,,Það eru ungir knattspyrnuiðkendur sem ganga inn á völlinn með fána Pepsi Max-deildarinnar," ómar í hátalarakerfinu. Að þessu sinni átti það ekki við því allir fánaberarnir fjórir eru komnir í fullorðinna manna tölu. Eflaust samt ung í anda.

14:13 Liðin ganga nú inn á völlinn svo leikurinn mun hefjast 14:15 eins og búið var að ákveða.

Vindurinn var ekkert mikill í Keflavík og fyrst átti að spila úti en hviður voru svo miklar að varamannaskýlin fuku sem og keilur og annað dót. Þess vegna var ákveðið að færa leikinn.

13:40 Leikurinn hefst 14:15.

13:35 Jæja búið að opna húsið. Liðin komin inn.

13:32 Reykjaneshöllin er læst og liðin komast ekki inn. Vonandi mætir einhver með lykla svo upphitun geti hafist.

13:25 Það er rok og rigning í Keflavík og nú hálftíma fyrir leik var tekin ákvörðun um að færa leikinn í Reykjaneshöllina. Liðin eru að keyra yfir þessa stundina.

Liðin mættust á Víkingsvelli 19. júlí síðastliðinn og gerðu þá 1 - 1 jafntefli.

Liðin voru bæði nýliðar í Pepsi Max-deildinni í vor og gætu bæði farið beint niður aftur.

HK/Víkingur féll eftir tap í Vestmannaeyjum í síðustu umferð og Keflavík gæti fallið eftir leikinn í dag.

Til að sleppa við að falla í dag verður Keflavík að vinna leikinn í dag og treysta á að ÍBV tapi gegn Fylki í Vestmannaeyjum í leik sem hefst á sama tíma.

Góðan daginn og verið velkomin í beina textalýsingu frá viðureign Keflavíkur og HK/Víkings í næst síðustu umferð Pepsi Max-deildar kvenna.

Leikurinn hefst klukkan 14:00 á Nettóvellinum í Keflavík.