Byrjað að blása svolítið hérna suður með sjó og dropar aðeins. Við höfum séð betra veður, ég viðurkenni það.
Bæði lið ganga til búningsherbergja fyrir loka undirbúning áður en veislan hefst.

Marc McAusland er í banni í dag eftir rauða spjaldið í lokaleik Grindavíkur í fyrra, svona fyrir þá sem eru að velta því fyrir sér.

Gunnar Freyr Róbertsson er flautuleikarinn í dag en honum til aðstoðar verða þeir Guðmundur Ragnar Björnsson og Friðleifur Kr Friðleifsson.
Jón Magnús Guðjónsson sér svo um eftirlitið í dag.

Völsungi er spáð baráttu í hinum helmingi töflunnar í sumar samkvæmt sérfræðingum fotbolti.net en Jóhann Kristinn er þrátt fyrir það heldur brattur fyrir sumarið.

"Ég held að spáin komi ekkert á óvart frekar en eitthvað annað. Við höfum misst marga menn frá í fyrra en hvort menn viti það almennt veit ég nefnilega ekki. Ætli okkur sé ekki spáð svona neðarlega því það eru mörg sterk lið á pappírunum í ár og flest liðin hafa verið meira áberandi ,,á markaðnum" en við. Mér líst bara vel á deildina og gaman að sjá að deildin styrkist á hverju ári. Fleiri betri leikmenn taka þátt og þjálfarar með mikla reynslu eru við stjórnvölinn. Félögin eru að leggja meira í þetta og taka þessu meira og meira alvarlega. Það ætti að vera tilhlökkunarefni fyrir alla leikmenn að fá að kljást við erfiða andstæðinga í öllum leikjum. Við erum alltaf brattir og stefnum að því að gera betur en síðast. Það þýðir auðvitað alltaf hjá okkur að við viljum komast í betri deild. Við værum nú svolítið að bregðast sjálfum okkur ef við færum að koma með einhver ,,vera með" markmið núna allt í einu."

Njarðvíkingum er spáð 3.sætinu af sérfræðingum fotbolti.net fyrir sumarið.

,,Það eru sterkir einstaklingar í liðinu og búið að setja mikinn kraft í að sækja öfluga leikmenn sem eiga að skila liðinu upp í 1. deild. Hryggjarstykkið í liðinu er mjög gott með Rúnar í markinu góður liðsmaður og leiðtogi, Mark Mcausland er svo í hafsent einn af betri varnarmönnum deildarinnar, Stefán Birgir frábær spyrnumaður og flottur sendingamaður og svo Kenneth Hogg sem fremsta mann. Sean De Silva kemur til með valda usla fyrir andstæðinga Njarðvíkur í sumar og ætti sóknarleikurinn að vera sterkur fyrir Njarðvík með Kenneth og Sean De Silva sem fremstu menn."

Lið Völsungs kemur einnig með nokkrar breytingar inn í tímabilið með Jóhann Kristinn Gunnarsson sem er að fara inn í sitt fjórða tímabil sem þjálfari Völsungs. Þetta er ekki hans fyrsti kafli á Húsavík því hann þjálfaði kvennaliðið 2008 og 2009 ásamt því að stýra körlunum sömu ár. Í kjölfarið stýrði hann eingöngu körlunum í tvö ár. Árið 2012 tók hann við Þór/KA og gerði liðið að Íslandsmeisturum á sínu fyrsta ári. Hann var þjálfari Þór/KA út tímabilið 2016.

Komnir:
Milos Vasiljevic frá Serbíu (var í Fjarðabyggð sl. 3 ár).
Sasha Uriel Litwin Romero frá Spáni
Sæþór Olgeirsson frá KA

Farnir:
Akil DeFreitas
Bergur Jónmundsson Hættur
Elvar Baldvinsson Í Þór
Gunnar Sigurður Jósteinsson Hættur
Halldór Mar Einarsson í KF
Kaelon Fox í Þór
Ófeigur Óskar Stefánsson Hættur
Rafnar Smárason Hættur
Rúnar Þór Brynjarsson í Magna
Sigvaldi Þór Einarsson Hættur
Sverrir Páll Hjaltested aftur í Val (var á láni)

Vindum okkur að liði Njarðvíkur en þeir koma með heldur breyttan hóp til leiks í sumar eftir brotfallið úr Lengjudeildinni (Inkasso deildinni þá) síðasta sumar en ásamt vel uppfærðum hóp þá voru þjálfarabreytingar í Njarðvík en Mikael Nikulásson tók við þjálfun Njarðvíkur í vetur eftir langa fjarveru frá þjálfarastörfum. Hann þjálfaði ÍH á árunum 2006-2010. Hans fyrstu leikir sem þjálfari voru hjá Núma sumarið 2005.

Komnir:
Alex Bergmann Arnarsson frá Fram (lán)
Alexander Magnússon frá Kórdrengjum
Atli Fannar Hauksson frá Fjölni (lán)
Atli Freyr Ottesen Pálsson frá Víði
Einar Örn Andrésson frá Keflavík (lán)
Hlynur Magnússon frá Aftureldingu
Hrannar Hlíðdal Þorvaldsson frá Fram
Jón Tómas Rúnarsson frá Víði
Kári Daníel Alexandersson frá Val (lán)
Kristján Ólafsson frá FH (lán)
Marc Mcausland frá Grindavík
Rúnar Gissurason frá Reyni S.
Sean De Silva frá Haukum
Theodór Guðni Halldórsson frá Reyni S.

Farnir:
Andri Fannar Freysson til Keflavíkur
Atli Geir Gunnarsson til Þróttar R.
Brynjar Atli Bragason til Breiðabliks
Elmar Elí Arnarsson til Víðis
Gísli Martin Sigurðsson til Breiðabliks (var á láni)
Hilmar Andrew McShane til Grindavíkur
Ivan Prskalo til Króatíu
Krystian Wiktorowicz til Reyni S. (lán)
Ólafur Ingi Jóhannsson til Reyni S.
Pawel Grudzinski til Víðis
Pálmi Rafn Arinbjörnsson til Wolves
Sigurbergur Bjarnason til Víðis
Toni Tipuric til Bosníu-Hersegóvínu
Victor Da Costa til GG

Góðan og margblessaðn daginn og verið hjartanlega velkominn í beina textalýsingu frá leik Njarðvíkur og Völsungs í fyrstu umferð 2.deildar karla.