur Sveinmar Guðmundsson

Liðsstjórn:
Búi Vilhjálmur Guðjónsson (Þ)
Hafþór Þrastarson
Þórarinn Jónas Ásgeirsson
Sigmundur Einar Jónsson
Kristján Huldar Aðalsteinsson

Gul spjöld:
Gunnlaugur Fannar Guðmundsson ('29)
Þórarinn Jónas Ásgeirsson ('93)
Fannar Óli Friðleifsson ('93)
Ísak Jónsson ('94)

Rauð spjöld:
Leik lokið!
Ásgeir með misheppnaða fyrirgjöf og svo flautar Elías leikinn af. 1-1 jafntefli.
94. mín
Síðasti séns leiksins. Hlynur stendur yfir boltanum á miðjum vallarhelmingi Hauka. Fast skot en Haukar verjast því.
94. mín Gult spjald: Ísak Jónsson (Haukar)
93. mín
Ondo skallar rétt framhjá úr hörku færi.
93. mín Gult spjald: Þórarinn Jónas Ásgeirsson (Haukar)
Gult spjald fyrir tuð á bekknum.
93. mín Gult spjald: Fannar Óli Friðleifsson (Haukar)
Spjald fyrir brot á Jasoni á vinstri kantinum.
92. mín
Ásgeir vill fá víti en þetta var ekki neitt. Haukamenn alveg trylltir.
91. mín
Flott tækling hjá Arnóri á Sean og hann fær líka útspark fyrir sitt lið. Vel gert hjá Arnóri.
91. mín
Fjórum mínútum bætt við.
90. mín
Komnar 90 mín á klukkuna.
87. mín
Ísak brýtur á Róbert og brot dæmt. Haukamenn alveg trítilóðir yfir þessum dómi og aðstoðardómarinn aðvarar bekkinn hjá Haukum.
84. mín
Inn:Sean De Silva (Haukar) Út:Aron Freyr Róbertsson (Haukar)
Ásgeir fremstur, Arnar í holuna og Sean á vinstri.
84. mín
Inn:Hlynur Magnússon (Afturelding) Út:Jökull Jörvar Þórhallsson (Afturelding)
Hlynur býr yfir mikilli hæð sem mögulega nýtist hér í restina.
83. mín
HVAÐ GERÐIST ÞARNA??? Afturelding við það að skora, Haukar bjarga á línu að því er virðist og Afturelding setur boltann svo framhjá. Sést ekkert hvort þessi var inni.
82. mín
Jason krækir í horn með klókindum. Tekur hornið stutt og reynir að koma Haukum á óvart sem tekst næstum því. Horn hinum meginn.
80. mín
Daníel fellur í teignum og Afturelding hreinsar. Held þetta hafi ekki verið nóg til að vera víti.
80. mín
Ásgeir reynir að stela nokkrum metrum þegar hann stillir boltanum upp fyrir aukaspyrnu, rekinn nokkra metra til baka.
79. mín
Jökull kemur aftur inná eftir að Jason á vonda fyrirgjöf langt yfir mark Hauka. Lítið sést af Jasoni eftir flottan fyrri hálfleik.
78. mín
Jökull liggur eftir og fær aðhlynningu.
77. mín
Daníel með fyrirgjöf rétt yfir mark Aftureldingar.
75. mín
Inn:Stefán Þór Pálsson (Afturelding) Út:David Eugenio Marquina (Afturelding)
Stefán númer 20 en ekki 7.
74. mín
Haukar skora eftir hornspyrnuna en brot dæmt á Gunnlaug. Góður skalli en alveg frí eftir að hann ýtti varnarmanni frá sér.
74. mín
Haukar fá hornspyrnu í kjölfar aukaspyrnunnar.
73. mín
Haukar fá aukaspyrnu á miðjum vallarhelmingi Aftueldingar. Ásgeir stendur yfir knettinum.
71. mín
Inn:Kári Steinn Hlífarsson (Afturelding) Út:Georg Bjarnason (Afturelding)
Fyrsta breyting Aftureldingar.
71. mín Gult spjald: Roger Banet Badia (Afturelding)
70. mín
Fín sókn hjá Haukum en Georg kemst í milli og stoppar sóknina.
67. mín
Daníel er kominn í hægri bakvörðinn hjá Haukum. Kristófer kom á hægri vænginn, Ásgeir á miðjuna og Aron er fremstur.
66. mín
Kristófer fékk fínasta séns strax eftir að hann kom inná, valdi vitlaus og Afturelding varðist vel.
65. mín
Inn:Kristófer Dan Þórðarson (Haukar) Út:Oliver Helgi Gíslason (Haukar)
Haukamenn breyta aðeins til núna. Oliver í dauðafæri en tekinn útaf strax í kjölfarið.
65. mín
Birgir með stórkostlega fyrirgjöf af hægri vængnum. Oliver fékk dauðafæri en skallar framhjá.
61. mín
Aron brýtur á David og brot dæmt við enga hrifningu Haukamanna. Lítið brot þarna.
60. mín
Afturelding fær aukaspyrnu úti á vinstri vængnum. Fín fyrirgjafarstaða. Sýnist það vera Aron sem skallar fyrirgjöfina frá.
59. mín
Roger fellur í teignum eftir hornið en aukaspyrna virðist dæmd á Aftureldingu. Átti ekki að vera víti en sá ekki brot á Aftureldingu.

