Leifur vinnur hlutkestið og velur að byrja með boltann, Alex nennir engu veseni og skiptir ekki um vallarhelming, enda er hliðarvindur svo það skiptir litlu.

Veislan fer að byrja og Silfurskeiðin er komin í stuð.

Liðin eru að hita og það er bölvað rok hérna, hef margoft séð betri aðstæður til knattspyrnuiðkunar.

Vonandi hefur veðrið ekki of mikil áhrif á gæði leiksins.

Byrjunarliðin eru komin inn hér til hliðar.

Hörður Árna byrjar gegn sínum gömlu félögum og er það eina breyting liðanna frá síðasta leik.

Guðmundur Ársæll fær það stórkemmtilega verkefni að flauta þennan leik.

Hann hefur dæmt tvo leiki í Pepsi Max deildinni hingað til og gefið í þeim 8 gul spjöld og 1 rautt.

Rauða spjaldið kom einmitt á Samsung vellinum í leik Stjörnunnar og Fylkis í fyrstu umferð deildarinnar sem endaði 2-1 fyrir heimamenn.

Hinn leikurinn sem Guðmundur dæmdi var 3-0 sigur Vals á Gróttumönnum á Seltjarnarnesinu.

Meðaltalið segir okkur að við fáum 3 mörk og 4 gul spjöld í leikinn hér í dag.

HK tapaði gegn Víking heima í Kórnum í síðustu umferð og hafa tapað öllum sínum leikjum þar, spurning hvort þeir nái ekki að krækja í 1-3 stig í kvöld fyrst þeir eru á útivelli og eru taplausir á útivelli.

Þetta er eini leikur kvöldsins, Stjörnumenn þurfa að spila mótið þéttar en önnur lið þar sem að þeir eru búnir með langfæsta leiki eftir sóttkví.

Stjarnan byrjaði mótið mjög vel og eru með 7 stig eftir þrjá leiki, spurning hvernig álagið hér eftir mun leggjast á leikmannahópinn.

Góða kvöldið gott fólk og verið velkomin í beina textalýsingu frá leik Stjörnunnar og HK.