Liðin ganga inn á, það er allt að verða klárt. Það er létt rigning og róleg sunnanátt, góðar aðstæður fyrir flottan fótbolta!

Þjálfari Þór/KA, Donni ,var tekinn í viðtal fyrir leikinn á heimasíðu Þórs: ,,Leikurinn leggst mjög vel i okkur. Við erum staðráðin i að klára þetta sumar af krafti og enda eins ofarlega og hægt er. En einnig að njóta þess að spila saman sem lið og safna i reynslubankann.
Selfoss er með hörkulið enda nýkrýndir bikarmeistarar. Það er mjög erfitt að eiga við þær á báðum endum vallarins. Eru með reynslubolta frammi sem kann þetta allt og sterka vörn og markmann.
Þær munu koma fullar sjálfstrausts en við ætum að mæta af krafti og berja á þeirra veikleikum og reyna að hemja þeirra styrkleika. Við höfum fulla trú á okkur eins og alltaf og ætlum okkur sigur i þessum leik."

Liðin mættust í byrjun júní þar sem Þór/KA vann 1-0 með marki frá Mayor. Selfyssingar hafa ekki skorað mörg mörk í sumar en að sama skapi fengið á sig mjög fá mörk. Markatalan er +1, 17 skoruð en liðið hefur fengið 16 mörk á sig.

Nýkrýndir bikarmeistarar frá Selfossi koma í heimsókn í Þorpið og mæta liðinu sem er fyrir ofan þær í Pepsi Max deildinni, Þór/KA.

Góðan dag og verið velkomin í þessa beinu textalýsingu frá Þórsvelli. Það er hörkuslagur í vændum!