Það var aldrei neitt dæmd en allur héldu það!! Sindri heppinn að enginn pressaði á hann.
58. mín
Jason með fyrirgjöf sem Birgir hreinsar í horn.
58. mín
Gaman að sjá trukkana Loic Ondo og Ásgeir eigast við. Hef séð minni menn.
56. mín
Fyrsta sinn í leiknum sem Fannar lokar á Jason á hægri vængnum. Góð varnarvinna.

Afturelding nálægt því að setja eitt strax í kjölfarið. Sindri fyrr í boltann í kapphlaupi við Ásgeir Örn eftir stungusendingu.
52. mín
Haukar ógna talsvert úr föstum leikatriðum Ásgeirs og löngu innköstunum frá Birgi, þó engin skot á mark eða dauðafæri.
48. mín
Jon Tena hittir hann illa þegar hann kýlir boltann frá marki og Haukar fá hornspyrnu hinum meginn. Brot dæmt á Þórð held ég í seinni hornspyrnunni.
48. mín
Haukar fá fyrstu hornspyrnu seinni hálfleiks í kjölfar langs innkasts.
46. mín
Seinni hálfleikur hafinn. Haukar hefja leikinn, sýnist liðin vera óbreytt.
45. mín
Hálfleikur
Afturelding átti fyrsta korterið. Svo komust Haukamenn inn í leikinn og tókst að jafna. Jafnvægi eftir jöfnunarmarkið.
44. mín
Jon Tena gerir mjög vel og er á undan Aroni í bolta hér utarlega í teignum. Aron nálægt því að ná þessum og mikilvægt að Martinez náði boltanum á undan Aroni.
41. mín
Andri Freyr með skottilraun úr þröngri stöðu hægra meginn í teignum. Vel yfir markið.
40. mín
Birgir kominn hátt uppá völlinn í kjölfar á innkasti og reynir að fara framhjá Jasoni sem á góða tæklingu og setur boltan í Birgi og í útspark.
37. mín
Haukar taka innkast hátt á vellinum. Boltinn endar hjá Ásgeiri sem lúðrar í átt að marki en í varnarmann og vill fá hendi-víti en fær ekkert. Sýndist þetta ekki vera hendi.
37. mín
Afturelding hreinsaði í burtu í tvígang. Fínn varnarleikur.
35. mín
Ásgeir krækir í aukaspyrnu. Fyrst rifið í hann en ekkert dæmt, svo fleygir hann sér niður og fær þá brot.

