Liðin eru að ganga inná völlinn og styttist óðum í Kickoff. Vonumst eftir skemmtilegum og fjörugum leik

Stórleik að ljúka í Ólafsvík um þessar mundir þar sem Víkingar eru að taka topplið Fjölnis í kennslustund. 4-1 er staðan þar sem Guðmundur Magnússon er að fara fyrir sínu liði með 2 mörk og stoðsendingu. Það þýðir að takist Þór að sigra Leikni á morgun jafna þeir Fjölni að stigum og ef Grótta sigrar einnig þá verða þeir aðeins einu stigi á eftir toppliðunum

Þróttarar hafa tapað síðustu tveimur leikjum sínum í deildinni gegn Leikni og Þór 2-1 og 3-1 á meðan Keflvíkingar hafa verið að tapa og vinna til skiptis í síðustu 5 leikjum sínum. Í síðustu umferð sigruðu þeir Víking Ólafsvík 2-1.

Liðin eru bæði um miðja deild að svo stöddu en Keflvíkingar sitja í 7 sæti deildarinnar með 25 stig og í sætinu fyrir neðan þá má finna Þróttara með 21 stig.

Liðin mættust í fyrri hluta móts suður með sjó í 7 umferðinni þar sem Þróttarar fóru með öruggan 3-1 sigur heim til höfuðborgarinnar eftir að hafa lent undir í leiknum.

Góðan daginn og verið velkomin í beina textalýsingu frá viðureign Þróttar og Keflavíkur í Inkasso-deild karla.

Leikurinn hefst klukkan 20:00 á Eimskipsvellinum í Laugardalnum.