Grindvíkingar heiðra 5.flokk félagsins fyrir leik en þeir náðu eftirtektarverðum árángri á N1 mótinu á Akureyri sem fram fór á Akureyri um liðna helgi. Gefum þeim að sjálfsögðu gott klapp, framtíð Grindavíkur þar á ferðinni.

Tæpt korter í leik og leikmenn að leggja lokahönd á undirbúning sinn. Engin Guðmundur Magnússon hjá Grindavík frekar en gegn Vestra en Blikinn Stefán Ingi skoraði í þeim leik og er á toppnum.

Hjá Keflvíkingum eru menn enn á meiðslalistanum. Engin Frans Elvarsson né Kian Williams. Það vekur líka athygli mína að Adam Árni Róbertsson er ekki með Keflavík í kvöld.

Það er auðvitað gaman frá því að segja að Eysteinn Húni Hauksson annar af þjálfurum Keflavíkur á þó nokkra leiki fyrir Grindavík eða eitthvað um 150 leiki. En hann á líka um 90 leiki fyrir Keflavík.

Fyrri viðureignir

51 leik hafa liðin leikið sín á milli í opinberum mótum samkvæmt vef KSÍ. Grindavík hefur unnið 18 leiki, 9 leikjum hefur lokið með jafntefli og alls 24 sinnum hefur sigurinn runnið í skaut Keflavíkur. Markatalan er svo 74-85 gestunum úr Bítlabænum í vil.

Síðustu viðureignir liðanna voru í Pepsi deildinni árið 2018 þar sem Grindavík hafði betur í báðum leikjum. Fyrst 0-2 á Nettóvellinum og svo 3-0 í Keflavík

Grindavík

Grindavík er eins og áður sagði með sex stig líkt og gestaliðið fyrir leik kvöldsins. Þeir hófu mótið með 1-2 tapi gegn Þór á Akureyri sóttu sinn fyrsta sigur gegn Þrótti á heimavelli í 2.umferð 1-0 þar sem Þróttarar léku manni færri í klukkustund en sigurmark Grindavíkur kom seint í leiknum.
Bæjarferð vestur á Ísafjörð skilaði svo þremur stigum til Grindavíkur en liðið lagði Vestra 2-3 í hörkuleik um liðna helgi.

Grindvíkingar hafa líkt og Keflavík verið að glíma við meiðsli lykilmanna en Guðmundur Magnússon lék ekki með þeim gegn Vestra eftir að hafa meiðst gegn Þrótti. Lánsframherjinn frá Grindavík Stefán Ingi Sigurðarson kom þó vel inní leik Grindavíkur og skoraði fyrsta mark leiksins fyrir þá gegn Vestra. Frekari gleðitíðindi fyrir Grindavík var þó að finna í þeim leik en Marinó Axel Helgason og Alexander Veigar Þórarinsson sneru aftur í lið Grindavíkur eftir að hafa verið frá vegna meiðsla.

Keflavík

Keflavík hóf mótið með látum og skoraði níu mörk í fyrstu tveimur leikjum mótsins. 5-1 sigri á Aftureldingu í Keflavík og 0-4 útisigri á Víkingum fá Ólafsvík. Kefvíkingum var þó kippt niður á jörðina gegn Leikni síðastliðin föstudag þar sem liðið þurfti að lúta í lægra haldi 1-2.
Meiðsli lykilmanna settu strik í reikningin í þeim leik og er t.d ljóst að talsverður tími er í að Magnús Þór Magnússon fyrirliði liðsins snúi aftur á völlinn en hann þjáist af beinmari í hné að ég held. Frans Elvarsson og Kian Williams voru sömuleiðis á meiðslalistanum gegn Leikni en spurning hvort þeir verði með Keflavík í kvöld.

Liðin sitja fyrir leik samsíða í deildinni í 5. og 6. sæti með sex stig að loknum þremur umferðum og ansi mikið undir í leik kvöldsins en augljóslega þurfa bæði lið sigur til að lenda ekki 6 stigum á eftir toppliðum deildarinnar.

Gott kvöld lesendur góðir og verið velkomin í beina textalýsingu Fótbolta.net frá suðurnesjaslag Grindavíkur og Keflavíkur í 4.umferð Lengjudeildar karla.