Magnaðir Magnamenn hafa verið í fanta formi í Ágúst mánuði og náð að tengja saman tvo sigra í síðustu tveimur leikjum þannig þrátt fyrir allar spár og brösulega byrjun er ekki hægt að afskrifa Magna í þessari deild.
Þeir eiga þó eftir þennan leik heldur erfitt prógram eftir þannig þeir vilja eflaust sækja þessi þrjú stig í dag og eiga lítið "öryggisnet" ef svo má segja fyrir síðustu umferðir mótsins þegar þeir etja kappi við lið eins og Gróttu, Víking Ó og Þór Akureyri.

Njarðvíkingar hafa ekki verið að sækja mörg stig í sumar en þeir sóttu 7 stig í fyrstu 4 leikjum sínum í sumar en síðan hafa þeir aðeins fengið 4 stig í síðustu 13 leikjum.
Þeir fá Magnamenn í heimsókn í dag en síðan eiga þeir liðin í kringum sig Aftureldingu og Hauka í næstu umferðum og því er möguleikinn svo sannarlega til staðar fyrir þá að rífa sig upp af botninum svo það verður áhugavert að sjá hversu vel stemmdir þeir koma til leiks.

Þessi leikur er RISA STÓR! fyrir bæði lið.
Fyrir botnlið Njarðvíkinga er lífsnauðsynlegt að ná í þrjú stig og halda baráttunni um sæti í Inkasso að ári á lífi en jafntefli gerir lítið sem ekkert fyrir þá.
Magnamenn eru í aðeins betri málum en eru þó undir rauðu línunni með Njarðvíkingum og þurfa því a.m.k. stig til að lyfta sér yfir rauðu línuna.

Komið sæl og verið hjartanlega velkominn í þessa beinu textalýsingu frá leik Njarðvíkur og Magna í 18.Umferð Inkasso deildar karla.