Þór/KA leikur í svörtum treyjum og Stjarnan í bláum treyjum og hvítum stuttbuxum.

Veðrið er frábært og íslenski fáninn hreyfist varla! Alls ekki margir mættir í stúkuna og stutt í leik.

Sveinn Arnarsson er dómari leiksins og honum til aðstoðar eru þeir Halldór Vilhelm Svavarsson og Sveinn Tjörvi Viðarsson.

Betsy Hassett, Sædís Rún og Katrín Mist eru þrjú ný andlit í byrjunarliði Stjörnunnar.

Lauren er á bekknum en hún er ekki búin að fá félagaskipti frá Tindastóli. Madeline Gotta sem er að ganga í raðir Þór/KA frá Bandaríkjunum er ekki í hópnum í dag.

Gaby byrjar og hefur hún leikið í bakverðinum í æfingaleikjum. Þá byrjar Berglind einnig en hún kom frá Breiðabliki á dögunum. Hinar níu í liðinu léku allar með liðinu í fyrra.

Andri Hjörvar Albertsson er aðalþjálfari Þór/KA og Bojana Besic er honum til aðstoðar. Andri var aðstoðarmaður Donna í fyrra. Á bekknum sem liðsstjóri er einnig Lauren Amie Allen, markvörðurinn sem Þór/KA fékk á dögunum frá Tindastóli.

Hjá Stjörnunni er Kristján Guðmundsson á sínu öðru ári með liðið.

Þór/KA var spáð sjöunda sæti í spá Fótbolta.net fyrir tímabilið og Stjarnan því sjötta.

Byrjunarliðin eru komin inn og má sjá þau hér til hliðar. Athygli vekur að Lára Einarsdóttir og Hulda Björg eru á bekknum hjá Þór/KA, lykilmenn undanfarin ár.

Hjá Stjörnunni er Anna María á bekknum en það er víst vegna meiðslavandræða.

Þór/KA endaði í 4. sæti á síðustu leiktíð og Stjarnan í því fimmta. Fimm stig skildu liðin að.

Leikar enduðu með 0-0 jafntefli á síðustu leiktíð. Þegar allar viðureignir frá árinu 2015 eru skoðaðar sést að Þór/KA hefur unnið þrjá leiki liðanna, sex hefur lyktað með jafntefli og Stjarnan hefur unnið ellefu.

Góðan daginn lesendur góðir og verið þið velkomnir í beina textalýsingu frá leik Þór/KA og Stjörnunnar.

Leikið er á Þórsvelli og hefst leikurinn kl. 15:00. Leikurinn er liður í 1. umferð Pepsi Max-deildar kvenna.