Uppbótartími síðari hálfleiks er að lágmarki fjórar mínútur.

Karólína tekur hornspyrnu frá hægri sem svífur yfir á fjærstöngina og af FHing og framhjá. Agla María skokkar út til vinstri að taka hornspyrnuna hinu megin frá.

Sveindís með sjöundruðasta hættulega innkast leiksins. Alexandra flikkar boltanum áfram inn í teiginn en þar er enginn Bliki mættur og boltinn rúllar framhjá.

Agla María með vinstrifótar skot eftir frábærar hreyfingar í teig FH. Skotið fer yfir markið.

Helena Ósk liggur eftir samstuð og fær aðhlynningu. Er að endingu tekin út af.

Helena Ósk fer framhjá Hildi Þóru og tekur skot af löngu færi sem hræðir Sonný líklega ekki.

Guð er að hjálpa FH. Ótrúlegt að þetta hafi ekki endað með marki. Sveindís nær góðri fyrirgjöf inn á teiginn, Karó tekur skot sem fer af tveimur FH leikmönnum, í slánna og framhjá. Nokkrum augnablikum síðar tekur Sveindís innkast sem Hildur Antons skallar af slánni og yfir.

Orrahríð að marki FH. Breiðablik tekur nokkur skot að marki FH með sekúndnan millibili. Berglind tekur svo bylmingsskot sem smellur í slánni. Ótrúlegt að ekkert mark hafi komið upp úr þessu.

Maður hefur varla undan. Alexandra með flott skot sem Aníta þarf að blaka yfir.

Sveindís nær skoti með vinstri eftir hornspyrnu Blikaliðsins. Fjör í þessu.

Sveindís tekur hratt innkast á Berglindi eftir að FH ná að hreinsa boltann. FH vörnin er smá út um allt þannig að Berglind nær strax góðu skoti í teig FH en skotið fer ekki á markið.

Frábær bolti frá Sveindísi á Alexöndru sem nær ekki að taka við honum og sóknin rennur út í sandinn.

Karólína keyrir inn á teig FH, tekur skæri og missir svo boltann frá sér. Blikar ná boltanum strax aftur og halda áfram að sækja. Sveindís nær að lokum skoti sem fer yfir.

Flottur sprettur frá Sveindísi Jane inn á teig FH en hún nær ekki skoti. Nokkrum sekúndum síðar fær hún frábæra sendingu inn fyrir vörnina frá Alexöndru en skot Sveindísar fer af varnarmanni FH og í hendurnar á Anítu.

Athygli vekur að báðir bandarísku leikmenn FH eru fjarverandi en önnur þeirra er á leið til landsins í þessum töluðu örðum og svo var Taylor að fá leikheimild í gær en hún klárar sóttkví á miðnætti í kvöld.

Agla María með góða skiptingu yfir á Sveindísi Jane sem setur boltann í hlaupaleiðina fyrir Alexöndru. Alexandra vinnur hornspyrnu sem Karólína tekur og ekkert verður úr.

Uppbótartími fyrri hálfleiks er að lágmarki þrjár mínútur. Nægur tími fyrir annað mark áður en flautað er til hálfleiks.

Brot dæmt á Alexöndru í horninu þar sem hún virðist ýta leikmanni FH.

Frábær sprettur hjá Öglu Maríu. Hún fíflar Valgerði Ósk, tekur straujið inn á teiginn og nær að endingu ekki skoti. Innan við mínútu síðar, tekur hún Valgerði aftur og fer framhjá henni. Í þetta skiptið nær hún skoti sem Aníta ver í horn.

Enn eitt færið hjá Blikastúlkum sem virðast ekki geta hætt að sækja núna.

Úlfa Dís með frábæra björgun. Agla María með aukaspyrnu sem berst á Alexöndru á fjærstönginni. Aleaxandra stangar boltann í átt að markinu en Úlfa kastaði sér fyrir boltann.

Maður lifandi! Þessi löngu innköst hennar Sveindísar eru að skapa usla í teig FH kvenna trekk í trekk.

Agla María með frábæra sendingu á Berglindi Björgu inn fyrir vörn FH. Berglind nær skoti yfir Anítu en boltinn fer framhjá.

Alexandra reynir sendingu inn fyrir vörn FH en Berglind er dæmd rangstæð áður en boltinn berst til hennar.
Breiðablik betra liðið hingað til en hefur ekki tekist að skapa sér mörg færi.

Boltinn berst á Hafrúnu Rakeli fyrir utan teig FH kvenna. Hafrún nær að setja boltann fyrir sig en skotið frá henni er framhjá markinu.

Berglind með skot beint á Anítu eftir innkast utan af hægri kanti.

Berglind fær skallafæri eftir góða sendingu frá Hildi Þóru. Skalli Berglindar hins vegar lengst yfir markið.

Breiðablik fer betur af stað. Þær virðast vera að spila 4-1-4-1 með Berglindi eina upp á topp.