Þá eru liðin að labba inn á völlinn eftir að hafa stoppað örstutt í búningsklefum til að stilla saman strengi sína

Byrjunarliðin eru komin inn og þið getið séð þau hér til hliðanna

Steini gerir eina breytingu á sínu liði frá síðasta leik við Val, Fjolla kemur inn fyrir Selmu Sól sem sleit krossband í síðasta leik.

Kjartan gerir líka eina breytingu á sínu liði, Lovísa Sólveig kemur inn fyrir Þórdísi Elvu sem fékk rautt spjald í síðasta leik

Vonin er kannski veik fyrir Blika en hafa þjálfarar og leikmenn trú á titli?

"Vonin er mjög veik. Kraftaverk hafa gerst, við bjuggum til smá kraftaverk með því að jafna hérna í lokin og ég trúi á Gunnar Magnús vin minn að hann sé svona nánast eins og guð almáttugur" sagði Steini í viðtali við .net eftir stórleikinn gegn toppliði Vals

Hildur Antons sagði í viðtali eftir síðasta leik:
"Ég hef fulla trú á því að við eigum séns, ef heimurinn er réttlátur eigum við að vinna þetta miðað við hvernig leikurinn var í dag."

Fyrri leikur liðanna fór fram 9. júlí þar sem Blikar unnu 5:0. Berglind Björg og Alexandra Jóhanns skoruðu báðar 2 mörk og Agla María eitt mark.

Fylkir er í 5. sæti deildarinnar með 22 stig. Þær fóru á geggjað run seinni hluta sumars og unnu einhverja 5 leiki í röð! Nú hafa þær þó tapað þremur leikjum í röð, fyrst gegn Val, svo Selfoss og nú síðast gegn ÍBV.

Úrslitaleikur deildarinnar fór að sjálfsögðu fram eins og flestir vita síðasta sunnudag þar sem Valur og Breiðablik gerðu 1-1 jafntefli. Fanndís kom gestunum yfir með fínu skoti og Heiðdís jafnaði svo á lokasekúndu leiksins með flottum skalla eftir hornspyrnu. Í þeim leik voru Blikar töluvert betri en náðu ekki að nýta færin nægilega vel sem hefur verið þeirra helsta vandamál á tímabilinu.

Blikar eiga fræðilegan mögulega á að verða Íslandsmeistarar hér í dag. Til að það gerist þurfa Blikar að sjálfsögðu að vinna sinn leik og þær þurfa að treysta á að Keflavík (sem féllu úr Pepsi-deildinni í síðustu umferð) taki stig af toppliði Vals.
Best væri fyrir Breiðablik að Keflavík myndi sigra Val en þá myndu Blikar vinna deildina með einu stigi.
Annar möguleiki er að Keflavík geri jafntefli við Val en þá þurfa Blikar "aðeins" að vinna með 18 mörkum.

McDaginn kæru lesendur og verið hjartanlega velkomin í beina textalýsingu úr leik Fylkis og Breiðabliks í lokaumferð Pepsi-Max deildarinnar.
Leikurinn hefst á slaginu 14:00 í Lautinni.