Ásgeir tók spyrnuna sjálfur og boltinn endaði hjá Aroni Frey. Skot hans fór í varnarmann og nú tekur Ásgeir hornspyrnu.
33. mín
Enn kemst Jason Daði framhjá Fannari auðveldlega og hjálpinni líka. Rennir boltanum til hægri á Andra Frey sem á fyrirgjöf. Sýnist það vera Róbert sem var tilbúinn að fá boltann en brot dæmt á hann fyrir örlítla snertingu á Gunnlaug á fjær.
32. mín
Spjöldin að fara misjafnlega í leikmenn, nokkrir að reyna dæma leikinn sjálfir.
30. mín
Jason Daði er að leika sér að Fannari hér á hægri vængnum. Kemst framhjá honum trekk í trekk.
29. mín Gult spjald: Gunnlaugur Fannar Guðmundsson (Haukar)
Braut á David. Spjöldunum fjölgar hér á Ásvöllum.
27. mín Gult spjald: Andri Freyr Jónasson (Afturelding)
Brotið fyrir aftan miðju. Ásgeir sendir þennan inn í teig en boltinn endar afturfyrir eftir smá klafs.
25. mín Gult spjald: Loic Mbang Ondo (Afturelding)
Braut á Daníel.
23. mín MARK!
Aron Freyr Róbertsson (Haukar)
Stoðsending: Ásgeir Þór Ingólfsson
Markið lá í loftinu miðað við þróun leiksins. Haukar ógnað undanfarnar mínútur og uppskáru mark eftir fína sókn sem kom eftir mistök djúpt á miðjunni hjá Aftureldingu. Aron Freyr batt endahnútinn á frábæra útfærða skyndisókn með skoti í fjærhornið. Ásgeir átti sendinguna á Aron.
22. mín
Menn spyrja sig af hverju Ásgeir tekur föstu leikatriðin með alla þessa hæð og líkamsbyggð. Spyrnurnar verið fínar hingað til. Fannar Óli óheppinn að skalla ekki á markið rétt áðan.
21. mín
Jökull brýtur á Aroni á miðjum velli.
21. mín
Haukamenn að vinna sig betur inn í leikinn en ekki mikið að frétta héðan þessa stundina.
18. mín
Ásgeir tók spyrnuna djúpt á vellinum og Haukamenn unnu fyrsta bolta en næsti maður náði ekki til boltans og Afturelding tekur því útspark.
17. mín Gult spjald: David Eugenio Marquina (Afturelding)
Gult spjald fyrir að fara fullhátt með löppina og í leikmann Hauka, réttur dómur.
15. mín
Ekkert kom uppúr horninu en Haukar halda sókninni áfram og Aron nálægt því að komast í boltann eftir fyrirgjöf Arnars frá vinstri.
14. mín
Ásgeir á fyrirgjöf sem varnarmenn Aftureldingar rétt ná að skalla í horn. Fyrsta hornspyrna Hauka. Fyrirliðinn tekur hana.
10. mín
Sýnist bæði lið vera í 4-5-1. Ásgeir Þór, fyrirliði, er óvænt fremstur hjá Haukum. Þórður og Daníel styðja mest við hann.

Andri Freyr fremstur hjá Aftureldingu og eru Ásgeir Örn á vinstri kantinum og Jason Daði á hægri vængnum duglegir að sækja.
9. mín
Afturelding fær hér sína aðra hornspyrnu.
8. mín
Ekki margir í stúkunni en Haukar TV lýsendur hér á vinstri hönd báðu mig að auglýsa það að leikurinn er í beinni útsendingu á Youtube.
8. mín
Leikurinn í þokkalegu jafnvægi hér eftir markið.
5. mín
Jason Daði með fyrirgjöf yfir pakkann og í innkast.
4. mín
Jason Daði byrjar vel og krækir í hornspyrnu sem Haukamenn ná að hreinsa í burtu.
2. mín MARK!
David Eugenio Marquina (Afturelding)
Fyrsta sem gerðist var mark. Afturelding komst upp hægri vænginn. Sýndist það vera Jason Daði sem átti skot í gegnum klof varnarmanns Hauka og Sindri varði boltann út í teig þar sem David var fyrstur á boltann og setti hann í autt netið.
1. mín
Leikur hafinn
Afturelding hefur leikinn.
Fyrir leik
Formaður meistaraflokks Hauka viðurkennir hér Daníel Snorra fyrir að hafa leikið 100 leiki fyrir félagið. Leikurinn í kvöld er hans 101. fyrir félagið.
Fyrir leik
Leikurinn alveg að hefjast. Haukar leika í rauðu og lið Aftureldingar er í svörtu.
Fyrir leik
Athygli vekur að Afturelding er með tvo markmenn á varamannabekknum. Ekki oft sem það sést þegar sjö varamenn eru á bekknum.

Einnig áhugavert að Gunnlaugur Fannar Guðmundsson lék í treyju númer 22 gegn Þór í síðasta leik en er númer 4 í dag.
Fyrir leik
Byrjunarliðin eru kominn inn.

Búi gerir tvær breytingar á liði Hauka frá 1-1 jafnteflinu gegn Þór. Ásgeir Þór Ingólfsson og Fannar Óli Friðleifsson koma inn í liðið í stað Sigurjóns Markússonar og Guðmundar Jónassonar.

Arnar gerir eina breytingu á liði Aftureldingar eftir 3-1 tapið gegn Magna. Alejandro Zambrano Martin fékk tvö gul spjöld og þar með rautt gegn Magna og tekur út leikbann í dag. David Eugenio Marquina kemur inn í liðið í stað Alejandro.
Fyrir leik
Nú styttist í að byrjunarliðin verði tilkynnt. Ef þú ert í síma geturu séð liðin með því að smella á "Heimalið" til þess að sjá lið Hauka og "Gestir" til þess að sjá lið Aftureldingar.
Fyrir leik
Sigri Haukar í kvöld bæta þeir stöðu sína talsvert í deildinni og fara uppfyrir Aftureldingu.

