Eins og staðan er núna eru fleiri aðdaendur Kormáks Hvatar mættir eða um 20 talsins og horfi ég öfundaraugum á glæsilega trefla og derhúfur stuðningsmanna þeirra. 10 mín í leik

Liðin hita upp af fullum krafti á meðan kynnti ég mér vélageymslu heimamanna með viðeigandi athugasemdum

Þá eru gestirnir miklir meistarar mættir með góða selfie stöng og farsíma og sýna leikinn beint á facebook á aðdáendasíðu Kormáks

Ægismenn höfðingjar heim að sækja buðu manni uppá kók og kleinu enda drekk ég ekki kaffi. Er þakklátur fyrir gestrisnina en ég skora á menn að klæða sig vel. Þetta var víst aðeins meiri gola en upphafleg skoðun benti á

Það er ekkert dæmigert haustveður í Þorlákshöfninni. Smá gola eins og Grindvíkingar mundu kalla það. 10 stiga hiti og engin rigning. Allavega ekki ennþá

Ég hef engar áhyggjur af dómgæslunni í kvöld enda er Partý - Elli eða Elli fm957 með flautuna og á línunni Álftnesingur i Guðmundi Inga Bjarnasyni og KR ingurinn Siggi Schram

Þá er skemmtilegt að segja frá því að vegalengdin í Þorlákshöfn er afar vanmetin en gestirnir voru reyndar ekki sammála því en svona er þetta fyrir okkur borgarbörnin

Það er allt undir í dag. Sigurliðið úr þessu einvígi fer uppí 3.deild og tapliðið situr eftir með sárt ennið. Fyrri leikur liðanna endaði með 1-1 jafntefli. 0-0 mundi duga Ægi og jafntefli stærra en 1-1 Kormák/Hvöt en ég er sannfærður um að við fáum sigurvegara

Heil og sæl. Verið velkomin með okkur til Þorlákshafnar þar sem heimamenn í Ægi mæta Kormáki/Hvöt í úrslitakeppni 4. deildarinnar. Þetta er seinni viðureign liðanna í undanúrslitum.

Fyrri leikurinn endaði með 1-1 jafntefli en sigurliðið mun leika í 3. deildinni næsta sumar.

ÞAÐ ER ALLT UNDIR!

Leiknum er lýst í gegnum farsíma og því verður textalýsingin ekki eins ítarleg og við hefðum viljað. Allt það helsta mun þó auðvitað koma fram.