Búið að kynna liðin, það eru fimm mínútur í leik. Dómari leiksins er Pétur Guðmundsson, honum til aðstoðar eru þeir Birkir Sigurðsson og Andri Vigfússon.

Björgvin Stefánsson og Kristján Flóki Finnbogason eru ekki með KR vegna meiðsla en það er frábært að sjá Alex Frey aftur í hópnum hjá KR eftir að hafa slitið krossband á síðasta tímabili.

Hjá Víkingi er Sölvi Geir ekki í hópnum. Kristall Máni er ekki kominn með leikheimild og því er hann ekki heldur í hópnum.

Giska á 4-4-1-1 með Ágúst fyrir aftan Óttar. Mjög líklegt að Arnar sé að stilla þessu öðruvísi upp samt.

Ingvar
Davíð - Kári - Halldór - Dofri
Erlingur - Júlíus - Viktor - Atli
Ágúst
Óttar

Athygli vekur að Pálmi Rafn er fyrirliði KR þar sem Óskar Örn byrjar á bekknum. Stefán Árni Geirsson, sem lék með Leikni á láni í fyrra, byrjar í stað Óskars.

Sýnist á skýrslunni að Rúnar ætli að stilla upp í 4-5-1 með Tobias sem fremsta mann.

Beitir
Kristinn-Finnur T-Arnór-Kennie
Finnur O - Arnþór
Stefán - Pálmi - Atli
Tobias.

Sé ég þetta fyrir mér, vinstri til hægri.

Byrjunarliðin eru komin inn!

Hægt er að sjá liðin í síma ef smellt er á 'Heimalið' (KR) og Gestir (Víkingur R.)

Byrjunarlið KR:
1. Beitir Ólafsson (m)
4. Arnþór Ingi Kristinsson
5. Arnór Sveinn Aðalsteinsson
7. Tobias Thomsen
8. Finnur Orri Margeirsson
10. Pálmi Rafn Pálmason (f)
11. Kennie Chopart
19. Kristinn Jónsson
23. Atli Sigurjónsson
25. Finnur Tómas Pálmason
29. Stefán Árni Geirsson

Byrjunarlið Víkings
1. Ingvar Jónsson (m)
6. Halldór Smári Sigurðsson (f)
7. Erlingur Agnarsson
10. Óttar Magnús Karlsson
11. Dofri Snorrason
13. Viktor Örlygur Andrason
20. Júlíus Magnússon
21. Kári Árnason
22. Ágúst Eðvald Hlynsson
24. Davíð Örn Atlason
77. Atli Hrafn Andrason

Pepsi Max-deild karla byrjar um næstu helgi. KR mætir Val á útivelli í fyrsta leik mótsins á laugardag og á sunnudag tekur Víkingur á móti nýliðum Fjölnis.

Byrjunarliðin í leiknum í kvöld fara að detta í hús, koma inn u.þ.b. 19:15.

Liðin mættust í úrslitaleik Reykjavíkurmótsins í janúar þar sem KR vann í vítaspyrnukeppni.

Á síðustu leiktíð sigraði KR báða leiki liðanna 1-0. Síðasti sigur Víkinga gegn KR kom í júlí 2018.

Breytingar á leikmannahópi Víkings:

Komnir:
Atli Barkason frá Fredrikstad
Helgi Guðjónsson frá Fram
Ingvar Jónsson frá Viborg
Kristall Máni Ingason frá FC Kaupmannahöfn (lán)

Farnir:
Isaac Owusu Afriyie í Tindastól (lán)
Guðmundur Andri Tryggvason til Start (Var á láni)
Gunnlaugur Fannar Guðmundsson í Kórdrengi
Gunnlaugur Hlynur Birgisson í Þrótt R.
James Mack til Nýja Sjálands
Kwame Quee í Breiðablik (Var á láni)
Mohamed Dide Fofana til Noregs (Var á láni)
Sindri Scheving í Þrótt R.
Rick Ten Voorde

Breytingar á leikmannahópi KR:

Komnir:
Emil Ásmundsson frá Fylki
Guðjón Orri Sigurjónsson frá Stjörnunni

Farnir:
Ástbjörn Þórðarson í Gróttu (lán)
Axel Sigurðarson í Gróttu
Bjarki Leósson í Gróttu
Hjalti Sigurðsson í Leikni R. (lán)
Oddur Ingi Bjarnason í Grindavík (lán)
Tryggvi Snær Geirsson í Fram (lán)
Sindri Snær Jensson hættur
Skúli Jón Friðgeirsson hættur

Í spá Fótbolta.net fyrir mótið í ár er KR spáð 2. sæti og Víkingi spáð 5. sæti.

KR varð sannfærandi Íslandsmeistari í fyrra og mætir með lítið breytt lið í mótið í ár. Víkingur sigraði bikarinn eftir sigur á FH í bikarúrslitaleik en FH sigraði KR á leið sinni í úrslitaleikinn.

Víkingur var í smá brasi í deildinni í fyrra en hélt í gildi sín sem skilaði sér á endanum í 7. sæti með 24 stigum minna en KR.

Góðan daginn, já eða kvöldið - fer eftir því hvenær lesið er. Velkomin(n) í beina textalýsingu frá leik KR og Víkings Reykjavíkur.

Leikurinn heitir hér á síðunni Meistarar meistaranna, leikið er í meistarakeppni KSÍ þar sem Íslandsmeistarar síðasta árs taka á móti bikarmeisturunum.