Friðrik Dór byrjaður að þenja raddböndin og kynna liðin til leiks fyrir þá c.a 30 áhorfendur sem mættir eru á völlinn.

Guðmundur Kristjánsson er ekki með FH í dag. Ég hef ekki vitneskju um hvað veldur, hvort það séu meiðsli þar á bakvið eða eitthvað slíkt. En það ættu að vera hæg heimatökin að nálgast upplýsingar um það hér í Kaplakrika enda FH-ingar miklir höfðingjar upp til hópa.

Liðin mætt til upphitunar hér í Kaplakrika. Vona að þau setji bæði mikin kraft í það enda veitir ekki af.

Hvet alla þá sem eru á leið á völlinn til að klæða sig vel. Það er skítaveður svo ekki sé fastar að orði kveðið, rigningarsuddi og rok. Íslenskara verður það varla.

Byrjunarliðin eru komin. Björn Daníel Sverrisson er með fyrirliðabandið hjá FH en Davíð Þór Viðarsson er á bekknum. Davíð tilkynnti í vikunni að skórnir væru á leið á hilluna góðu.

Brandur Olsen og Halldór Orri Björnsson taka út leikbann.

Það verður að segjast að aðstæður eru ekki þær bestu til knattspyrnu í dag. Mikið hefur rignt og veðrið er ekki að leika við okkur hér.

En það er því sem næst ómögulegt að fresta þessum leik þar sem ekki er hlaupið að því að finna nýjan leiktíma svo menn verða að láta sig hafa það.

Fyrri viðureignir í efstu deild

Tölfræðin er með FH í liði í dag. Liðin hafa leikið 57 leiki innbyrðis í efstu deild.

FH hefur haft sigur í 26 þeirra, ÍBV hefur unnið 16 og 15 leikjum hefur lokið með jafntefli.

Markatalan er svo 97-79 FH í vil.

Fyrri leik liðanna í sumar í Vestmannaeyjum lauk með 2-1 sigri FH þar sem Steven Lennon gerði bæði mörk FH en Gary Martin minnkaði munin fyrir ÍBV undir lokin.

Heimamenn eru eins og áður sagði í kjörstöðu í baráttunni um síðasta Evrópusætið þetta sumarið en þeir sitja í 3.sæti deildarinnar með 31 stig og 2 stigum á undan Stjörnunni fyrir leikinn.

Vinni FH ekki opnast möguleiki fyrir Stjörnuna en þeir eru með ögn betri markatölu en FH og eiga eftir leiki gegn Fylki og ÍBV meðan að FH á leik gegn nýkrýndum meisturum KR í næstu umferð áður en þeir ljúka mótinu gegn Grindavík.

Gestirnir frá Eyjum eru nú þegar fallnir og spila því uppá fátt annað en stoltið í dag.

Sjá sér líklega leik á borði að stríða særðum FH-ingum sem eru í kjörstöðu til að fara langt með að tryggja Evrópusæti að ári með sigri.

Leiktíminn er heldur óhefðbundin fyrir leik í miðri viku eða 16:45. Á því eru þó afar einfaldar skýringar.

FH lék eins og flestir ættu nú að vita til úrslita um Mjólkurbikarinn síðastliðin laugardag þar sem þeir þurftu að horfa á eftir bikarnum í hendur Víkinga. Leikjum FH og Víkinga sem áttu að vera um helgina að öllu eðlilegu var því að sjálfsögðu frestað til dagsins í dag.

Hitt er svo að engin flóðljós eru í Kaplakrika og vegna birtuskilyrða þarf því að hefja leik svona snemma en annað er uppá teningnum á Wurthvellinum þar sem Fylkir tekur á móti Víkingum í fljóðljósum klukkan 19:15.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik FH og ÍBV í Pepsi Max deild karla.