Liðin eru að ganga inn á völlinn.

Liðin eru mætt út á völl og byrjuð að hita.

Fyrir þá sem eru að íhuga að mæta á völlinn þá mæli ég mikið með að þið skellið ykkur í Laugardalinn í þetta geggjaða veður.

Hörður Ingi Gunnarsson hægri bakvörður FH fékk það verkefni að spá í 3.umferð deildarinnar og spáir hann því að Þróttarar fái sín fyrstu stig hér í kvöld

Þróttur R. 2 - 1 Þór

,,Þróttararnir sækja sín fyrstu stig í Laugardalnum í þessum leik. Acoff sér um það með tveimur slummum."

Spá Harðar Inga má sjá hér

Báðir þjálfarar gera breytingar frá 2.umferðinni

Gunni Guðmunds gerir 2 breytingar frá tapinu í Grindavík en þeir Rojo Martinez og Hreinn Ingi koma inn í staðin fyrir Magnús Pétur og Guðmund Friðriksson en Guðmundur tekur út leikbann hér í dag.

Palli Gísla gerir alls 5 breytingar frá sigurleiknum gegn Leikni F. Jónas Björgvin, Sigurður Marinó, Jóhann Helgi, Hermann Helgi og Sveinn Elías koma allir inn í staðin fyrir Jakob Snæ, Fannar Malmquist, Elmar Þór Jónsson, Izaro Abella og Jakob Franz

Byrjunarliðin eru klár og má sjá þau hér til hliðana.

Rojo Martinez og Jóhann Helgi leiða linurnar í kvöld!

Veðrið á höfuðborgarsvæðinu er STURLAÐ og fá leikmenn ekki betra fótboltaveður.
17 gráður, logn og sólin skín!

Talandi um bikarinn.. Þá voru bæði liðin í sviðsljósinu í síðustu viku þegar 32-liða úrslit Mjólkurbikarsins fóru fram.

Þróttarar fengu FH í heimsókn hér á Eimskipsvellinum og endaði sá leikur 1-2 fyrir Hafnfirðingum en mark Þróttar í leiknum gerði Djordje Panic en það dugði ekki Þrótti sem eru úr leik og geta þeir sett fulla einbeitingu á deildina.

Gestirnir í Þór fengu Reyni Sandgerði í heimsókn á Þórsvöll, staðan eftir venjulegan leiktíma var 1-1 og þurfti framlengingu til að skera um hvort liðið færi áfram og voru það Þórsarar sem kláruðu leikinn undir lok framlengingar þegar Sigurður Marinó fór á vítapunktinn og skoraði, hitt mark Þórs í leiknum skoraði Sölvi Sverrisson. Þórsarar fá það verðuga verkefni að fara í Krikann og mætir liðið FH í 16-liða úrslitunum.

Smelltu hér til að sjá dráttinn í heild

Það eru nokkur spurningarmerki fyrir leikinn hér í kvöld þegar við skoðum leikmannahópana.

Hjá Þrótturum er Dion Acoff tæpur, en hann meiddist á rist í bikarnum gegn FH í síðustu viku og missti af leiknum gegn Grindavík á sunnudagin síðast liðin og sagði Gunni Guðmunds þjálfari Þróttar við fréttaritara Fótbolta.Net í Grindavík að þeir vonist til þessi að hann verði klár hér í kvöld.
Þróttarar vonast til að Dion verði klár.

Hjá Þórsurum fóru þeir Aron Birkir Stefánsson, Orri Sigurjónsson og Elmar Þór Jónsson allir meiddir af velli gegn Leikni Fáskrúðsfirði og spurning hvort Páll Viðar treysti þeim í þetta verkefni hér í kvöld.

Þessi lið mættust tvíveigis síðasta sumar í þessari sömu deild sem hét þá Inkasso deildin og tóku Þórsarar öll stigin sem þar voru í boði.

Liðin byrjuðu á að mætast á Þórsvelli og endaði sá leikur 2-0 fyrir Þórsurum en mörkin gerðu þeir Alvaro Montejo og Sigurður Mairnó Kristjánsson, þeir eru báðir í leikmannahóp Þórs í ár.

Seinni leikurinn fór fram hér í Laugardalnum og enduðu leikar 1-3 fyrir Þórsurum, mark Þróttara í leiknum gerði Rafael Alexandre Romao Victor en hann yfirgaf Þrótt eftir síðasta tímabil og leikur í Ísrael í dag. Dagur Austmann kom Þórsurum yfir í leiknum með sjálfsmarki en hann leikur í dag með Leikni frá Reykjavík, hin mörkin gerðu þeir Alvaro Montejo og Sveinn Elías Jónsson.

Sex mörk í viðureignum þessara liða í fyrra!
Það er því eitthvað sem segir mér að við fáum markaleik hér í kvöld!

Fyrir tímabilið voru þjálfarar og fyrirliðar liðana sem spáðu fyrir um deildina og var þessum tveimur liðum spáð ólíku gengi. Þrótturum var spáð 10. sæti af þjálfurum og fyrirliðum.
Þjálfarar og fyrirliðar deildarinnar spá því hinsvegar að Þórsarar verði í toppbaráttu í sumar en þeim er spáð 4.sæti af þjálfurum og fyrirliðum.

Eftir fyrstu tvær umferðirnar eru þessi lið á sitthvorum enda töflunar en Þróttarar eru stigalausir við botnin. Þórsarar eru hinsvegar með fullt hús stiga á toppi deildarinnar ásamt Keflavík, Fram og ÍBV.

Þróttarar fóru til Grindavíkur í síðustu umferð og endaði sá leikur 1-0 Grindavík í vil en Þróttarar spiluðu einum færri í rúman klukkutíma en Guðmundur Friðriksson fékk tvö gul á stuttu millibili og tekur því út leikbann hér í dag.
Þórsarar fóru í heimsókn til Leiknis frá Fáskrúðsfirði en Þórsararnir sigruðu 2-3 og Bjarki Þór Viðarsson gerði tvö fyrstu mörk Þórsara áður en Jóhann Helgi Hannesson skoraði kærkomið mark og sagði bakpoka Palli við fréttaritara Fótbolta.net eftir leik að honum þótti rosalega vænt um það mark.

Heil og sæl kæru lesendur og verið hjartanlega velkomin í beina textalýsingu frá Eimskipsvellinum. Hér í kvöld fá Þróttarar frá Reykjavík strákana úr Þorpinu á Akureyri í heimsókn í þriðju umferð Lengjudeildarinnar.