Sigri Afturelding skilja þeir Hauka fimm stigum á eftir sér og stíga stórt skref í átt að áframhaldandi veru í Inkasso-deildinni.
Fyrir leik
Þjálfarar liðanna eru þeir Búi Vilhjálmur Guðmundsson og Arnar Hallsson.

Búi tók tímabundið við Haukum í lok maí, þegar Kristján Ómar Björnsson hætti óvænt með liðið. Í lok júní skrifaði hann svo undir tveggja ára samning við félagið.

Arnar Hallsson hefur stýrt meistaraflokki Aftureldingar frá haustinu 2017.
Fyrir leik
Við skulum aðeins skoða síðustu fimm leiki liðanna.

Haukar hafa krækt í fjögur stig í síðustu fimm leikjum sínum. Einn sigur, eitt jafntefli og þrjú töp. Sigurinn kom gegn Fram fyrir fjórum umferðum síðan. Haukar gerðu 1-1 jafntefli á útivelli gegn Þór í síðustu umferð. Bæði mörk leiksins komu af vítapunktinum en Þórsarar jöfnuðu í restina. Aron Freyr Róbertsson skoraði af punktinum fyrir Hauka.

Afturelding hefur fengið sjö stig í síðustu fimm leikjum sínum. Tveir sigrar, eitt jafntefli og tvö töp. Afturelding tapaði síðasta leik, 3-1, á Grenivík gegn Magna. Ásgeir Örn Arnþórsson kom Aftureldingu yfir í þeim leik.

Liðin mættust eins og fyrr segir fyrr í sumar og sigruðu Haukar 1-2 í Mosfellsbæ. Þá sigruðu Haukar einnig leik liðanna á undirbúningstímabilinu, 1-2.
Fyrir leik
Hjá Aftureldingu eru þeir Alexander Aron Davorsson og Andri Freyr Jónasson markahæstir með sex mörk í öllum keppnum í sumar.

Hjá Haukum er Sean de Silva markahæstur með fimm mörk og Fareed Sadat hefur gert fjögur.
Fyrir leik
Afturelding hefur sigrað fimm leiki í sumar, gert tvö jafntefli en tapað tíu leikjum. Gengi Aftureldingar á útivelli er ekkert sérstakt. Einn útisigur, eitt jafntefli og sex tapleikir.

Haukar hafa einungis sigrað þrjá leiki, gert sex jafntefli og tapað átta leikjum í deildinni. Haukar hafa unnið einn heimaleik, gert tvö jafntefli en tapað fimm leikjum á Ásvöllum í Inkasso-deildinni.

Fyrri leikur liðanna i sumar endaði með 1-2 útisigri Hauka í Mosfellsbæ.
Fyrir leik
Leikurinn er fyrsti leikur í 18. umferð deildarinnar en alls eru leiknar 22 umferðir í deildinni.

Fyrir leikinn í kvöld er Afturelding með 17 stig í 9. sæti og Haukar eru með 15 stig í 11. sæti og því um gífurlega mikilvægan leik í botnbaráttunni að ræða.
Fyrir leik
Góðan daginn lesendur góðir og veriði velkomnir í beina textalýskngu frá leik Hauka og Aftureldingar í Inkasso-deild karla.

Leikurinn hefst klukkan 18:00 og fer fram á Ásvöllum í Hafnarfirði.
Byrjunarlið:
1. Jon Tena Martinez (m)
2. Arnór Gauti Jónsson
5. Loic Mbang Ondo (f)
6. Ásgeir Örn Arnþórsson
8. David Eugenio Marquina ('75)
9. Andri Freyr Jónasson
10. Jason Daði Svanþórsson (f)
11. Róbert Orri Þorkelsson
14. Jökull Jörvar Þórhallsson ('84)
19. Roger Banet Badia
25. Georg Bjarnason ('71)

Varamenn:
13. Tristan Þór Brandsson (m)
30. Trausti Sigurbjörnsson (m)
3. Sölvi Fannar Ragnarsson
4. Sigurður Kristján Friðriksson
8. Kristján Atli Marteinsson
10. Kári Steinn Hlífarsson ('71)
12. Hlynur Magnússon ('84)
18. Djordje Panic
20. Stefán Þór Pálsson ('75)
28. Valgeir Árni Svansson

Liðsstjórn:
Magnús Már Einarsson (Þ)
Arnar Hallsson (Þ)
Aðalsteinn Richter
Margrét Ársælsdóttir

Gul spjöld:
David Eugenio Marquina ('17)
Loic Mbang Ondo ('25)
Andri Freyr Jónasson ('27)
Roger Banet Badia ('71)

Rauð spjöld: