Arnór Guðjohnsen er heiðursgestur leiksins og heilsar upp á leikmenn áður en Sigurður Hjörtur flautar gleðina á. Liðin munu rölta út eftir pínusmá.

Bolvíska stálið spáir 2-0 fyrir Vikes. Það verður að fylgja.

Var að heyra að Víkingur væri í 4-3-3 með Erling og Ágúst á vængjunum. Kári semsagt á miðjunni. Þetta kemur allt í ljós rétt á eftir.

Stemningin er allavega að aukast í Víkinni. Gaupi er mættur og spjallar við gesti og gangandi. Það er röð í hamborgarana og léttölið. Bolvíska stálið á Mogganum er mætt mér við hlið. Eðal félagsskapur.

Fyrstir til að fá sér sæti í stúkunni eru Jón Páll Pálmason, þjálfari Víkings í Ólafsvík, og Birkir Sveinsson, mótastjóri KSÍ. Birkir gæðir sér á borgara.

Jón Páll er mættur með skrifblokkina enda eru ÓlafsVíkingar að fara að mæta Víkingi Reykjavík í 32-liða úrslitum Mjólkurbikarsins í næstu viku.

Spurning er hvaða kerfi Arnar Gunnlaugsson sé að láta Víkinga spila. Ég giska á að við séum í 4-4-2 með tígli.

Ingvar (m)
Davíð - Halldór - Sölvi - Logi
Kári
Júlíus - Viktor
Erlingur
Ágúst - Óttar

Byrjunarliðin eru komin inn.

Hallvarður Óskar Sigurðsson er ekki með Fjölni í kvöld. Í fremstu víglínu er Ingibergur Kort Sigurðsson en Jón Gísli Ström er ekki í leikmannahópnum.

Hér í Fossvoginum er verið að vökva gervigrasið vel. 10 gráðu hiti og skýjað. Búið er að hólfa leikvanginn í tvennt svo það er hægt að taka á móti 1.000 áhorfendum. Byrjunarliðin fara að detta inn á allra næstu mínútum. Spennið beltin!

Máni Pétursson spáir óvæntum úrslitum
Óvæntustu úrslit umferðarinnar. Fjölnir vinnur 0-1 með marki frá Hallvarði Óskari Sigurðarsyni. Markið kemur eftir tvær mínútur. Vikingar senda boltann til hliðar og til baka næstu 88 mínúturnar og telja sér trú um að tölfræðin segi að þeir hafi verið betri aðilinn i leiknum.

Sigurður Hjörtur Þrastarson dæmir leikinn í kvöld en aðstoðardómarar eru Oddur Helgi Guðmundsson og Eðvarð Eðvarðsson. Jóhann Ingi Jónsson er varadómari og heldur um skiltið en Kristinn Jakobsson sér um eftirlitsstörfin.

Arnar Gunnlaugsson, þjálfari Víkinga:
Það er þvílík eftirvænting komin í alla og þetta verður bara geggjað. Ungu strákarnir okkar eru orðnir árinu eldri og gömlu mennirnir okkar vilja njóta þess að spila eins lengi og þeir geta. Blandan okkar er mjög sterk og við ætlum að vera með í baráttunni um að berjast um titilinn.

Hér á Heimavelli hamingjunnar mætast Víkingur og Fjölnir í 1. umferð Pepsi Max-deildarinnar. Víkingar eru bikarmeistar og er þeim spáð fimmta sæti. Fjölnismenn eru nýliðar og þeim er spáð neðsta sæti.

Grafarvogsliðið hefur misst lykilmenn frá síðasta tímabili; varnarmennina Rasmus Christiansen (fór til baka í Val eftir lán), Bergsvein Ólafsson (hætti) og Albert Brynjar Ingason (fór í Kórdrengi). Ekki hefur náðst að fylla í þessi skörð.